كانت تجلس فى شرفة منزلها تنظر الى السماء وقت غروب الشمس، يداعب وجهها الهواء الرطب تتحدث الى نفسها تشكوا همها لربها وتحاول اخراج تلك المشاعر الكئيبة والمدمرة من قرارة نفسها
امل: ياارب انت عارف انى عمرى ما اذيت يااارب 😢 انا تعبت فى حياتى جداا..... امى اللى راحت وسابتنى وانا بنت ١٦ سنة امى اللى كانت سندانى وحاسه بيا دلوقتى انا مين ليا هناا ميين ليا فى دنيتك ياارب 💔وابويا اللى ماضيعش وقت واتجوز عمره مافكر غير فى الفلوس عمره مافكر مراته بتعاملنى ازاى عمره مافكر الأذى اللى كانت بتسببه ليا
ياااااااه انا استحملت كتير اوووى وانت يارب وقفت جنبى كتير يااارب خدنى عندك وعند امى 😭 انا ماليش حد هنااا ماليش مالييييش 💔
نعمه : انتى يا ابله امل هتفضلى رقدالى فى البلكونة كتير خيير يا ماما تعالى شوفى ابوكى هيجى هياكل ايه
أمل : دماغى مصدعه وابعدى عنى الساعة دى
نعمه : هاهاهاها لا حلوة دى امال هتفضلى قعدالى كداا زى البرنسيسة وانا اخدم عليكى ولا اييه قومى ياختى انا مش فاتحها لوكاندة هناا
امل: على فكرة انا قاعدة فى بيت ابويا يعنى بيتى ولو اتكلمتى كلمة زيادة انتى عارفة ابويا هيعمل ايه
نعمه : لا خوفتينى انتى وسبع البرومه ابوكى قومى ياختى اطبخى لابوكى قال بيتك قال 😂
ذهبت نعمه بشرها وظلت امل تحدث نفسها : يااارب ارحمنى من ايد الولية دى حسبى الله ونعم الوكيل
خير الامور ان يتكل الإنسان على الله ويلقى اليه زمام الامور فمن غير الله قادر ان يحل عقدتك ويفرج كربك فلا تبتئس من امرك انه #الله ❤
قررت أمل ان تخرج من صندوق احزانها وتقابل العالم والناس من جديد وتعيش حياتها بما يرضى الله ورسوله فتعيش فى كنف الايمان وان ارادت شكوى همومها فهى تشكى وتحكى للذى لاتغفل عينيه ولا تنام ،، ففى مجتمعاتنا تواجه بعض السيدات مشكلة وهى مشكلة لقب #المطلقة دون النظر الى اسباب طلاقها ولكنها مطلقة
لم تلقى امل بالا لتلك الظروف ابداا وانطلقت....
أمل: بابا انا ان شاء الله راجعه شغلى بكرة :)
محمد : شغل!!! شغل اية يابنتى انتى ناقصك حاجة ؟!!
أمل : مش حكاية ناقصنى انا الحمدلله مش عايزة حاجة بس شغلى هو اللى بلاقى نفسي فيه مش اكتر
نعمه وهى تتدخل فى الحوار: مع السلامة ياحبيبتى دا انتى حتى مقلله الاكسجين فى الشقة 😕😁
محمد: نعممممة 😠...... خلاص يا امل لو هترتاحى روحى يابنتى بس انا خايف عليكى عايزك تقعدى لما يجيلك نصيبك واطمن عليكى مع الراجل بجد مش اى كلام
أمل : ماتقلقش عليا يا بابا ثم انى مش هتجوز تانى خلاص مين دا اللى يوافق على وحدة عقيمة) ش ممكن تجيبله اطفال وانا خدت نصيبى من الدنيا خلاص 😑
محمد: لا يابنتى انتى فاهمة الدنيا غلط ممكن يكون الانسان يمر بتجربه فاشله ولكن دا مايمنعش ان لسه فيه أمل وانا متأكد ان بنتى هتفوق من اللى هى فيه علشان تعرف تقضى حياتها وتعرف وتفهم الدنيا ماشية ازاى... انزلى يابنتى شغلك لانى متاكد انك روحك فى الاطفال اللى فى المدرسة وهما اللى بيقدروا يهونوا عليكى
امل بنظرة تائهها: عند حقك يابابا دول وحشونى جداا...... متشكرة اوى يا بابا انك وافقت ❤
محمد: ربنا يريحك بالك ويجبر بخاطرك يابنتى 😍
عادت أمل الى مدرستها فقد اشتاقت لها حقاا ولزميلاتها والى الاطفال خاصه
استقبلها زميلاتها بحرارة شديدة وسلامات وترحيب الا واحدة منهم انها وفاء
**وفاء** مدرسة زميلة امل فى المدرسة ولكنها تحقد عليها جداا فإن امل تتميز عنها فى كل شئ فى الجمال والرقة ترجح الكفة بإرتياحيه الى امل فى حب الزملاء والمديرة ايضا انها امل فى رغبه الاطفال والاحترام والتقدير انها امل
وبدأت امل عملها فبدأت تتناسي مشاكلها فى وسط الدعم النفسي من زميلاتها وابيها فقد تخطت مرحلة هامة من ازمتها وتبدأ من جديد ❤
******
ذهب احمد الى بيته وتجهز واعد بعض الملفات الهامة عن عمله الذى تعطل بشكل كامل منذ غيابه
ذهب وعقله مشغولا ولكنه كان يوهم نفسه انه اعتاد الامر وسيعود ومعه الاطفال لأمهم
سامح : حمدلله على السلامة اغالى نورت مكتبك
احمد: الله يسلمك يا سمسم اخبارك اييه ؟!
سامح : انا كويس الحمدلله وانت اخبارك اية واخبار مدام الهام ؟!
احمد: انا اهو زى ما انت شايف اما الهاام..... ادعيلها يا سامح 💔
سامح: اية يابنى بس اهدى كداا ان شاء الله خير ربنا يقومهالك بالسلامة يااارب
احمد بتنهيدة طويلة : يااااااااارب...... يلا بقا خلينا فى الشغل اية الاخبار
سامح : عندنا اجتماع كمان ساعتين مع شركة الاسمنت ومستعدة تدفع اى مبلغ مقابل حملة اعلانية ضخمة جداا و........ اهاا صحيح فين الملف بتاع الشركة ؟!!!!
احمد: اووووباااا شكلى نسيته ينهااااارى هى كانت ناقصه ياربى 😐
سامح : طب هنعمل اية دلوقتى مش هينفع تروح انت عندك مقابلة مع المدير المالى دلوقتى!!
احمد بتفكيير : سااارة
سامح : افندم سارة مين ؟!! 😂
احمد: انت لسه هترغى اصبر شوية!!
سامح : سكتنا
وامسك احمد هاتفه واتصل ب سارة
احمد: ايوة يا سارة انتى فين ؟!!
سارة : انا طالعة من البيت اهو رايحة الجامعة
احمد: بالله عليكى ياحبيبتى تعدى على شقتى فى ملف على الكومدينو اللى جنب السرير هاتهولى.....
سارة : احمد مش هينفع انا اتأخرت جداا على الجامعة انا ممكن اجيبه من الشقة بس مش هلحق اجيبهولك
احمد ينظر لسامح بنصف عين : طيب ماشي خديه معاكى الجامعة وانا هبعتلك حد ياخده منك
سارة : خلاص اوك مافيش مشكلة بس كمان ساعة كدا!!!!
احمد : اوك تمام هيبقى هو يرن عليكى علشان ياخده ماشي!!
سارة بإستغراب : اوك ماشي
اغلق احمد هاتفه ونظر لسامح...
احمد : اجهز يا اسطا عندك طلعة
سامح : على فين بقاا ان شاء الله
احمد بجدية : هتجيب الملف من اختى من الجامعة قدام كلية تربية هتقابلها كمان ساعة هتديك الملف وتجيبه وتيجى جرى ☺
سامح : اهااا اصلى المرمطون بتاع الشركة😐
احمد : دا انت هتقابل اختى ياض انت تطول
سامح : ماشي ياعم.... انا ماشي اعمل شوية حاجات واروحلها
احمد: خد رقمها اهو علشان تكلمها وتعرفها فين 010........
********
بعد مايقرب من ساعة ونصف اتى سامح بالملف ووجهه باهت اللون و كأنه فى عالم اخر
احمد: اية يابنى مالك مخضوض كدا ليه ؟!!
سامح بتفكير : هاااا لا ولا حاجة احضر انت الاجتماع وانا همشى عشان تعبان شوية
سامح فى الطريق الى منزله يتحدث الى نفسه...
" اييية داااا ايه اللى انا قولته دااا زمانها تقول عليا ايييه ؟!!! استر ياااارب 😕😑 "
***************
سامح الى نفسه : ايييه داا ايه اللى انا قولته داا زمانها تقول عليا اييه ؟!! استر ياارب
.
وصل سامح الى منزله وهو فى حالة غريبة وغير مفهومة
ام سامح: حمدلله على السلامة يابنى اجهزلك الغداا
سامح : لا يا ماما انا هدخل اريح شوية
ام سامح : مالك يابنى ؟!
سامح: لا ابداا مصدع شوية عن اذنك..
دخل سامح غرفته والقى بجسده على السرير دون ان يبدل ملابسه وجلس يتذكر ما حدث
Flash back
ذهب سامح الى الجامعة ليأخد الملف من سارة ووقف امام كلية تربية كما اخبره احمد
سامح لنفسه: وبعدين انا هفضل مستنى الست هانم كداا ولا اييه
اخرج سامح هاتفه وبدأ يرن عليها ولكن لا يوجد رد
..
سارة داخل المحاضرة فهى على وشك الانتهاء ولكنها فى قمه استغرابها
سارة فى نفسها: مين دا اللى بيتصل بيا بس اكيد حد من طرف احمد انا فعلا اتأخرت عليه اووى
..
سامح : وبعديييين بقااا لما اتصل بأحمد
سامح: ايوة يا سي احمد انا هفضل ملطوع هناا مستنى اختك برن عليها ومابتردش
احمد: اوبااا نسيت اقولها انك هتتصل.. اختى مابتردش على ارقام غريبة علشان كدا ماردتش
سامح: طب ممكن تقولها تنزل انا واقف قصاد الكلية وسحت من الشمس
احمد: اوك اوك سلام
يتصل احمد بسارة وكانت فى تلك اللحظة انتهت محاضرتها
احمد: ايوة يا سارة انتى فين ؟!
سارة : معلش كنت فى محاضرة ولسه مخلصه... انت بعت الشخص اللى هياخد الملف ؟!!
احمد: ايوة ياستى وشبع اتصال عليكى وانتى مابترديش!!! انزلى يلا هو قدام الكلية من بدرى
سارة : اوك نازلة اهو سلام
..
ظل سامح واقفا وكان يقف بجواره مجموعة من الشباب ومن حوله وكان من الصعب على سارة ان تميزه او تعرفه
سارة لنفسها: طب الناس هنا بالهبل اهو هعرفه ازاى دا كمان
سامح لنفسه : اهى ابتدت تندع ياترى هى انهى وحدة خلينى اخلص
سارة لنفسهاا : هتصل بيه لما اشوف هعرفه ازاى بقا على اخر الزمن هقعد ادور على ولاد
اتصلت سارة بنفس الرقم
سارة : الو السلام عليكم
سامح: وعليكم السلام.... حضرتك الانسة سارة
سارة : ايوة اناا وحضرتك الاستاذ اللى بعته احمد ياخد الملف مش كداا
سامح : ايوة بالظبط اسمى سامح
سارة : اوك تمام حضرتك انا قدام الكليه حضرتك فين ؟!
سامح : وانا كمان قدام الكلية هعرفك ازاى ؟!
سارة : حضرتك هتلاقينى ماسكة ملف فى ايدى و لابسة درس كداا
سامح وهو يجول بنظره فى المكان : م مافيش حد مش شايف حد لابس درسات اصلا
سارة وهى تكتم ضيقها : طب اعملك ايه انا يعنى انا واقفة على سلم الكلية وكلنا مايكملش عشر بنات............. وظلت تشرح المكان.....
ولكن سامح لم يكن يسمعها فقد وقع نظره على تلك الفتاة المحجبة ولفت انتباه طريقة حديثها فى الهاتف وحركة يديها فحقاا انها مميزة وظل ينظر اليها حتى افاق على صوتها
ساارة : الو... الووو حضرتك سامعنى
سامح : هااا ايوة ايوة سامعك انا شوفت حضرتك بس ممكن تطلعى شوية بعيد البنات مش هعرف ادخلك فى وسطهم كداا
سارة : طيب اوك..... طلعت ا...
فلم تكمل جملتها حتى سمعت صوت من خلفها
سامح: السلام عليكم
سارة وهى تنظر: وعليكم السلام ورحمه الله وبركاته
سامح وهو يمد يده للسلام بإبتسامة : انا سامح
سارة بخجل: ا ااسفه مابسلمش
سامح : عادى مافيش مشاكل
سارة : اتفضل حضرتك الملف اهوو
سامح بفكاهه : انتى تقولى حضرتك حضرتك واخوكى يقولى انت ياض خد ياض لا خلاص روح ياض ههههه
سارة وقد ضحكت بشكل لا ارادى
سامح بعفويه ودون ادراك : تعرفى ضحكتك جميلة اووى زيك
سارة وقد اختفت ضحكتها تمام بضيق : افندم!!!! عن اذنك انا لازم امشي...
سامح : لحظة بس... انسه سارة.... انسه سارة...
.
Back
سامح يضع يده على وجهه وهو ملقى على السرير
سامح لنفسه: انا واحد غبى غبى ومتخلف كمان... ازاى اقول كداا زمانها تقول علياا اييه استغفر الله العظيييييييم
...
وبعد حوالى خمسة ايام طلب احمد من سامح ان يحضر الى منزله حتى يتموا قراءة بعض العقود والاتفاقيات مع الشركات المتعاقدة
ذهب سامح الى احمد و فى وسط حديثهم اتصلت سارة بأحمد....
سارة : الو السلام عليكم..
احمد : وعليكم السلام خير ياسارة فى حاجة الهام عايزة حاجة هااااا
سارة : حيلك حيلك اية يابنى اهدى شوية.... انا بس جاية اخد شوية هدوم لإلهام
احمد: هدوم اية وانا اجيبها انا كلها ساعة وجاي
سارة : لا خلاص انا طلعت كنت بتأكد بس انك فى البيت علشان مش معايا المفتاح
احمد: طيب ماشي تعالى انا هنا
**
انهى سامح عمله مع احمد وهم سامح للخروج
احمد: اقعد يابنى شوية لما تيجى سارة ونوصلك فى طريقنا
سامح : ا اا لا لا انا همشي يلا سلام
احمد باستغراب: سلام
...
صعدت سارة درجات السلم فإذا بها تتفاجئ به فى وجهها
لم تطل النظر اليه وذهبت من امامه فتسمع صوته
سامح : انسة سارة.... لو سمحتى
سارة لم تلتفت اليه: نعم..... *ثم التفتت*.... حضرتك عايزنى فى حاجة
سامح : انا اسف على اللى قولته لو كان ضايقك انا والله العظيم ماقصد اى حاجة.... و لو اخوكى مش واثق فيا ماكنش بعتنى ليكى.... انا اسف مرة تانية عن اذنك
... لم يترك لسارة فرصه للرد وذهب
ظلت سارة واقفة تفكر فى امر ذلك الغريب ولكنها كانت تشعر بفرحة داخلية لا تعلم سرهاا
***
احضرت سارة الملابس وذهبت هى واحمد الى الهام
الهام: اتأخرتوا كدا ليه!!
احمد : معلش ياحبيبتى لما سارة طلعت الهدوم ما انتى عارفاها باااااردة
سارة بأبتسامه واسعة: انا برضو اللى باردة يا تلم
احمد ببراءة مصطنعة : مش هرد عليكى علشان انا متربى
سارة وتنظر له بنصف عين : اممممم ما انا عارفة انت هتقولى
......
لاحظت الهام سعادة سارة وابتسامتها الواسعة غير المعتادة فقد كانت على يقين بأن هناك امر ماا
ذهب احمد ليحضر الاولاد لإلهام بناءً على طلبها حتى تستطيع التحدث الى سارة
الهاام: تعاليلى هنا بقاا
سارة : اية يابنتى فى اية؟!!
الهام : اية سر الفرحة اللى هتنط من وشك دى!!!
سارة : مافيش حاجة يابنتى عادى
الهام بنصف عين: هتكدبى عليا اناا ؟!
سارة : ههههههه دايما كدا قفشانى
الهام : ايوة كدا اعترفى
سارة: بصى هقولك بس انا مش عارفة انامبسوطة ليه... * ثم قصت عليها ماحدث*.....
الهاام : اممم بصى انا اعرف سامح من زمان جدا وهو صاحب احمد و دراعه اليمين فى الشغل.. سامح شخص محترم جدا جدا وما اعتقدش ابداا لا انا متأكدة انه مستحيل يكون قصده حاجة وحشة
وكمان من كلامك ومن معرفتى السابقة لسامح اقدر استنتج انه..........!!!!
****************************
بقلم...شيرين
ايه رايكم فى الاحداث يارب تكون عجبتكم وهستنى رايكم وتفاعلكم عليها
توقعاتكم 😉
يتبع
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق