طريقة تحضير كفتة الأرز بالدجاج
من صدور فراخ هتاكلي احلى كفتة رز طعمها احلي من كفتة الرز باللحمة
المقادير
ربع كيلو صدور فراخ
٢كوب دقيق ارز
بصله
٥فصوص توم
كوب مياه
ربطه بقدونس مفروم
ربطه كزبره مفروم
البهارات
ملح وفلفل
كمون وكزبره ناشفه
بابريكا وزعتر مهم جدا
الطريقة
فى الكبه حطي البصل والتوم واضربيهم سوا وبعدين انزلي بالخضره واضربي كله مع بعض
في بولة تانية لوحدها حطي الدقيق مع التوابل وانزلي بخليط الخضره واحده واحده لحد ماتبقى عجينه معاكي متماسكة
صبعيها واقليها في الزيت وكليها بالهنا والشفا
الصلصة
لتر عصير طماطم
قرن فلفل حامي مفروم
توم مفروم
سمنه
٢م ك خل
٢م ك صلصه
ملح وفلفل وبهارات
م ص سكر
بطاطس مكعبات
الطريقة:
شوحي الثوم كأنه زي الطشة مع قرن فلفل حامي مفروم وانزلي بالخل وطشيه بيهم وبعد كده انزلي بالصلصة وعصير الطماطم والكفتة يغلو غلوتين وبعدين البطاطس وسبيها تستوي وتكمل سواها وبالهنا
متنسوش اذكروا الله وصلوا على الحبيب المصطفى