انا ابن عم مهره وكنت خطيبها ..او لسه خطيبها يعني انا جاي علشان اقولك اني لقيت حل هيخلصك من كل ده يا مهره
الكل بصوله بزهول و قاسم قال بغضب شديد ..لا والله بجد لسه خطيبها...طب مش كنت تقول معلش مكانش عندي علم ان مراتي لسه مخطوبه لو كنت اعرف كنت رشيت الارض ورد
شاكر اتنهد بخنقه وبصل للشاب وقال انت جاي هنا ليه وايه لسه خطيبها دي انت مش عندك علم انها اتجوزت
الشاب بص لمهره وقال ايوه عندي.. اخوك اتجوزها غصب
شاكر قال.. يا سلام ..ودلوقتي افتكرت انو اتجوزها غصب دي بقالها شهور في عصمتو ليه متكلمتش من وقتها وعملت راجل ولا كنت في غيبوبه
مهره كانت واقفه مش بتنطق وباصه للموقف بصدمه وقاسم كان هيتجنن لانو عارف ان مهره كانت بتحب الشاب ده
الشاب قال بتوتر انا ما كانش معايا تمن الارض دي علشان امنعها وابوها كان مصر يتجوزو..ودلوقتي اللي حصل حصل انا جاي علشان اتكلم مع بنت عمي كلمتين اظن مش هتمنعوني اني اتكلم مع بنت عمي
قاسم مسكو من قميصه وزعق فيه جامد وقال.. امشي من هنا لاقتلك غور من وشي
بس مهره قربت منهم وقالت قاسم سيبو يتكلم لو سمحت
قاسم بصلها بزهول وقال اطلعي فوق يا مره ومتدخليش اطلعي حالا مش عايزه اشوفك هنا
مهره قالت ...قاسم لو سمحت خليه يتكلم هنا في وجودك ما تقلقش انا هبقى قدامك ارجوك
بقلم...زهرة الربيع
قاسم سابوا وحاول يهدى شويه عشان ميخسرهاش خالص فضل واقف وضامم اديه بغضب وهو نفسه يقتله مهره بصت لجمال وقالت ....نعم يا جمال جاي ليه اتفضل اتكلم سمعاك
جمال ابتسم وبصلها وقال مهره انا لقيت حل لموضوعك.. ابوكي امبارح اداني الختم اخلصلو بيه شويه اوراق ..والختم بقى معايا هو عايز ارضو وانا عايزك حتى بعد ما تطلقي قولتي ايه
مهره بصتلو بزهول وضحكت بشده على كلامه وعرضه الحقير الوضيع وقالت بقى بعد شهور ولا كانك تعرفني ولا كأن كان فيه بيننا ايام ولا خطوبه...وسبت ابويا يجوزني عادي و يعمل اللي يعمله عادي دلوقتي داخل عليا تقولي نسرقه...هو ده اللي قدرت تعمله يا ابن عمي انت من عقلك متخيل اني اكون لواحد زيك اجمل شيء في كل اللي حصل ان ربنا كشف لي حقيقتك الواطيه ومتورطتش معاك ..ارجع مكان ما جيت يا جمال روح وبلغ ابويا سلامي ومسكت ايد قاسم وقالت قلو اني كنت بدعي عليه كل يوم بس من هنا ورايح هدعي له كل يوم وكل ليله لاني مبسوطه مع جوزي ومش عايزه غيره من الدنيا
قاسم بصلها بدموع ولعن نفسه على كل دقيقه كان بيأذيها فيها وهي ضغطت على ايده بابتسامه
قاسم ابتسم وشدها من ايدها وطلع بيها اوضتهم
اول ما دخلو الاوضه مشيت خطوات بتوهان بس قبل ما اديهم تبعد عن بعض جذبها عليه بقوه وحضنها جامد وقال...حقك على راسي يا ست البنات معاكي حق..سواء انا او هو ازبل من بعض ومحدش فينا يستاهلك
مهره كانت منزله اديها ودموعها بتنزل بوجع بس لاول مره تحس انها فعلا محتجالو...رفعت اديها بتردد وبادلتو حضنو بهدوء
قاسم كان ضاممها بقوه ومغمض عنيه بس فتحهم بزهول لما حس باديها بتعانقو ..مكانش مصدق ابدا انها لاول مره بتبادلو اي شعور..اول مره يحس بلمستها ليه فضل ضاممها لقلبه بقوه شديده وهو مش مصدق ابدا
مهره اتألمت من مسكتو الجامده وقالت...قاسم براحه شويه
قاسم خد بالو انو هيكسر عضمها بين اديه من فرط لهفتو سابها براحه وقال...اسف..اسف مخدتش بالي..مش مصدق انك..انك وافقتي تحضنيني
مهره ابتسمت وبعدت وقالت بمشاكسه ...يلا اهو كله لله
قاسم ضحك جامد وقال..لله...ماشي ياعم انا راضي..وقرب وقال..غلبان طالب وصالكم ووصالكم غالي
ضحكت وقالت...يحنن
ابتسم وحضن وشها بين اديه وقال..هنسيكي يا مهره..مش هخليكي تزعلي تاني يا قلبي
مهره ابتسمت وقالت ..انا راضيه قوي يا قاسم ومن وقت ما هديت معايا وانا مبسوطه ومرتاحه..وبالنسيه لجمال ولا فرقلي حتى ..اصلا ده واحد جبان وده اخره
قاسم قال بضيق ..لسه..احم...لسه بتفكري فيه
مهره ابتسمت وبصت لعيونه وقالت ..لا...بفكر فيك انت
قاسم اتسعت عنيه وقال بدهشه..فيه انا
ابتسمت وقالت..اممم..انهارده..انهارده لاول مره حاجه تضايقك ومتجيش تضايقني وتاذيني..انا مبسوطه انك فعلا صادق معايا وبتحاول بجد
قاسم ابتسم وقال..انا بحاول من زمان..انتي الي مكنتيش بتحاولي يا مهره ولا موافقه تحاولي حتى
مهره ابتسمت ووقالت..انا..انا كنت بخاف منك
قاسم قرب قوي وقال..ودلوقتي
مهره قالت وهيه تايه في عيونه..ولسه بخاف..خايفه اكون بحلم حلم جميل وترجع تفوقني بكلامك القاسي تاني ..خايفه قوي
قاسم قرب وباس جبينها وقال..هثبتلك ..هخليكي تعرفي اني مش عايز غيرك يا مهره بالفعل مش بالكلام
مهره قالت بسرعه..لا مش عايزه فعل..خلينا في الكلام
ضحك جامد وشالها وراح بيها ناحية السرير وقال...مقصدش الفعل الي جيه في دماغك..علشان تعرفي انك مش سالكه معايا.
ضحكت وهيه متعلقه في رقبته وحطها على السرير وغمز وقال..الفعل ده انا وعدتك هأجلو لحد ما تقبلي...بس خليكي انتي حنينه ومتطوليش عليا..انا على اخري قدام جمال امك ده
مهره ضحكت جامد وقالت بدلال...والله الي عايز الدح ميقولش اح
داس على شفايفو وقال...ده اح وخمسين اح..يخربيت كده ولسه هيقرب جريت وقالت ..انسى لسه بدري عليك
تاني يوم كانت بتجهز الفطار هيه وعليه
عليه جات وحطت الاكل على السفره ولسه هتروح تجيب باقي الاطباق قاسم قام وقال خليك انتي انا هروح اجيبها افطرو واحنا هنيجي على طول
عليه ضحكت وقالت..طبعا هنفطر لو قعدنا مستنينكم هنتغدى
شاكر ضحك وقاسم دخل لمهره المطبخ
مهره كانت بتدندن و بتحط الاكل في الاطباق قرب منها وحض٨نها من وسطها وهمس في ودنها وقال الاكل جهز
مهره اتخضت لما لمسها فجاه بس اتنهدت لما عرفت انو هو وقالت ..قاسم خضتني يا شيخ كده تدخل لا احم ولا دستور
قاسم ضحك وقال طب.. احم احم احم وبا،سها من رقبتها وقال وكمان احم
مهره ضحكت والتفتتلو وقالت عايز ايه اطلع وانا هجيب الاكل
قاسم قرب من شفا،،يفها وقال جعان دلوقتي مش قادره استنى لحد ما يجي على السفره
مهره ابتسمت ومسكت قطعه خيار وحطيتها له في بقه وقالت بس انا هاجي على طول
قاسم اكلها وهو بيبص لها برغبه شديده وعيونه بتاكل وتشبع من جمالها مسك قطعت خيار كمان وحطها على شفا،،يفها ولسه هتاكلها التهمها بين شفا،،يفه وغاب معاها في بو،،سه طويله متمكنه جدا
مهره قلبها كان بيدق جامد جدا كل ما يقرب لها من خوفها منو بس كانت علشان اتفاقهم مش بتحاول تمنعه ولا تبعده وفي نفس الوقت كانت معاملته معاها مقبوله هاديه وحنينه قوي
قاسم بعد عنها و مهره نزلت عينيها بكسوف مرر لسانه على شفايفه باستمتاع وقال ده خيار ولا شهد بقول لك ايه ما تيجي نفطر في اوضتنا هفطرك فطار ملوكي هتحلمي بيه
بقلم...زهرة الربيع
مهره ابتسمت وقالت..بطل سفاله ويلا نطلع هيقولوا علينا ايه كل ده بنجيب الاكل
قاسم شدها لحض٨نه جامد وقال.. عادي هما عارفين اننا مش بنجيب الاكل وبعدبن انا عندي استعداد اخليكي في حض٨ني كده في ميدان عام ..مش بيهمني
مهره بعدت بكسوف وضربته في صدره وقالت انت مش بيهمك بس انا بتكسف يا اخويا واخذت الاطباق وطلعت جري وهو مشي وراها وقال هتجننيني يا مهره
على الفطار بقم يهزروا ويضحكوا ومهره كانت بتضحك من قلبها ومبسوطه.. قاعده جنب قاسم كان بيبتسم لها وبيحط قدامها الأكل وقال.. كلي يا قلبي بقالك فتره خاسه كده وزنك مش عاجبني... مع انه تاعبني
مهره احمرت من الكسوف وعليه ضحكت وشاكر حمحم بتحذير
قاسم قال..ايه فيه ايه قصدي خاسه يعني ...وفضلو يهزروا سوا بسعاده
عدت ايام وايام بنهم وقاسم كان عند وعدو ليها وبيعاملها بمنتهى الحنيه والذوق وبيساعدها في كل حاجه وبيخرجها وبفسحها
اما مهره فكانت بتعيش اسعد ايام حياتها وديما مبسوطه بقربه ومش بتخاف منو زي الاول
في يوم كانت بترتب في الدولاب وهو دخل يتسحب وصرخ عند ودنها قاصد يخوفها
مهره نطت لفوق برعب ومسكت فيه واتشعلقت في رقببتو وهيه بتقول بزعر..ايه زلزال ولا ايه
قاسم ضحك بقوه وضمها وهو بيضحك على شكلها لما اتخضت
مهره حطت ايدها على قلبها ووبصتلو بغيظ ومسكت فوطه ضربتو بيها وهيه بتقول. يا اخي حارام عليك حرام..كنت هتموتني
قاسم ابتسم وقال بعيد الشر يا مهرتي.. ده انا من بعدك اودع دنيتي
ابتسمت بيأس من حركاتو وبقت تلم الهدوم تاني وقاسم ضحك ووطى بجيب الهدووم الي وقعت من ايدها بس وقع منهم شريط حبوب بصلو باستغراب ومسك وهو بيبصلو بزهول وقال...مهره..ايه ده
مهره اتصدمت وبلعت ريقها بخوف وهو قال بصدمه...دي حبوب منع حمل..انتي بتاخدي حبوب علشان منخلفش ووووو
*******************************
بقلم...زهرة الربيع
ايه رايكم فى الاحداث يارب تكون عجبتكم وهستنى رايكم وتفاعلكم عليها
توقعاتكم 😉
يتبع
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق