طريقة عمل محشي كوسة في الفرن ♥️
المقادير
• 1 كيلو كوسة
• 1/4 كيلو رز مصري مغسول ومصفى
• 1/4 كيلو لحم مفروم
• 3 بصلة متوسطة مفرومين ناعم
• 1 حزمة بقدونس مفرومة
• 1 حزمة كزبرة خضرا مفرومة
• 2 ملعقة كبيرة صلصة طماطم
• 1 ملعقة صغيرة ملح
• 1/2 ملعقة صغيرة فلفل اسود
• 1/2 ملعقة صغيرة كمون
• 1/2 ملعقة صغيرة كزبرة ناشفة
• شوربة او مية سخنة حسب الحاجة
طريقة التحضير
• تفضي الكوسة كويس من الداخل وتتغسل وتتصفي
• يتحط البصل على النار مع شوية زيت ويتشوح لحد ما يدبل
• يتضاف اللحم المفروم ويتقلب لحد ما يتغير لونه
• يتضاف الملح والفلفل والكمون والكزبرة الناشفة والصلصة ويتقلب دقيقة ويتقفل النار
• يتضاف الرز المغسول والبقدونس والكزبرة الخضرا ويتقلبوا كويس
• تتحشي الكوسة من غير ضغط
• تترص في طاسة او صينية فرن
• يتضاف شوربة سخنة لحد نص الصينية ومعاها ملعقة صلصة
• تدخل فرن 200 درجة لحد ما تستوي تمامًا
بالهنا والشفا ♥️