تعلمى معانا طريقة تحضير طاجن سي فود بالريد صوص زى المطاعم خطوة بخطوة
طاجن سي فود بالريد صوص مهدور حقه احلي مليون مرة من الوايت صوص محتاجين نصالحه ياجماعه ونقدره🙈🙈
المقادير:
١/٤ ك جمبرى
١/٢ك سمك فيليه
١/٤ سبيط
بصله مقطعه
فلفل حار ورومي
زبدة / زيت
٢ فص توم مفروم
كزبرة وشبت مفرومين
صلصه طماطم 🍅
البهارات (ملح وفلفل اسود وبابريكا وبهارات سمك وكمون )
الطريقه
في طاسه ساخنه ع النار هنشوح السمك الفيليه مع مكعب من الزبدة وزيت ونتبله بملح وبابريكا وكمون ونشيله من الطاسه ( الخطوة دى مهمه عشان السمك ميتهريش)
في نفس الطاسه هننزل بالبصل والفلفل الحار و الرومي والسبيط ياخود تقليبتين وبعد كدة ننزل الجمبرى والسمك
والصلصه ونتبل بالبهارات ونضيف الكزبرة والشبت وننقلها في طاجن أو صينيه تدخل الفرن تتحمر وبس كدة
علق ب تم ليصلك كل جديد 🌹
#رمضان