قام وقف بمجرد ما سمع صوتها و هي بتعيط
قلبه انقبض بقوه لما سمعها و هي بتقول ان يوسف انخطف... و في ثانيه كان جري بسرعه و خرج من الشقه
كان واخد السلم كله جري اتكلم و هو بيركب العربيه و أنفاسه كانت مسموعه لغصون
= انتي فين

منى خديت منها الفون لان غصون مكنتش قادره تتكلم و بدأت تقوله العنوان
طلع يونس على المكان و هو سايق بسرعه جنونيه لحد اما وصل في رقم قياسي
لاقى غصون قااعده على الارض و بتعيط في حضن. منى و منى بتحاول تهديها بس مش عارفه
نزل لمستواها و خدها من حضن... منى و ضمها لصدره لاقها بتتنفض بخوف و مش مبطله عياط
اتكلم بهدوء منافي تماما للخوف الشديد اللي جواه و يمكن اكبر منها
= اشششش اهدي هجيبه و الله حتى لو فين اهدي عشانه عشان نعرف نتكلم

مسكت فيه بقوه و اتكلمت بانهيار
= انا عايزه ابنيي هاتولي يوسف
كملت و هي بتبصله و بتتكلم بلهفه خوف و بكاء
= هيعملوا فيه ايه!!!!
هيموتوه... ابني عايزه ابني انا عايزاااه هاتولي يوسف ابني هاتلي ابني يا يونس

اتنفس بخوف و اتكلم بنبره صوت مليانه بالخوف اللي مقدرش يسيطر عليه
= متخافيش مش هيعملوا فيه حاجه لو كانوا عايزين يأذوه... مكنوش خدوه معاهم كانوا عملوا فيه اي حاجه قدامك هجيبه و الله بس انتي حاولي تهدي اهدي ماااشي

كان لسه هيكمل كلامه بس قاطعه رساله جيت لفونه من المحامي بتااعه
= ايوا يباشا حضرتك مطلوب في النيابه

يونس باستغراب
= نيابه ليه!!!!
بقلمي يارا عبدالعزيز

بدأ المحامي يحكيله موضوع مي و يونس مكنش مهتم لاي حاجه مكنش فيه في دمااغه غير ابنه
اتكلم يونس بحده
= انا مش فاضي لنيابه دلوقتي اعمل اي حاجه مش هروح في حته

المحامي بخوف
= للاسف يباشا لازم تروح و مفيش اي مخرج هم شويه اسئله مش هتكمل نص ساعه و تيجي على طول

قفل يونس المكالمه و بص لغصون اللي مبطلتش عياط
وقفها و هو لسه واخدها في حضنه...
و اتكلم بحنان و هو بيمسك ايديها
= هوصلكوا القصر و هروح مشوار و هاجي متخافيش و الله هرجعه لحضنك تاني

بصتله بحده من فكره انه هيسيبها في وقت زييي دا و هي في اشد الحاجه ليه و بعدت عنه و هي بتهز راسها بسخريه
اتنهد بحزن و هو حاسس بالضياع
وصلهم القصر و طلع على النيابه
بعد ما خلص التحقيق معاه مي طلبت تشوفه و موفقش الا لما بلغوه ان الموضوع مهم جدا

كان قاعد هو و مي في غرفه وكيل النيابه لوحدهم
اتكلم يونس بصوت عالي خلاها تتنفض
= اخلصي و قولي اللي انتي عايزاه انا مش فاضيلك

فركت ايديها بخوف و اتكلمت بدموع
= انا عارفه اني عملت كتير اوي و اني غلطانه بس و الله العظيم ندمانه
ندمانه من وقت ما بعدت عنك عرفت قيمتك و عرفت اني كنت معاك ملكه بس خلاص مش هيفيد بحاجه الكلام دلوقتي يونس انا حامل من جاسر و انا اكيد هينحكم عليااا بالاعدام... ابني امانه في رقبتك متسلمهوش لبابا انا مش عايزاه يطلع زييي ربيه انت و غصون

كان قاعد بيبصلها بانتباه اتكلم بحده
= انتي كنتي حامل بي ابني

مي بدموع
= اااه و الله كنت حامل بس جاسر غصب عليااا انزله... جاسر هو اللي موته.. و انا موته... عشان كان عايز يموت... اللي في بطني و عشان انتقم.. لابننا

كور ايديه بغضب و قام وقف جانبها و مسك شعرها بقوه
= اااه يا بنت الـ******
هو خلاص مات... و انتي انا اللي هوصلك لحبل المشنقه..
ابنيييي ذنبه.. ايه
ذنبه ايهههههه!!!!!!!!!!

اتكلمت ببكاء
= و الله غصبن عني انا مستحيل اموت... ابني غصبن عني و الله ارجوك سامحني انا كمان خلاص انكتب علياا الموت...
انا جبتك هنااا عشان اقولك الكلمتين دول و عشان اعرفك حاجه مهمه انت لازم تبقى واخد بالك منها

ساب شعرها و بصلها بانتباه
كملت مي بخوف و دموع
= انا عارفه انك دلوقتي مُدمن..!!!!
انا اللي كنت بحطلك حبوب المخدرات.. في العصير

بصلها بكره... و غضب مفرط و وقع... التربيزه بغضب
كان لسه هيقرب... منها بس اتكلمت بصوت مرتعش...
= بس هي اللي قالتلي هي اللي جبرتني... اعمل كدا معاك و انا مكنتش عايزه انا بحبك و عمري ما فكرت آذيك

يونس بصلها بانتباه و اتكلم بحده
= هي مين!!!!!

بلعت لُعابها بخوف و اتكلمت بتوتر
= عمتك نبيله!!!!
هي اللي طلبت مني اعمل كدا و احطلك حبوب المخدر... في العصير مقابل انها متعرفكش اني رميت.. الزيت على غصون

كملت و هي بتبص لملامح وشه اللي كانت مليانه بالصدمه
= انا عارفه انك ممكن تكون مش مصدقاني بس دي الحقيقه و انا معايا الدليل معايا تسجيل لاتفاقها معايا

طلعت التسجيل و بدأت تسمعه ليونس اللي كان بيسمعه بصدمه كبيره
خد منها التسجيل و كان لسه هيخرج من الاوضه بس وقفته و هي بتتكلم ببكاء
= ابنييي يا يونس ابنييي امانه في رقبتك ارجوك خد بالك منه

كان بيبصلها بملامح مش مفهومه بالنسبالها خرج من الاوضه و هي بصيت لطيفه و بدأت تنهار...

ركب عربيته و فضل يفكر
طلع فونه و رن على واحد من رجالته و اتكلم بحده
= نبيله البسيوني و حامد جوزها تراقبهم و تعرفني كل مكان بيروحوه اول باول انت فاهم

قال كلامه و قفل المكالمه
كان لسه هيدخل القصر بس جاتله مكالمه من الرجال بتااعه رد بسرعه عليه
= ايوا يباشا حامد دخل مخزن تبع مصنع احنا عرفنا انه بتااعه و هو حاليا هناك

يونس بلهفه
= ميغيبش عن عينيك لحظه انا جااي حالا

قال كلامه و طلع بسرعه على العنوان اللي اتبعتله
وصل قدام المصنع و دخل لوحده و هو بيتسحب
بص من الشباك و هو متابع حامد اللي كان شايل في ايديه يوسف و بيدي رجالته التعليمات
يونس بصله بفرحه و دموع
مسك فونه و رن على الشرطه اللي جيت في اقصى سرعه و دخلوا المخزن و قبضوا على حامد
حامد كان بيبص ليونس بخوف شديد و صدمه
خد يونس منه يوسف و ضمه لصدره بقوه كبيره
اتكلم الظابط بهدوء
= حتى لو حامد اعترف على عمتك هي ممكن تنكر بكل سهوله احنا محتاجين دليل أو اعتراف منها هي عن كل اللي عاملته
بقلمي يارا عبدالعزيز

مي بصتلها بخوف و كنت بتتنفض
راحت عندها بسرعه و حطيت ايديها على فمها و اتكلمت بخوف
= اسكتييي

الخدامه كانت بتتحرك بخوف و بتحاول تدافع عن نفسها لحد اما بعدت عني مي و هي بتزقها... بكل قوتها
كانت لسه هتجري بس مي ضربتها... بالمسدس...

رميت المسدس... من ايديها بخوف شديد و جسمها كله بيترعش بقوه و شبه بتنهار...
كان نظرها متوزع ما بين الخدامه و جاسر اللي كانوا واقعين على الأرض و سايحين في دمهم...

طلع الحراس و ماسكوا مي اللي كانت بتبكي بقوه و انهيار و هي ماسكه بطنها
فضلت تعيط و تتكلم و هي بتصرخ...
= كان عايز يموت... ابني هو موت... ابني و عايز يموت... دا كمان هو السبب سابوني امشييي هو السبب
بقلمي يارا عبدالعزيز

كانت بتقول كلامها و هي منهاره
رنوا على الاسعاف و الشرطه اللي جهم في اسرع وقت و نقلوا جاسر و الخدامه للمستشفى و خدوا مي على القسم

في قصر البيسوني
كانت غصون لسه شايله ابنها على ايديها و بضمه.. لحضنها... بقوه
كانت خايفه من ان يونس أو اي حد تاني ياخده منها و بتحاول تفكر في طريقه تتخلص... بيها من يونس و تخليه يبعد عنها
منى كانت بتبصلها باستغراب من شرودها
اتكلمت منى باستغراب
= غصون
انتي معايااا!!!

بصتلها غصون بشرود و اتكلمت بهدوء
= بتقولي حاجه يا ماما

منى بحنان
= هاتي الولد يحبيبتى ينام على السرير اكيد ايديك وجعتك و عشان انتي كمان ترتاحي انتي تعبانه

مسكته غصون بقوه و اتكلمت بدموع
= لا خليه معايا شويه انا كويسه
بقلمي يارا عبدالعزيز

اتنهدت منى بقله حيله و اتكلمت بحزن
= طب انا هقوم اجبلك هدوم ادخلي خدي دش على ما أنزل اجبلك تاكلي
هاتيه بس احطه في سريره على ما تخرجي من الحمام

هزيت غصون راسها بالنفي و اتكلمت بخوف
= مش عايزه نسيبه لوحده هنا كلام مرات عمي لسه في وداني يا ماما انا خايفه تاخده مني و متخلنيش اشوفه عشان زعلانة على يونس انا مش هقدر اعيش من غير ابني
عايزه اكلم جدي اقوله اني عايزه امشي من هنااا

منى بحده
= انتي اتجننتي!!!
عايزه تسيبي بيتك عشانها غصون انتي بنت العيله دي و كفايه اوي بعدك طول الفترة اللي فاتت دلوقتي كل الموجودين هنا عرفوا الحقيقة انتي تعقدي و تدافعي عن نفسك و ابنك انتي خلاص مبقتيش صغيره انتي بقيتي ام فاهمه يعني ايه
بطلي خوفك دا محدش هيقدر يعمل حاجه
هااتي الولد و قومي يلااااا

غصون كانت بتسمعها بتفكير و بتحاول تكون قويه
فاقت على منى و هي بتاخد منها الولد و بتتكلم بحنان
= قومي يحبيبتى خدي دش و ارتاحي متخافيش من حد يلا

هزيت غصون راسها بهدوء و هي بتبص لمنى اللي بتحط ابنها في سريره
دخلت منى تجبلها هدوم و كل دا و غصون بتبص للرضيع و هو في سريره
راحت وقفت جانبه و هي بتبصله ببابتسامه و قبلت... خده بحنان و بعدين دخلت الحمام

اما منى فحطتلها الهدوم على السرير و خرجت من الاوضه

بعد نص سااعه كانت خرجت غصون من الحمام و هي لابسه البرنص...
اتفأجات بيونس اللي قاعد على السرير و شايل الولد على ايديه و بيلاعبه و هو بيبتسم بحنان

اتنهدت بغضب و راحت عنده و خديت منه الولد و اتكلمت بحده
= اقدر افهم انت بتعمل ايه هنا!!!

اتكلم بدموع
= جيت اشوف ابني و اطمن على مراتي
غصون هو انتي بجد عايزة تمنعيني عنه!!!
جيالك قلب تعملي كدا فيا و فيه!!!!

حطيت الولد في السرير و اتنفست بغضب و شاورت بايديها على الباب و اتكلمت بحده
= اطلع برااا يا يونس
وجودك هنا غير مرحب بيه نهائيا و انا مش هبعدك عنه لما تبقى عايز تيجي تشوفه شوفه بس مش اليومين دول لاني حاليا مش طايقه اشوف وشك

ابتسم بالم و وقف قدامها و هو بيتكلم بدموع
= لدرجه دي!!!!
لدرجه دي مش طايقني
انتي عارفه انتي بقالك اد ايه بعيده عني اكتر من سبع شهور مش كفاايه كدا!!!

بعدت خطوتين لورا و اتكلمت بحده و دموع
= يونس احنا عمرنا ما هنرجع
انت مفكر ان السبع شهور اللي انا بعدتهم غيروا اي حاجه من اللي حصلت
انت خونتني... فاهم يعني ايه يعني حسستني للمره التانيه اني و لا حاجه اثبتلي انك عمرك ما حبتني
لسه الصور و ورقه جوازك من غيري محفوره في قلبي و عقلي و مفيش زمن هيقدر ينسيني اللي انت عاملته فياا كل محاولاتك دي على الفاضي احنا مش هينفع نبقى لبعض تاني مهما عملت مش هتقدر تمحي اللي انت عاملته
الاحسن انك تعملي اللي طلبته و انا مش هبعد الولد عنك لما تعوز تشوفه تعال

يونس كانت لسه هيتكلم بس قاطعه بكاء الرضيع
غصون بصتله بقله حيله و حاولت تسكته بس معرفتش
اتكلمت بخوف و دموع
= هو عايز ايه!!
بس يحبيبى بس يروحي اهدااا

اتكلم يونس بلهفه و هو بيبصله بخوف
= يمكن جعان
رضعيه...

اتنهدت بعمق و اتكلمت بحده
= طب ممكن تطلع برااا
امشييي يا يونس لو سمحت

اتنهد بغضب و اتكلم بحده
= ما ترضعيه يا غصون انتي سايبه يعيط و كل اللي همك اني امشي اخلصي و لا انادي لحد يجيبله لبن من تحت و امه موجوده

بصتله بخجل و اتكلمت بتوتر
= طب ممكن تخرج

ابتسم بسخرية و اتكلم بتحدي و هو بيعقد على السرير
= اعملي اللي انتي عايزه تعمليه و انا قااعد
ايه نسيتي اني جوزك يهانم و لا الفتره اللي بعدتيها نسيتك

دبدبت... في الأرض بقوه و اتوجهت لغرفه الملابس و هي شايله الولد على ايديها
اتكلم بخوف و هو بيبص لطيفها
= اتحركي براحه يغصون انتي لسه تعبانه و براحه على ابني

اتنفست بغضب من ورا الباب و قعدت على الكرسي و بدأت ترضع ابنها و هي بتبتسم لما لاقته بيسكت
كانت حاسه بمشاعر الامومه الجديدة عليها و قلبها فرحان
فضلت واخده في حضنها لحد اما نام
قامت وقفت بحرص و هي مفكره ان يونس مشي

دخلت الاوضه و ملقتهوش موجود اتنهدت براحه و حطيت الولد في سريره
كانت لسه هتغير هدومها بس اتفاجات بيه خارج من البلكونه
ربطت رباط البرنص بسرعه و حمحمت بخجل مفرط
حطيت ايديها على قلبها بتحاول تهدي من ضرباته.. و اتكلمت بتوتر
= انت لسه هنا!!

وقف قدامها و اتكلم بحنان و لهفه
= ينفع تعاقبني... بأي طريقه اي حاجه انا مستعدالها غير انك تبعديي عني
ارجوكي يغصون ارجوكي طب علشان ابننا ليه متدنيش فرصه عشاانه

اتكلمت بسخريه
= انا لحد دلوقتي اديتك فرص مش فرصه بس انت كنت بتستغل الفرصه دي و تودس علياا اكتر عارف ليه عشان ضمنتيني

كملت و هي بتدخل الحمام و بطلع هدومها اللي كانت لابسها تحت نظراته اللي كانت متابعها
وقف يبصلها على باب الحمام و خرجت و معاها صوره خدتيها من هدومها و وجهت الصوره ناحيته و اتكلمت بالم
= عايزيني بعد ما كنت مع واحدة في الوضع دا و انت مش عامل لياا اي اعتبار و لا فكرت فيااا و لا ابنك اللي كنت لسه حامل فيه و روحت خنتني... معاها و اتجوزتها عايزيني بعد كل دا ارجعلك انت و انت بتفكر تبقى معاها مفكرتش فيااا ليه طب مفكرتش في ابنك لييه
لدرجه دي بتحبها!!!!
طب كنت قولتلي انك عايزاها و خيارتني مكنتش تستغفلني اوي كدااا و لا انت متعود تبقى جوز الاتنين صحيح

خد منها الصوره و طلع الولاعه... و بدأ يحرقها... تحت نظرات السخريه منها
اتكلم بدموع
= كل الصور كدا اتحرقت... و ورقه الجواز انا قطعتها و البنت دي انا معرفش عنها اي حاجه من سااعه الليله دي

اتكلمت بسخريه
= و الله
كدا اتحليت يعني!!!!

فضل يقرب... منها و هي تبعد لحد اما لصقت في الحيطه اللي وراها
مسك ايديها و ميل على وشها
كانت سامعه صوت انفاسه بسبب قربه الشديد منها
حطيت ايديها على قلبها و هي بتحاول تهديه و ايديه بتلقائيه اترفعت معاها على موضع قلبها غمضت عينيها لما حسيت بوشه في رقبتها
همس بعشق
= لسه مصممه ان مفيش اي حاجه تقدر تمحي اللي حصل
لسه مصممه انك لو مدتنيش فرصه مش هقدر انساكي اللي حصل
اذا كانا احنا بنسى كل حاجه و اولهم نفسنا و احنا قريبين من بعض
اسمعي قلبك انتي عارفه كويس اوي اني عمري ما حبيت مي و واثقه من جواكي ان فيه حاجه غلط في موضوع الصور حتى لو قلبك هو اللي معايا قلبك كفايه
بقلمي يارا عبدالعزيز

فتحت عينيها و اتكلمت بصوت متحشرج و دموع
= قلبي اللي انتي بتتكلم عنه دا انت كسرت فيه حاجه من ناحيتك مستحيل تتصلح

بعد عنها و هو بيتنفس بقوه
بصلها برجاء و هي كانت بتحاول متبصلهوش عشان متضعفش قدامه
فاقت على صوت رزعة الباب اللي اترزع بقوه
بصيت لطيفه بحزن و قعدت على السرير و انهارت من البكاء

في الصباح
صحيت غصون على صوت خبط الباب
اتكلمت بنوم و هي بتتعدل
= ادخل

دخلت منى و اتكلمت بهدوء و هي بتديها ورقه
= اتفضلي يونس بعتها انهاردة شهاده ميلاد يوسف ابنك

يونس بصلها بصدمه
خد منها الفون بلهفه و رن على الرقم كذا مره بس مكنش فيه اي رد
اتكلمت منى بلهفه و تلعثم
= و الله ..... صوتها.... صوت... بنتي... غصون.....
انا متأكده ان هي!!!!
اعمل اي حاجه انا عايزه بنتي صوتها كان تعبان اوي و كأنها بتستنجد بيااا هاتلي بنتي يا يونس انا عايزه بنتي غصون عايشه

كان بيبصلها بلهفه و من جواه مصدقها مع ان المنطق بيقول انها سمعت غلط بس كان نفسه كلامها يطلع صح و تكون غصون فعلا عاايشه

خد الفون في ايديه و نزل جري و منى وراه
ركب العربيه و كان لسه هيطلع بس دخلت منى العربيه و اتكلمت بحده
= انا جايه معاك
بقلمي يارا عبدالعزيز

اتنهد بقله حيله و طلع بالعربيه
اتكلم بلهفه و هو سايق
= الرقم دا رقم كابينه ارضي في الشارع انا هكلم واحد من رجالتي يعرفلي في اي مكان بالظبط

منى بصتله و هزيت راسها بلهفه و يونس رن على صاحبه و طلب منه يعرفله العنوان و بعد نص ساعه كان رد عليه بالعنوان
كان سايق بسرعه جنونيه لدرجه انه كان هيعمل مليون حادثه.. في الطريق مكنش في دمااغه غير انه يوصلها في اسرع وقت و كلام منى بان صوتها تعبان بيتردد في دماغه بخوف شديد

وصل قدام الكابينه و نزل و هو بيجري من العربيه و منى نزلت وراه بخوف
دخل جوا الكابينه بس لاقها فاضيه
اتنهد بحزن و هو بيبص لمنى
اتكلمت منى بخوف و دموع
= و الله كلمتني يا يونس انا مستحيل اكون بتخيل بنتي عاايشه انا سمعت صوتها بودني
قالتلي ماما!!!!!!
بقلمي يارا عبدالعزيز

قالت كلامها و فضلت تعيط و هي حاسه بالأمل في انها تكون موجودة بيقل بس احساسها بأنها غصون لسه ثابت

يونس لاحظ سوبر ماركت قريب من المكان
دخل بسرعه و سأل صاحبه على غصون و طلع صورتها من على الفون و وريهوله
اتكلم صاحب السوبر ماركت بهدوء و هو بيبص للصوره
= انتوا قصدكوا البنت اللي كانت في الكابينه اللي برا من شويه
دي كانت تعباانه خالص و باين عليها بتولد و فيه كام واحد اتجمعوا حواليها و خدوها على المستشفى

يونس بصله بفرحه و اتكلم بلهفه
= مستشفى ايه

الراجل بهدوء
= مش عارف و الله بس فيه مستشفى قريبه من هناا احتمال كبير يكونوا اخدوها على هناك

خرج يونس من السوبر ماركت و هو بيجري بلهفه كبيره
طلع بالعربيه و معاه منى اللي مبطلتش تدعي ربنا يحمي بنتها
وصل المستشفى في رقم قياسي و دخل بسرعه و هو بيسأل عليها و بلغوه انها دخلت العمليات

قابلوه الناس اللي اسعفوها قدام باب العمليات و مشيوا بعدها و فضل واقف هو و منى و كل واحد فيهم الخوف بينهش في قلبه و هم مش عارفين حالتها عامله ازايي

منى كانت بتبص ليونس بكره و بتعيط
اتكلمت بشهقات
= بنتي لو حصلها حاجه انا هموتك... يا يونس انت السبب في كل حاجه بتحصلها

بصلها بحزن و فضل ساكت مش عارف يرد أو يطلع اي كلمه بسبب خوفه حاسس بالضياع و بقلبه و روحه بينسحبوا منه
اتكلمت منى بغضب و هو بتقف قدامه
= انا عارفه كويس اوي غصون سابت البيت ليه و مش مستغربه اللي حصل منك لاني كنت متوقعه
انت متستاهلش بنتي و لا اللي في بطنها و باذن الله تفوق و تبقى كويسه و انا هفضح... كل حاجه مش هسيبها هي تتحمل كل حاجه و هطلقها.. منك و في اسرع وقت

يونس كان بيبصلها باستغراب انها عرفت منين اللي حصل و على اد ما الكلام كان مضايقاه بس مكنش فارق معاه غير انها تطلع كويسه و بس

راح وقف قدام باب اوضه العمليات متجاهل منى و نظراتها و كلامها
خبط على الباب بغضب و اتكلم بحده
= حد يفتح الباب و يطمني على مراتي

قاطع كلامه لما سمع صوت بكاء طفل جاي من الاوضه
حط ايديه على قلبه اللي كان بينبض بقوه بمجرد ما سمع الصوت
خرجت الممرضه و معاها الرضيع في ايديها
يونس بمجرد ما شافها اتكلم بخوف و لهفه
= مراتي فين
هي كويسه صح طمنيني عليها

الممرضه بهدوء
= هي تعباانه شويه ادعيلها الاربعه و عشرين سااعه يعدوا على خير حملها كان متعب و ولادتها
بس الطفل بصحه كويسه

قالت كلامها و سلمت الرضيع ليونس
يونس كان ماسكه و ايديه بتترعش بخوف
مكنش عارف يحس بأي فرحه بسبب خوفه على غصون
اتكلم بحده
= انا عايز اتكلم مع الدكتور و افهم منه حالة مراتي ايه بالظبط

الممرضه بهدوء
= الدكتور شويه و خارج بس احنا عاملنا كل اللي علينا المدام كانت جايه خلصنا.... و نجيت هي و الطفل باعجوبه و يستحسن تبعد الطفل عن هناا عشان مياخدش اي عدوى من المستشفى وجوده هنا ملهوش اي لزمه عن اذنك

يونس كان بيبصلها بخوف و كان هيقع.. على الارض بس منى جريت عليه و خديت منه الطفل بخوف
اتكلمت بدموع و هي بضمه لحضنها
فضل الرضيع يعيط بقوه
= يحبيبى ماما هتبقى كويسه يعين تيته اهداا

يونس كان بيبصله بحزن و دموع
اتكلم بصوت متحشرج مقدرش يخفيه
= خديه و ارجعي القصر و انا هفضل هنا معاها

منى بحده
= مش همشي من هنا غير و انا معايا بنتي خده انت و امشي وجودك ملهوش اي لزمه هناا لو فاقت و شافتك هتتعب اكتر و لا اقولك سيب الولد انا هاخده عند اهلي انا مش ضامنك

يونس بغضب مفرط
= انا و الله ما ناقص و متنسيش ان اللي بتتكلمي عنها دي تبقى مراتي و ام ابني اللي انت مش مستأمناني عليه دلوقتي يعني الوحيد اللي ليه الحق فيهم هم الاتنين هو انا و بس و لو انا ساكت و سايبك فدا عشان غصون و لاني عارف انها اكيد هتحتاجلك

منى كانت لسه هتتكلم بس قاطعها الممرضين اللي خرجوا و هو بيسحبوا الترولي اللي عليه غصون
يونس بصلها و غمض عينيه بالم لما شافها كان وشها شاحب و مغمضه عينيها و شفايفها زرقه
مكنش قاادر يشوفها كدا همس باسمها و هو بيبصلها بلهفه و خوف و منى كانت بتبصلها و بتعيط

اتكلم يونس بهدوء و هو بيقف قدام منى
= هاتيه انا هاخده و ارجعه القصر و ارجع تاني

منى بصتله بخوف
اتنهد بعمق و اتكلم بهدوء
= لو سمحتي يا مرات عمي انا و الله ما حِمل مناهده اللي انتي بتمنعيه عني دا يبقى ابني و انا اكيد هعوز مصلحته لو سمحتي يا مرات عمي ارجوكي هااتي ابني

منى بصتله بحده و اداته الولد
اتكلمت بدموع
= خد بالك منه غصون ضحيت بكل حاجه و عرضت حياتها عشانه

هز راسه بحزن و خده و مشي
كان سايق و بيبصله بحزن وصل القصر و دخل بيه
كانت نواره قااعده و معاها رأفت و كامل
بصوله باستغراب و اتكلمت نواره بلهفه
= ايه دا!

يونس بدموع و هو بيديهولها
= ابني!!!!!!

بصله الكل بصدمه كبيره
اتكلم رأفت بخوف شديد
= ابنك من مين!!
و ابنك ازاييي!!!!

ابتسم يونس بسخريه و الم..
= من غصون
مش هقدر اتكلم و افسر اي حاجه لاني اصلا مش فاهم حاجه
بس غصون طلعت عايشه و خلفت انهاردة و انا دلوقتي هروح المستشفى عشاان ابقى جانبها و مرات عمي معايا خلوا بس بالكم من الولد عن اذنكم

قال كلامه و مشي تحت نظرات الصدمه الكبيره منهم كلهم

منى كانت قاعدة جنب غصون و بتبصلها بخوف شديد
اتكلمت بشهقات
= اليوم اللي اعرف فيه انك عايشه اشوفك كدا يحبيبتى يبنتي قلبي وجعاني عليكي اوي فوقي عشان ابنك عايزاك

بدأت غصون تفوق تدريجياً
حطيت ايديها على بطنها و اتكلمت بارهاق و هي بتفتح عينيها
= ابنيي

منى بصتلها بلهفه كبيره و فرحه و اتكلمت بدموع
= غصون انتي كويسه يحبيبتى فوقي يا ماما انا جانبك

حاولت تعقد
ساعدتها منى و قعدتها على السرير و اتكلمت بحنان
= عامله ايه يحبيبتي هنادي الدكتور يطمننا عليكي

كانت لسه هتمشي بس غصون مسكت ايديها و اتكلمت بدموع
= ابني فين يا ماما
حصله حاجه طمنيني عليه انا عارفه اني تعبته اوي بس هو جيه صح
بقلمي يارا عبدالعزيز

منى بتوتر
= هو كويس يحبيبتى الدكاتره هنا طمنونا عليه متخافيش و حاولي تهدي

اتنهدت براحه كبيره و اتكلمت بلهفه
= هو فين عايزه اشوفه

اتكلمت منى بتوتر
= يونس خده يرجعه القصر الممرضه قالت المستشفى مش حلوه عشاانه و القصر هيكون راحه ليه اكتر

غصون بخوف و دموع
= هو يونس عرف اني هنااا
خلتيه ياخده ليه

منى كانت لسه هتتكلم بس قاطعها يونس و هو بيتكلم بهدوء
= خدته عشان هو ابني و انتي مراتي
حاولي تهدي و متخافيش عليه هو مع ماما هناك

اتكلمت بغضب و هي بتحاول تتجنب النظر اليه
= انا مش هرجع القصر و عايزه ابني لو سمحت

ابتسم بسخريه و اتكلم ببرود
= انتي اكيد تعباانه و مش مستوعبه اللي بتقوليه
هروح انادي الدكتور يطمننا عليكي

اتكلمت بغضب مفرط و هي بتحاول تقوم
= لا انا عارفه كويس اوي انا بقول ايه و انا مش هرجع القصر انا عايزه ابني هنااا و عايزه اطلق و مش هرجع القصر طول ما انت موجود فيه
روح لمراتك اللي انت اتجوزتها و حل عني
مش انت كنت عايز تنزله.. اعتبرني نزلته و هاته و طلقني

تجاهلها و خرج ينادي للدكتور في حركه خليتها تتضايق منه اكتر
اتكلمت بدموع و هي بتبص لمنى
= انا عايزه ابني يا ماما و مش عايزة اعيش معاه

راحت منى عندها و حضنته و اتكلمت بحنان
= هيحصل كل اللي انتي عايزاه يحبيبتى بس انتي حاولي تهدي عشان متتعبيش

دخل يونس و معاه الدكتوره اللي بدأت تفحص غصون
و كتابتلها على خروج
وصلوا القصر وقفت غصون في الريسبشن تحت و اتكلمت بقوه عكس اللي جواها من خوف
= انا عايزه ابني هاخده و نطلع من هنا و دا اخر كلامي

يونس بصلها بحده و حاول يتحكم في غضبه و سكت
اتكلمت بحده اكبر
= تقريبا انت سمعت اللي قولته اعديه تاني و لا ايه!!!!

كور ايديه بغضب و اتنهد بعمق و اتكلم بهدوء
= انا مقدر اللي انتي فيه و عشان كدا مش عايز ارد على كلامك لاني لو رديت هزعلك

ابتسمت بسخريه و اتكلمت باستهزاء
= لا رد يا يونس عشان بناءا على ردك المفروض اقرر هعمل ايه

بصلها باستغراب
= زييي ايه!!!!

غصون بغضب و صوت عالي خرج الكل على صوتها
= زييي اني هرفع قضيه طلاق و هاخد ابني لحضنتي و اظن دا حقي

خرج كامل على صوتهم و معاه رأفت و نواره
اتكلم كامل بغضب
= غصون مش كفااايه انك مشيتي الشهور دي كلها و منعرفش عنك اي حاجه
دلوقتي بدل ما تعقدي و تمسكي في جوزك اللي فضل يدور عليكي و حياته اتحولت من وقت ما اختفيتي و استحمل اللي مفيش اي راجل مكانه يقدر يستحمله

ابتسمت بسخريه و الم و اتكلمت ببابتسامه سخريه
= هو اللي استحمل اللي مفيش راجل يقدر يستحمله فعلا
هااا يا يونس اقول انا و لا انت اللي تتكلم اقولهم انا سيبت البيت ليه

غمض عينيه بالم و اتكلم بحنان و هو بيقف قدامها
= انا عارف اني غلطت بس مش لدرجه انك تعاقبني بيكي انتي و ابني مش كفايه بعدتي طول الفتره اللي فاتت
اديني فرصه واحدة و انا هثبتلك اني بجد بحبك و عاوزك

قال كلامه و قرب منها كان لسه هيمسك ايديها بس بعدت بغضب
حسيت ببعض الدوخه
مسكت في منى ، اتكلم بخوف و هو بيسندها
= غصون انتي كويسه

بعدت و اتكلمت بغضب و ارهاق
= ابعددد عنيييي
انا مش طايقاك مش طايقه قربك كفاايه بقى كفاايه زل و جع منك اكتر من كداا مش هستحمل انا كل اللي بطلبه انك تبعد عنيي و تديني ابني

اتكلم رأفت بحنان
= حاولي تهدي يبنتي كل اللي انتي عايزاه هيحصل انتي تعباانه عايزه ابنك انا هطلع اجبهولك بس دا بيتك خليكي هنا و كل اللي انتي عايزاه هيحصل