رواية اخر نساء العالمين (عشق زهرة) الجزء15و16 بالكامل بقلم سهيلة عاشور

 

 (15)

 

في المستشفى

كانت جميع افراد العائله تركض نحو الغرفة الذي يبقى فيها ابنهم الخوف تسلل لوجوههم... احدهم دق بابهم من دقائق قائلا " الحق يا حج مهران مصطفى بيه في المستشفى وحالته حرجه".. كان هذا الخبر وكأنه سخريه بالنسبه لهم ماذا تقول يا معتوه ماذا اصابه... وصلوا امام الباب وما ان شاهدوا من خلال النافذه الزجاجيه ابنهم وهو نائم لا حول له ولا قوه مُغمض العينين وقد وضعوا له جهاز التنفس ويتجمع حوله الأطباء يحاولون جاهدين ان يعيدوا له... يا الله من كان يجلس معنا منذ قليل يبتسم يمرح انه الان يصارع الم-وت


نواره بلطم: ااه با ولدي... اي اللي صاب اخوك يا يونس... اي اللي صابه سبت اخوك ليه يا يونس

اقتربت منها زهره وهي تحضنها وتبكي بقوه فهو اخيها الروحي وتحبه بشده... اما يونس ومهران فكانوا يقفون وقد سُلبت الحياه من وجوههم هم لا يسمعون ولا يشعرون بأي شيء فقط ينظرون نحو الغرفة الذي بها مصطفى......

**********************************
في منزل العائله

كانت تجلس ناهد بلامبلاه تأكل وهي ترتدي الذهب التي قد اشترته منذ قليل من اغلى محلات المجوهرات في المدينه... تجلس بعجرفه تامه وهي تأمر الخادمتين وتتحسس على مكان وجود الجنين بسعاده.... جائت لها ورده وهي تحمل اصناف الحلويات التي طلبتها ولكن عيونها كان تُدمع بشده

ناهد بسخريه: مالك يا ورده... خير االي يشوفك كده يقول ماي-تلك مي-ت

ورده بحزن: منتي عارفه يا ستي االي حصل مع سي مصطفى زعلت عليه.... ربنا يقومه بالسلامه يارب


نظرت لها بحنق ومن ثم اشارت لها بالذهاب قائله بغيظ: البت المسهوكه دي مش عجباني... عاوزه اغيرها

فاديه بضحك: ومالو يجيبلك عشره غيرها يا ام الغالي.... بس يبت بيني شوية حزن على مصطفي على الاقل قدامهم

ناهد بلامبلاه: دول خدم... انا مبحبش النكد كفايا عليا اللي هيجوا يولولوا كمان شويه كلي كلي

ظلت تأكل هي وامها بقلوب بارده كالثلج ويضحكون يفكرون بطمع فقط...

**********************************

في المستشفى

طال انتظارهم لساعات... واخيرا فُتح هذا الباب وخرج منه الطبيب وما ان رأه يونس حتى ركض نحوه

يونس بقلق: خير يا دكتور... اخويا عامل اي

الطبيب بإبتسامه: الحمد لله يا يونس بيه... اخوك اتكتب ليه عمر جديد... رجله اتجبست وكمان حصله مشكله في التنفس بس قدرنا نتفاداها لازم راحه تامه ميقمش من مكانه.... ثم اكمل بجديه: انا مرضتش ابلغ البوليس علشان عارف انكوا ناس مش بتحب الشوشره لكن االي حصل لي مصطفى بيه دا مقصود



يونس بتعجب: قصدك اي... هو اي اللي حصل


الطبيب بجديه: كان في حد عاوز يق-تله ودا واضح اوي في اثار على رقبته كان في حد بيحاول يخنقه جوه الميه... لما جالنا الناس قالت انهم لقوه مرمي في الترعه الكبيره وكانت رجليه بتن-زف وكمان كان فيه حبل ملفوف حوالين رقبته... قالو انهم شافوا خيال اربع رجاله بيجروا من بعيد وهما بيقربوا على مكانه


كانت حالته كمن سُكب عليه دلوًا من الماء البارد... لا يستطيع تصديق ما يقول وكأن اذنه رفضت الاستماع لهذا كيف يحصل هءا من الاساس

يونس بخوف وذهول: وهو دلوقتي كويس؟

الطبيب بإبتسامه: قلتلك الحمد لله زي الفل.... بس لازم تخلي بالك يا يونس اللي عمل كده واضح انه معندهوش ذرة ضمير ولا قدر الله يمكن يعملها تاني

يونس بهدوء عكس ما بداخله: تمام... نقدر ناخده امتى

الطبيب بعمليه: لما يفوق عادي... كالما هيكون البيت مهيأ ليه المحاليل هتفضل متعلقه ليه وهكتب ليه على اكل وادويه لازم ينتظم عليهم

شكر الطبيب ومن ثم جلس بجوار والده ووالدته بهدوء

نواره بقلق: اي يا ولدي طمني.

يونس بإبتسامه: كويس يما الحمد لله الدكتور طمني وهناخده معانا لما يفوق كمان ان شاء الله

مهران بسعاده: احمدك يارب.... انا هروح اصلي ركعتين شكر لله

نواره براحه: خدني معاك يا ابو يونس

ذهب الابوين ووضع يونس كفيه على رأسه وهو يهزه بغصب مكتوم كان وضعه سيء للغايه... اقتربت منه زهره بحذر وجلست بجواره ووضعت يدها على ظهره تربت عليه بحنان

زهره بقلق: مالك يا يونس... مش قلت مصطفى كويس في حاجه انت مخبيها صح.

رفع وجهه اليها ويا ليته لم يرفعه فكان وجهه يكسوه حمرة الغضب وعروق وجهه بازره بشده ويده متصلبه

زهره بخوف: يونس في اي.... انا بجد بدأت اخاف في اي

يونس بكز على اسنانه: ولاد ال*** كانوا عاوزين يم-وتوا اخويا


زهره بشهقه: اي االي انت بتقوله دا... ومين دول اصلا

يونس بضيق: معرفش.... بس اعرف مصطفى يفوق بس

بعد القليل من الوقت اتت احدى الممرضات واخبرتهم ان مصطفى قد افاق واخيرا... ركض الاثنين للغرفه وما ان رأهم مصطفى حتى تبسم بألم من حسده

مصطفى بإبتسامه: اخوي

ركض اليه يونس لينحني عليه ويحتضنه بحنان وقد فرت دمعه من عينيه فظن لوهله انه قد خسر اخيه الوحيد وولده الاول كما يسميه

مصطفي بمرح: فيك يا اخوي.... مرتك واقفه عيب اكده اكمني عيان هتتمحرش بيا

يونس بإبتسامه: اتوحشتك يا مصطفي



مصطفى بحنان: متخافش عليا... ثم اكمل بمرح: وبعد كده يا اخي كابس على نفسي

زهره بإبتسامه: قلقتنا عليك.. حمد الله على السلامة

مصطفى: الله يسلمك يا زهره... يخليكي لينا يا مرت اخوي... من ثم غمز في نهاية حديثه ليونس


يونس بإبتسامه: مش هتخانق معاك النهارده متحاولش.... ثم اكمل بجديه: قلي مين يا مصطفي

زهره بنظرات ذات مغزى: مش وقته يا يونس... انت شايفه تعبان ازاي

مصطفى بإبتسامه: انا كويس يا زهره.... ثم وجه حديثه ليونس: معرفش يا اخوي كانوا مغطين وشهم


يونس بضيق: طب احكي اللي حصل



مصطفى بتألم: انت كنت راجع من القهوه قبل صلاة الفجر بشويه فا فاجأه لقيت اربع رجاله ومغطين وشهم وكانوا واقفين زي ما يكونوا مستنيني اجي... فا قلقت منهم وجيت علشان اغير الطريقه حاوطوني من كل حته وفضلوا يضربوا فيا لحد ما واحط فيهم ضربني بعصايه حديد جامد اوي على رجلي فا وقعت في الاول.... ثم اكمل بألم: بعدها جرجروني على الترعه وواحد فيهم ربط حبل على رقبتي ونزل وشي في الميه وكان بيخنقني بالحبل لحد ما كنت بقطع النفس سمعت ناس بتصوت فا رموني في الترعه وطلعوا يجروا.... ثم اكمل بحزن: انا فكرت اني م-ت يا يونس روحي كانت انسحبت مني... مش قادر اصدق اني قاعد قدامك دلوقتي

يونس بغضب: مش هسيبهم والله ما هسيبهم... هطلع روحهم في ايدي


مصطفى بإبتسامه: انا مسامح يا اخوي....ربنا اللي عاوز ان دا يحصل انا مش زعلان ربنا كتبلي عمر جديد وانا حامد وشاكر الحمد لله



يونس بهدوء: متتعبش نفسك.... ارتاح انت علشان شويه وهنروح

كاد ان يكمل حديثه ولكن اوقفهم تلك التي دفعت الباب وركضت نحو مصطفى والدموع في عينيها... اقتربت له تضع يدها على وجهه وكأنها تتأكد انه موجود


سميه ببكاء: سلامتك يا مصطفي... ان شاء الله كنت انا وانت لا


مصطفى بإبتسامه: انا كويس... متخافيش


سميه ببكاء وشهقات متتاليه: لما سمعت كلامهم متحملتش... جريت لحد اهنيه... اي اللي حصلك انت زين اي اللي بيوجعك


مصطفي بهيام: مفيش حد في صحتي بعد ما شفتك


يونس بغضب مصتنع: جرا اي انت وهي مفيش احترام ليا... بعدي عنه يا بت اتحشمي


سميه بإستدراك: متأخذنيش يا سي يونس... والله ما اعرف عملت كده ازاي


يونس بهدوء: لا مفيش حاجه.... هنعمل فرحكم لما مصطفى يخف


يونس بإبتسامه: اي في اعتراض


مصطفى بمرح: انا عن نفسى عاوزه دلوقتي



سميه بخجل: اللي تشوفه يا سي يونس

ضحك الجميع عليها بشده وباركت لها زهره ومهران ونواره الذي دلفوا في هذا الوقت وقد استمعوا لهذه الاخبار وسعدوا بها كثيرا

مهران بإبتسامه: يلا يا واد كفايا دلع... عاوزين نروح نرتاح سيبت ركبنا يا شيخ


مصطفى بضحك: حاضر يا ابوي



ساعده يونس في ارتداء ملابسه ومن ثم اسنده حتى السياره وانطلقوا نحو المنزل وكل ثانيه تقريبا ينظر يونس لمصطفي من خلال مرأة السياره ليطمأن عليه معذور فقك تسلل الرعب بداخله

مصطفى بإبتسامه: انا زين يا اخوي.... خلي بالك من الطريق بدل ما نعمل كلنا حادثه


**********************************

في المنزل


كانت لاتزال ناهد ووالدتها يجلسون على حالهم ولكن قاطع انستهم اللعينه ركض ورده والتي كانت تبتسم براحه


ورده بسعاده: يا ست ناهد... ستي زهره اتصلت سي مصطفى بخير الحمد لله وهما جايين على هنا


ناهد بإستنكار في نفسها: كنت هفوز بكل حاجه من يومه وهو زي القطط بسبع ارواح.... ثم وجهت نظرها نحو ورده: غوري انت


كادت ان تذهب ورده ولكن رُن جرس الباب فذهبت لتفتح


احدهم: مادام ناهد مرت يونس بيه مهران موجوده؟


وما ان رأته حتى اعتلت الصدمه وتسلل الخوف بداخلها: انت اي اللي جابك هنا؟


يونس بغضب: مين دا يا ناهد؟،
**********************************

 (16)

 

عندما وصل يونس عند بابا المنزل وجد رجل يقف امام ناهد وهو يوليه ظهره ولكنه لاحظ خوف ناهد وتوترها

يونس بتعجب: مين دا يا ناهد

الطبيب (ناجي) وهو يلتف له: دا انا يا يونس بيه.... ناهد هانم كانت تعبت شويه واتصلت بيا فا جيت اطمن عليها واضح انها كانت تحت ضغط عصبي بس انا ادتها حقنه خليتها احسن

ناهد بسرعه وتلعثم: اه... اه من قلقي على مصطفي.... تعالى ادخل بيه يلا

نظرت ناهد للطبيب بشر مما جعله يذهب سريعا وهو يبتسم لها بخبث فيبدو ان ما تفعله بالناس سوف ينقلب عليها الان.... دلف يونس وهو يستند مصطفى واجلسه على الاريكه بهدوء ومن ثم جلست سميه بجواره وهي تنظر له وكأنها تملئ عينيها منه فظنت انه قد توفاه الله وما ادراك من فراق الحبيب

مصطفى بمرح: اه ياني... مكنش يومك يا مصطفي اتخرشمت على الاخر

زهره بضحك: انت في اي ولا في اي بس.... هروح اعملك الاكل اللي كتبه الدكتور

ذهبت زهره للمطبخ ونواره ومهران لتغيير ثيابهم... اما يونس فكان يشغله امر هؤلاء الناس فذهب لكي يتحدث في الهاتف...

**********************************
في المطبخ

كانت زهره تخرج مكونات الحساء الذي وصفه الطبيب وتحاول التركيز حتى تصنعه بأفضل طريقه من اجل مصطفى ولكن قاطعها حديث ورده

ورده بوتر: ست زهره..... يا ست زهره

زهره بتركيز: مش وقته يا ورده... مش شيفاني مشغوله

ورده بخوف: في حاجه مهمه لازم تعرفيها يا ستي

زهره بملاحظه لحالتها: مالك يا ورده خير انت كويسه

ورده: كويسه يا ستي متقلقيش عليا.... بس الدكتور اللي جه من شويه دا مكنتش بيكشف على ست ناهد ولا حاجه ولا هي تعبانه اصلا دي كانت زي القرد وقاعده تاكل وتتأمر على الكل وكانت ولا كأنها في فرح

زهره بغموض: طيب يا ورده... روحي بيتك انت كفايا عليكي كده النهارده اتأخرتي

استأذنت الفتاه وذهبت ومن الاساس لم تأتي صبا اليوم.... ظلت زهره تفكر بشكل جدي في افاعيل تلك المرأه غريبة الاطوار فحديثها عبر الهاتف ووجود ذلك الطبيب في هءا الوقت قد اثار شكوكها كثيرا وصممت ان تعرف ما تخفيه عاجلا.... انتهت من صنع الحساء وحملته وذهبت نحو مكان مصطفى..

**********************************

في صالة المنزل

كان ينام مصطفى ممدد على الاريكه ينظر نحو سميه التي كانت تنظر له ودموعها تهبط دون اراده منها... وبالطبع تجلس ناهد التي كانت تراقبهم بغيظ




مصطفي بنبره حنونه: بتبكي لي... منا زين اهو

سميه ببكاء: لو كان حصلك حاجه مكنتش هسامح نفسي ابدا

مصطفى: طب وانت دخلك اي في اللي حصل بس... دا قضاء ربنا الحمد لله على كل حال

سميه بحزن: زعلان مني يا مصطفي.... بهدلتك ورايا شهور

مصطفى بإبتسامه: انا راضي يا ستي... ثم اكمل بمرح: وبعدين كلها شويه وافك الجبس ونتجوز يا عسل

سميه بخجل: وبعدين معاك

مصطفى بضخك: سميه بتتكسف والله ما اصدقها ابدا

ناهد بغل: جرا اي يا بت.... هو مفيش عندك حياء ولا خشى خلاص بقا وشك مكشوف

سميه ببرود: خطيبي وهيبقى جوزي قريب يا سلفتي... اتعودي على كده


ضحك مصطفى بشده على حديث سميه قاطعهم اقتراب زهره منهم وهي تحمل الطعام مبتسمه

زهره بإبتسامه: يا سيدي... من لقى احبابه نسى اصحابه اول ما قعدت معاها الضحكه من الودن للودن يعني... ثم اكملت بغمزه: الله يسهله يا عم... امال يونس فين

مصطفى بضحك: في الجنينه... روحيله ليكون ناوي يتجوز التالته

ناهد بإمتغاص: مهو دا اللي ناقص ... قالت جملتها تلك وصعدت غرفتها فكانت والدتها نائمه منذ ساعات

زهره بغيظ: عارف انت لو مش تعبان كنت عملت فيك اي

مصطفى بتلاعب: اي؟

زهره بضحك: ولا حاجه....

ضحكوا عليها بشده لوحت لهم بيديها بمرح ومن ثم ذهبت نحو يونس والذي ما ان اقتربت من مكانه حتى وجدته يصرخ بحده

يونس بغضب: مليش دعوه.... محدش من الرجاله يغمض عينه لحظه لحد ما العيال دي تيجي تحت رجلي راكعه فاهمين..

انهى حديثه ومن ثم وضع الهاتف في جيب بنطاله بغضب كانت حالته لا يرثى لها يشعر بالعجز والخوف الشديد على اخيه.... اقبرت منه بحذر فهي تعرفه في اوقات غضبه يكون كالوحش الكاسر لا يرى امامه

زهره بحذر: يونس

يونس وقد كور يديه يحاول كبت غضبه: خير يا زهره... اي اللي طلعك هنا

زهره بتوتر: جايه اطمن عليك..... ثم اكملت بخوف: غضبك يخوف يا ابن عمي

التفت لها وما ان رأى نظرت الخوف في عينيها رق قلبه لها كثيرا... فحبيبته تقف امامه الان يكاد قلبها ان يقف من كثرة الخوف... اقترب من هدوء ووضع يديها على كتفيها يربت عليها بحنان

يونس: اوعى تخافي مني يا زهره.... انا لو بقيت مؤذي مع الناس كلها عمري ما اقدر ازعلك
حتى

زهره بإبتسامه: ربنا يخليك ليا يارب.... ثم اكملت بتوتر: بس انت كنت بتتكلم في الموبايل وقلت...

يونس بمقاطعه: ملكيش علاقه باللي انا قلته دلوقتي.... دا حق اخويا ولازم اخده خليكي انت في نفسك وفيا وبس

زهره بضيق: منا فيك اهو يا يونس.... انت لو عملت حاجه في الناس دي هما هيسكتوا ولا اللي وراهم هيسكتوا وهنفتح على نفسنا بحر من المشاكل لي نعيش في خطر.

يونس بغضب: احنا دلوقتي في خطر.... وهنبقى في خطر اكتر لو مخدتش حق اخويا ولا انت مفكراني مش راجل مش هعرف اخد حقه.

زهره بسرعه: لا والله مش قصدي كده اكيد.... انا بس خايفه عليك وخايفه على مصطفي كمان اديك شفت كنا عاملين ازاي النهارده لولا ان ربنا نجاه الحمد لله لي تهليني عايشه في رعب اني اعيش اللحظه دي تاني

يونس بهدوء: متخافيش... مفيش حاجه هتحصل اللي زي دول ملهمش تمن ميتخافش منهم

جلس على ارضية الحديقه فجلست بجواره ووضعت رأسها على كتفه واحتضنت ذراعه بقوه فلا تشعر بالأمان الا معه....

**********************************

في غرفة ناهد

كانت تمسك هاتفها تنتظر رد ذلك المعتوه الذي كان يريد القضاء عليها اليوم

ناهد بغضب: ايوه... انت شكلك اتجننت انت اي اللي جابك هنا انت كنت هتوديني في داهيه

ناجي بخبث: منتي اللي اتأخرتي في الفلوس اللي طلبتها

ناهد بغيظ: فلوس اي يا خرفان انت ما اللي لتفقنا عليه اديتو ليك وبالزياده كمان... وبعد ما تجيبلي الواد هديك قدهم مرتين مش دا الاتفاق

ناجي بطمع: منتي االي عندك مش شويه برضه... بسترخصي في ناجي شويه كمان

ناهد وهي تحاءل السيطوه على نفسها ففي النهايه هي تحت يديه: تمام.... بس متفتحش بؤك تاني انت فاهم... واياك المحك هنا تاني هبعتلك الفلوس غور

ناجي بضحك: مقبوله منك يا ام الواد.....

اغلقت معه والقت الهاتف بغضب ومن ثم صرخت بشده بكره وهمت للشرفه لتتنفس قليلا... ولكن ما رأته جعلها تخرج نيران من اذنيها ووصلت لأعلى قمه من الغضب....

**********************************

في صالة المنزل

كان كل من نواره ومهران يجلسون مع ابنهم الحبيب وهم يحاولون التخفيف عنه بالمرح

مهران بتلاعب: انا قلت اجوزك البت صبا... مالها يعني مهي زينه اهي.

سميه بغيظ: وبعدين معاك يا عمي... دا انا حتى بحبك

نواره بضحك: بكفايه يا حج.... البت هتو-لع وهي قاعده

مصطفى بإبتسامه: بيضحك معاكي متقلبيش وشك كده

سميه: وعلى اي يا اخويا.... انا هروح علشان اتأخرت

مهران بود: خدي حد من الغفر معاكي يا بنتي.. وسلمي على الجماعه ان شاء الله تفضلي معانا دايما قريب

ابتسمت بسعاده ومن ثم همت بالذهاب

**********************************

في الحديقه

قد جلسوا سويا كثير من الوقت لدرجة ان زهره قد غفت وهي نفس وضعها هذا.... فنظر لها يونس بحب ومن ثم حملها وذهب بها نحو غرفتهم وهو يفكر ماذا قد يخبئ لهم القدر

**********************************