رواية اخر نساء العالمين (عشق زهرة) الجزء 33و34 بالكامل بقلم سهيلة عاشور

الفصل 33

نظر لها نظرات نا-ريه ما ان استمع لحديثها هذا وبدأ الجميع ينظرون لها بتعجب كبير وصدمه فالكل يعلم مدى حبهم لبعضهم والكل مؤيد لهذه الزيجه.... بدأ مصطفي يتحرك من مكانه وكان يود بالهجوم عليها الا يد يونس التي قبضت على يده وثبته مكانه بقوه

مصطفى بغضب: اي الكلام اللي بتقوليه يا خالتي ام سميه... من امتى يعني وانت مش موافقه دا انت مستنيه يوم جوازنا اكتر مني انا شخصيا

ام سميه بضحك: بهزر معاك يا مصطفي دا انت خلقك ضيق اوي

تنهد براحه وهو ينظر بتوعد: دا وقت الهزار دا يعني.... وبعدين يا عمي ها قلي كتب الكتاب امتى

ابو سميه بتعجب: كتب كتاب اي يبني مش لما تخطبها الاول

مهران بغيظ: اقول اي بس يا ابو سميه... الواد دا دماغه مفوته انا بقلك اهو انا لو منك مديش بنتي الوحيده لواحد اهبل زي دا

مصطفى بصدمه: الاه وبعدين معاك يا حج متخليك محضر خير امال... ثم لكز يونس بقوه: ما تتكلم انت هتفضل ساكت

يونس بضحك: اعمل اي يعني سمعتك سبقاك في كل حاجه😀😀 ثم اكمل بجديه: معلش يا بابا ابنك برضه وأهل سميه مش غرب وعارفين كل حاجه عنه وعننا ولا اي يجماعه

ابو سميه: طبعا يا بني.. احنا اهل ويشهد ربنا على سمعتكم واخلاقكم

ام سميه بإبتسامه: مش هنلاقي احسن منكم بنتنا تعيش وسطيهم

مهران: واحنا تحت امركم في اي طلبات

ابو سميه بصدق: احنا ملناش اي طلبات😃 طلبي الوحيد امان بنتي وسطكم وبس والباقي دا هسيبه لذوقكم

نواره بإبتسامه: دا حقها وهتاخده تالت ومتلت زيها زي زهره بالظبط

مهران بتأييد: ام يونس معاها حق😀 هيتعمل ليها مهر ومؤخر زي زهره والدهب كمان لازم تضمن حقها الزمن مش مضمون وانا مضمنش الواد الاهبل دا بصراحه

تنهد مصطفي بضيق ومن ثم همس لوالده: خلي بالك يا حج انت حسابك تقل معايا

مهران بصدمه: انت بتهددني يا واد انت ولا اي

نظر له من اعلاه لأسفله بطفوله ومن ثم: امال فين سميه يا عمي

ام سميه بضحك: سميه تعالي يا بنتي

في تلك الاثناء دلفت سميه وكانت ترتدي فستان رقيق من الازرق ومعه حجاب من نفس اللون كانت رقيقه للغايه😍😍 نظر لها مصطفى بأعين تلمع من كثرة العشق وظل نظره مثبت عليها يتفحصها بشده وبالطبع الكل يراقب هذا وزهره التي كانت تبتسم بشده وهي تشاهدم هكذا

يونس بضحك: يا بني فضحتنا اتقل شويه

مصطفى بزفر: سيبني في حالي يا يونس😀 قال اي خطوبه

يونس بغيظ: انال احنا كنا متفقين معاك على اي اصلا قبل ما نيجي بطل شغل العيال دا يا مصطفى

نظر لها بلامبلاه وبدأت المراسم التقليديه في الاتفاق والتدبر فيما بينهم حول شراء الذهب من اي مكان واين ستتم الخطوبه والزواج وهكذا وانقضى اليوم ومصطفي وسميه سعداء للغايه والكل بالطبع سعيد من اجلهم.......

**********************************

في منزل حسام

قد صوت والد هبه كثيرا وكان يتحدث بتهديد ووعيد كبير ووالد حسام يحاول تهدئته ووالدته اغلقت الابواب حتى لا يوصل صوته للجيران فيصبحون لقمه سهلة المضغ بالنسبه اليهم.... وكل هذا وحسام يجلس هادئ تماما بجوار هبه التي كانت تبكي في صمت وجسدها يرجف بشده

حسام ببرود: انت عاوز اي😠 واي الدوشه اللي انت عاملها دي انت مفكر نفسك داخل زريبه ولا اي

رشوان بغيظ: عاوز بنتي يا بيه ولا هي بقت سهله ولا انت مفكرها سايبه ومحدش هيقف في وشك تاخد بنتي من بيتي قدام عيني وهسكت ليك

حسام بهدوء: بنتك دلوقتي مراتي وبمزاجها وموافقتها وانت ملكش اي حق فيها.... والدور الحمضان اللي انت بتعمله ياريت ميتكررش تاني علشان انت راجل كبير ومش هتتحمل اللي انا هعمله فيك.... ثم اقترب منه ونظر له نظره ناريه حتى اصبح وجههم مقابل لبعض وتحدث اليه بهمس: انت عارف اني ممكن احاسبك على كل حرف قلته ليها وجرحها وعلى كل وجع هي اتوجته من ضربك ليها... سبتها مر-يضه وبتم-وت من التعب ومهنش عليك حتى تجيبلها حقنة الانسلوين علشان كده اوعى تظهر في طريقي تاني انت فاهم... انا هسيبك المره دي لأمك في الاول وفي الاخر ابوها لكن لو جيت على طريقها او طريق تاني هفعصك فاهم

ابعتد عنه ببطئ ووقف ينظر له ببرود ومن ثم اتجه نحو هبه واحكم تمسكه في يدها وهو يربت عليها بحنان وينظر لها نظرة تطمأنها.

اما رشوان نظر له والخوف يملئ قلبه من ثم اتجه سريعا يخرج من المنزل نظر محمود وكريمه لحال هذه الفتاه وقد تأكدوا تماما انها بالفعل بحاجه لكل ذرة من المعاونه وان ابنهم قد احسن فعلا بما يفعله الان قرروا تركهم وحدهم وذهبوا لغرفتهم.....

حسام بإبتسامه: ممكن اعرف انت بتعيطي لي دلوقتي؟

هبه ببكاء: انت ملكش زنب في كل دا... وهعملك مشاكل مع اهلك غير الفضايح اللي بابا عملها ليكم خليني امشي بعيد عنك بلاش تجيلك مشاكل بسببي

حسام بهدوء: مفيش مشاكل ولا حاجه ومتفكريش اني ممكن اسيبك تمشي من هنا ابدا فاهمه... انت دلوقتي مراتي ومسؤوله مني وانا مش مضايق من كده ابدا على فكره بالعكس مبسوط

هبه بتعجب: مبسوط بالمشاكل ازاي يعني!

حسام بمرح: منا ظابط وكده ولا مش باين عليا

هبه بتهوان: انا مبقتش فاهمه حاجه

حسام بهدوء: مش لازم تفهمي المهم تحسي... تحسي بالأمان ودا اهد حاجه عندي ودلوقتي يلا خلينا ننام انا مش قادر وعاوز انام

لم تجيب فسحبها من يدها خلفه نحو غرفته واحكم غلق الباب وبدأ في اخراج ملابس مريحه لكليهما

حسام بإبتسامه: دي بجامه من عندي مريحه اوي لحد ما اجبلك... يارب تحبيها

هبه بإحراج: هو احنا هنعيش في نفس الاوضه

حسام بإيماء: اه لأننا متجوزين دا طبيعي يعني... ومتخافيش مني انا مش وحش كاسر يعني هسيبك تغيري وانا هغير في الحمام علشان تاخدي راحتك

كاد ان يذهب ولكن استوقفه ندائها: نعم يا هبه

هبه بتساؤل: هو انت جبت منين البطاقه بتاعتي

حسام بإبتسامه: اتصرفت... منا ظابط بقا

غمز بعينيه في اخر حديثه بمرح واتجه نحو المرحاض وتركها تنظر نحو المرحاض ونحو ملابسه التي بيدها بتوهان وحيره كبيره ولمنها في النهايه ابدلت ملابسها وجلست على الفراش شاردة الذهن ولكنها سمعت صوت طرق خفيف على باب الغرفه

هبه بتوتر: مين

كريمه بنبره حنونه: انا يا بنتي افتحي

فتحت هبه الباب تنظر لها بإحراج شديد بسبب ما فعله ابيها منذ قليل لاحظت كريمه ذلك واشفقت عليها بشده

كريمه بطيبه: اي يا هبه يا حبيبتي مش تاخدي مني الصينيه

اخذتها منها سريعا ووضعتها على الطاوله الصغيره التي كانت بالغرفه ومن ثم نظرت لها من جديد ووضعت وجهها ارضا.... اقتربت منها كريمه وهي تضع يدها على ظهرها تربت عليها بحنان

كريمه بصدق: مفيش حاجه حصلت تتكسفي منها محدش فينا بيختار اهله ودا قدرك يا بنتي... بس انت خلاص مش لوحدك احنا اهلك ومعاكي دايما ومش عوزاكي تخافي ابدا من اي شيء فاهمه

نظرت لها بٱمتنان وكأنها ترى حب وحنية والدتها المرحومه بها... ربتت كريمة عليها من جديد من ثم تركتها وذهبت تغلق الباب خلفها

حسام بهمس: سرحانه في اي

هبت من مكانهة برعب تنظر له بأعين متسعه وقلبها يخفق بشده.... اما هو فأنفجر ضاحكا عليها

هبه بغيظ: خضتني لي كده

حسام بضحك: مكنتش اقصد انت اللي طلعتي فرفوره خالص... يلا علشان ناكل

هبه بتعب: لا انا هنام..... ثم توجهت نحو السرير تريح جسدها عليه فأتجه نحو واطفأ الضوء وتمدد بجواره مما اصابها بالتوتر والخجل

حسام بنوم: بطلي حركه ونامي يا هبه متخافيش... تصبحي على خير

هبه بخجل وصوت منخفض: وانت من اهل الخير

ضحك بخفوت على نبرتها هذه واقترب منها يبثها الحنان حتى خفى كلاهم في احضان بعضهم البعض.... لا يعلمون لما اختارهم القدر في هذه الظروف لكي بكونوا سويا ولكن من المؤكد ان الاسباب سوف تتضح قريبا....

**********************************

في منزل يونس

كان الجميع يجلسون سويا وسعداء للغايه وخاصتا مصطفى والذي كان لت تسع الدنيا فرحته وضحكاته التي كانت تصدر رنينها في المنزل بالكامل

نواره بضحك: مالك يا مصطفي عامل زي العيل الصغير اللي مستنى ليلة العيد

مهران بيأس: ومين سمعك يا نواره بقيت حاسس انه عيل في حضانه

مصطفي بإبتسامه: قولوا اللي انتو عاوزينه انا خلاص ارتحت😌😌

زهره بإبتسامه: ربنا يفرح قلبك يارب😌عن اذنكم هطلع انام تصبحوا على خير

رد عليها الجميع ومن ثم بدأوا في الانسحاب نحو غرفهم ومصطفي الذي هب من مكانه يتكأ على عصاه ويهم بالتوجه نحو غرفته

مصطفى ببرود: بقلك اي يا يونس انت نومك وحش ومعرفتش انام منك طول الليل شوفلك حته تنام فيها لو لسه مطرود بقلك اهو

نظر نحوه بصدمه كبيره فهو من الاساس لم يغفل جفنه لحظه بسبب الطريقه العجيبه الذي ينام بها اقسم في داخله ان سميه المسكينه تلك لن تحظى بنوم مريح في حياتها مطلقا.... ولكنه اتت اليه بعض الافكار التي بدأت تتلاعب في رأسه وقام من مكانه متوجها نحو الاعلى حيث غرفته هو وزهره وبدأ يفتح الباب بالمفتاح الخاص به والذي خبأه منها تلك المره ودلف للغرفه بهدوء وجدها قد خلدت للنوم في سريرها بعمق... ابدل ملابسه سريعا واتجه نحوها فقد اشتاق اليها كثيرا وضع يده على خصله من شعرها يتحسسها برقه وجذبها نحو انفه يستنشق رائحتها بشده... ومن ثم وضع يده على وجنتيها يتلمسها بحنان وابتسامتها على وجهه وعينيه التي تلمع بالعشق تتحدث عوضا عن لسانه😍😍 افاقت من نومها تفتح عينيها بإنزعاج وقد تلاقت عينيهم معا ينظرون لبعضهم نظرات لا يفهمها سواهم...

زهره بنبره مبحوحه: اي اللي جابك هنا يا يونس مش انت عارف اني مخصماك

يونس بهيام: كلهم عمالين يتصالحوا ويتجوزوا😍😍 جت عليا انا كمان عاوز اصالحك يا زهرتي

زهره بعبوس: اوعى يا يونس انا عاوزه انام

يونس بإبتسامه: وحشتيني اوي😍😍 عرفت قيمتك اكتر كفايا بعاد كده

نظرت له من جديد وقد ابتسمت شفتاها تلقائيا لمحبوبها والتي لا تستطيع الغضب الحقيقي منه وكان ابستامتها دعوه له لكي يقترب منها يبثها بحبه وغرامه واشتياقه لها😚😚😚💖💖

**********************************

الفصل 34

بعد مرور شهرين على اخر الاحداث

في صباح يوم جديد وعلى مائدة الافطار يلتف عليها جميع افراد العائله ومصطفى والذي واخيرا قام بفك جبيرته وانهاء علاجه تماما... كان الجميع سعيد في الاونه الاخيره فبعد الارتباط الرسمي لمصطفى وسميه قد تحسنت حالة مصطفي كثيرا وعم المرح والسعاده داخل المنزل وبالطبع قد تحسنت علاقة زهره ويونس فأصبحت افضل من ذي قبل فكان يونس يهتم بأدق تفاصيلها ويغرمها بالحب والحنان كما ان المشاكل الماديه قد تم شبه حلها وهذا اراح عقولهم كثيرا 😄😄 كانوا يراقبون حديث مصطفى مع والده وهم يضحكون بشده

مصطفى بإلحاح: يا حج انا بقيت كويس اهو... قلتلي بعد شهر الجواز وبعد كده اجلت شهر كمان انا زهقت يا حج والنبي جوزني بقا

مهران بلامبلاه: مش وقته يا مصطفي بعدين

مصطفى بغضب طفولي: لا بعدين اي😊😊😊😉ما تقول حاجه يا يونس انا كده هخلل

يونس وهو يحاول كبت ضحكاته: ما نجوزوا يا حج اخو نرتاح من زنه دا

مهران بتلاعب: يعني انت شايف كده يا يونس

يونس بخبث: والله يا حج مش عارف انت رأيك اي

وضع مصطفى يده في خصره بطريقه مسرحيه وهو ينظر لكلاهم نظرات غريبه: والله انت وهو بتتفقوا عليا ولا اي... بقولكوا اي انا هتجوز اخر الاسبوع دا وبراحتكم بقا

مهران بإبتسامه: الف مبروك يا مقروض الفرح الخميس الجاي

يونس بضحك: مبروك يا صغير😀😀😀

مصطفي بصدمه: انتو بتتكلموا بجد ولا بتضحكوا عليا

نواره بضحك: لا بجد💗الف مبروك يا نور عيني

زهره بضحك: واخيرا يا عم كنا زهقنا منك

مصطفي: طب ازاي طيب😀 ثم اكمل بإستدراك: ولا انتو كنتوا متفقين من غير ما تعرفوني بقا

يونس ببرود: ايوه بالظبط كده... وسميه كانت عارفه على فكره وكل حاجه جاهزه

مصطفي بضيق: ويا ترى كنتو ناويين تعرفوني امتى... دا الخميس دا كمان ثلاثة ايام

مهران بهدوء: يوم الخميس الصبح

مصطفي بصدمه: كنتو ناويين تعرفوني معاد فرحي يومها الصبح لي غصبني على الجوازه

مهران بإبتسامه: كنت هعلمك الصبر

مصطفى بغيظ: صبر اي يا بابا... هو احنا بنصطاد سمك دا فرحي

نواره بفرحه: يلا قوم روح اشتري ليك بدله حلوه كده وخد يونس معاك

يونس بتذمر: لا يونس اي... النهارده اجازه وانا هقعد في البيت

مهران بضيق: هي زهره هتطير مهي قاعده اهي.. ولا اي يا زهره ما تشوفي جوزك بقا عامل زي العيل اللي شبطان في ديل امه

زهره بخجل: انا هروح اشوف المطبخ

ذهبت وهي كادت تذوب من الخجل ونظر يونس لأبيه بعتاب

نواره بعتاب: ينفع كده يا مهران اهي اتكسفت وزمانها زعلت

مهران بحيره: انا مبقتش عارف الاقيها من الكبير ولا من الصغير ولا منك... وانت يلا قوم انجر صالح مراتك وروح مع اخوك يلا مش عاوزين لكاعه... وانا هروح اشوف الجزار واعدي على بتاع الفراشه عاوزين حاجه

الجميع: سلامتك يا حج

رحل من امامهم وذهبت نواره لتؤدي فرضها وتحادث بعض الاقارب لتقوم بعزيمتهم على العُرس😊 وما ان رحلوا حتى نظر مصطفى ليونس بتلاعب

يونس بعدم فهم: عايز اي

مصطفي بتلاعب: قوم يا يونس صالح زهره

يونس بزفر: وفيها اي يا بني مش مراتي... انا مش عارف انت هتعقل امتى خلاص هتتجوز اهو وبكره تبقى اب

مصطفي ببرود: انا اعقل واحد فيكم انا قايم اللبس لحد ما تصالحها يا يونس

قال اخر كلماته بسخريه مرحه مما جعل يونس يبتسم وهو يهز رأسه بيأس من هذه الطفل الذي لن يكبر ابدا... وقام من مكانه حيث مكان زهره

**********************************

في المطبخ

كانت زهره تقوم بعمل قائمه بكل ما يحتاجونه من اجل طعام العُرس وكانت في حالة من التركيز الشديد... عندما رأها في هذه الحاله سار ببطئ على اطراف اصابعه بحذر شديد وقام بالصراخ في اذنها بشده

زهره بفزع: اه💖💓💓 اي شغل العيال دا يونس قلبي كان هيقف

يونس بضحك: شكلك مسخره كل مره بتتخضي برضه مش بتتعلمي ابدا

زهره بغضب طفولي: حل عني يا يونس انا عندي الف حاجه عاوزه اخلصها ولسه عاوزه اروح لورده

يونس بغضب: هتطلعي من البيت لوحدك😯😠 وتروحي ليها ان شاء الله

زهره بصدمه: لا اله الا الله مش انت اللي كنت قايلي تروحي ليها ساعديها علشان هي لوحدها واحنا اهلها لازم نبقى حواليها وهي بنت وعاوزه تتجهز للفرح يا يونس من قبلها لازم ابقى معاها واساعدها

يونس بإستدراك: صح معلش نسيت... بس برضه مش هتروحي لوحدك يلا اطلعي اللبسي هاخدك اوديكي

زهره بغيظ: توديني اي يا يونس دا بيتها في اخر الشارع

يونس ببرود: ولو بيتها لازق فينا انا اللي هوصلك يلا اتفضلي

ذهبت من امامه وهي تضرب الارض بقدميها بغيظ وبدأت تمتم بكلمات بصوت تظنه هامس: كل شويه انا اللي هوديكي انا اللي هجيبك... كليه انا اللي اوديكي سوبر ماركت انا اللي اوديكي اوف زهقت

يونس بضحك: سمعتك على فكره😉😉بكلي برطمه وقدامك عشر دقايق وإلا هسيبك وامشي

عندما سمعت اخر حديثه ركضت سريعا لأعلى تحت ضحكاته على افعالها الطفوليه

**********************************

في منزل حسام

كانت تجلس كريمه ومحمود وهبه يشاهدون احدى الافلام الكوميديه ويضحكون بشده فقد توددت اليهم هبه كثيرا واعتادوا على وجودها معهم فهي فتاه طيبه وحنونه وهادئه للغايه على الرغن انها تتهرب من الحديث او والدها او عائلتها بشكل عام ولكنها كانت تتحدث معهم في مواضيع اخرى كثيره وتضحك... قاطعهم دلوف حسام عليهم وهو يحمل الكثير من الأكياس كالعاده ولكن هذه المره كانت اكبر حجما

حسام بمرحه المعتاد: مساء الجمال يا اجمل عيله في الدنيا

كريمه بحب: حمد الله على السلامة يا حبييي... جاي بدري يعني

حسام بتعب: مقدرتش اتأخر عن كده تعبنت اوي منمتش كويس كان عندي كذا قضيه امبارح قلت ارتاح وكمان علشان فرح مصطفي اخو يونس عاوز ابقى رايق.... جبت ليكم دول علشان الفرح شوفوا كده

انتبه له الجميع وهو يخرج محتوايات الاكياس بأهتمام فهذه هي عادته بكل المناسبات يذهب ويحضر لهم كل المستلزمات من ملابس وغيرها فدائما يحمل المسؤوليه ولا يريد ارهاقهم في اي شيء

حسام بإبتسامه: البدله ليك يا بابا جبتها كحلي المره دي قلت انوع.... وانت يا ماما العبايه دي عجبتني اوي هتبقى زي القمر فيها

كريمه بإبستامه: متحرمش من دخلتك عليا ابدا يا نور عيني

محمود بمرح: تسلم يا حُس دايمل تاعبينك كده يا راجل معانا... ثم اكنل بغمزه: ويا ترى بقا دا من الفلوس بتاعتى ولا بتاعتك

حسام بمرح وحمحمه: احم... بلاش احراج قدامهم بقا انا وانت واحد يا حوده

كريمه بضحك: عمركم ما هتتغيروا ابدا....

ضحك الجميع على مراوغة الاب مع ابنه بشده وما ان انتهو حتى نظر حسام لهبه بإبتسامه سعيده وقد شعر بسعاده غريبه بإضافه الى قليل من التوتر لم يعهدهم من قبل وهو يمسك بأحد الاكياس ويمدها اليها ينظر لها بترقب

حسام بإبتسامه: انا جبتلك دا يارب يعجبك

نظرت له بعيون فرحه للغايه حتى قبل ان تنظر اليه فلم تعهد ان يأتي لها من احدهم شيء فأبيها لم يكن يجلب لها حتى قطعه من البسكويت والدتها هي الوحيده التي كانت تجلب لها الملابس والحلويات خلسه من دون علم من رشوان.... امسكت الكيس بسعاده وهي تفتحه وتنظر له بإنبهار شديد فكان فستان رقيق وجميل للغايه من اللون الأحمر الداكن مطرز بدقه ويبدو عليه انه بهيظ الثمن للغايه

هبه بإنبهار: دا حلو اوي... بس شكله غالي لي تكلف نفسك

حسام بإبتسامه: هو انا عندي غيرك اكلف نفسي عليه

نظر لها بسعاده ولكنه عبث فاجأه عند تذكره لشيء ما فذهب خارج المنزل وبدأ يهبث في هاتفه قليلا....

**********************************

في سيارة يونس

كان يجلس هو ومصطفي في الإمام وزهره ومعها بعض الاغراض تخص العروس في الخلف وبالطبع لم يخلوا من مراوغات مصطفى التي لا تنتهي

مصطفى بتلاعب: قلي يا صحيح يا يونس... هو احنا هنشتري البدله من المكان اللي كان شغال في البت حلوه اوي اللي كانت بتحبك دي

يونس بصدمه: بت مين دي يا متخلف انت

مصطفي بخبث: البت كان اسمها سمر باين.... مش دي اللي كانت بتستناك كل يوم بعد ما تخلص شغل عن المحجر القديم وتقلك بحبك يا يونس اتجوزني والنبي

زهره بغضب: مصطفى

مصطفي وهو يمثل البرائه: نعم يا مرات اخويا

زهره: بطل كلامك دا😉😉😉 انا بثق في يونس حبيبي وبعدين باين اوي انك بتقول اي كلام انت ممثل فاشل اوي

يونس بفخر: مراتي يا ناس مراتي😳😊😊😊

مصطفى بغضب طفولي: طبعا مهو من لقى احبابه نسى أصحابه ماشي يا زهره.... يلا اختي انزلي

زهره بضحك: شفت حرقتلك د-مو ازاي👋👋 يلا مع السلامه

يونس بحده: اوعى تروحي من غير ما اجي اخدك احنا ساعه ولا اتنين وهنيجي هاجي اخدك

زهره بملل: حاضر يا يونس مش هتنفس الا لما اقلك مرضي كده

يونس بمرح: مش اوي😤😤ثم مال عليها يهمس لها: هتوحشيني يا بطتطي

ابتسمت بخجل ثم ابتعد عنه تتقدم نحو باب المنزل طرقت عليه بخفه ففتحت لها ورده ومن ثم التفت ليرتس تولع له بيدها فبادلها التلويح ومن ثم قاد السياره من جديد....

ورده بتلاعب: يا سيدي يا سيدي😉😉 اوعدنا يارب

زهره بخجل حاولت مداراته: منتي هتتجوزي حبيبك اهو عاوزه اي تاني

ورده بضحك: ما انت حالتك صعبه خالص اللي يشوفك كده مستحيل يصدق انك داخله في سنه جواز.... تعالي ادخلي....

**********************************

داخل سيارة يونس

واثناء قياده للسياره دق هاتفه اكثر من مره... فأجاب النداء ورد عليه

يونس بإبتسامه: اي يا حُس لحقت اوحشك منا كنت معاك الصبح

حسام بتوتر: اسمعني كويس يا يونس في حاجه مهمه اوي انت لازم تعرفها

يونس بقلق: خير يا بني في اي....

يونس بغضب: نعم انت بتقول اي يا حسام ازاي دا يحصل هي كوسه ولا اي؟.

**********************************

رأيكم؟

توقعاتكم؟

يتبع 💖💖💖