لو نفسك في دوناتس بيتي طري من جوه وذهبي من بره، جربي الوصفة دي خطوة بخطوة وهتطلع معاكى مظبوطة 👌✨
المكونات:
3 أكواب دقيق
½ كوب سكر
2 ملعقة كبيرة حليب بودرة
1 ملعقة كبيرة خميرة فورية
1 كوب ماء دافئ
1 بيضة
¼ كوب زبدة طرية
طريقة التحضير:
نخلط الدقيق والسكر وحليب البودرة والخميرة كويس.
نضيف كوب الماء الدافئ والبيضة ونبدأ نعجن حوالي 10 دقائق لحد ما المكونات تتجانس.
نضيف الزبدة بالتدريج مع العجن لحد ما العجينة تبقى طرية وغير لاصقة.
نغطي العجينة ونسيبها تختمر 45 دقيقة.
نفرد العجينة على سطح مرشوش دقيق ونقطعها باستخدام قطاعات دائرية أو نقطعها بكوبايه شاى ونفرغ المنتصف بغطا زجاجه ميه
نرص الدوناتس على ورق زبدة أو فوطة مطبخ ونسيبها تختمر 45 دقيقة كمان.
نقليها في زيت متوسط الحرارة لحد ما تاخد لون ذهبي جميل.
نطلعها على ورق امتصاص ونرش سكر بودرة وقرفة حسب الرغبة.
🍩 تقدم دافئة وطعمها أحلى من الجاهزة 😍
✨ لو استفدتي ادعي دعوة حلوة من قلبك 🤍
وتفاعل ولو بحرف ليصلك كل جديد 🌸
وما تنسيش تذكري الله وتصلي على الحبيب المصطفى ﷺ 💚