رواية الباشا كاملة بقلم فريدة... الفصل الثاتى عشر

 

بعد ان انهت معهم تجهيز الطعام قالت : بعد اذنك يا ماما هطلع اخد دش بسرعه و اغير هدومي و انزل علي ما الاكل يستوي

فاطمه : اطلعي يا بتي براحتك و لو عايزه تريحي شويه علي ما الرجاله تيجي تمام
سحبت هاتفها الذي وجدته موضوع فوق الطاوله كما كان و قالت : لا مش بعرف انام بالنهار يلا مش هتاخر

تصفحت هاتفها و هي تصعد فوق الدرج لتري ما اذا كان اتصل بها ام لا و حينما لم تجد منه اتصالا زفرت بحنق و قالت و هي تضغط علي اسمه : و لا عبرني ايه ده يا ربي .....فتح عليها الخط مع اخر كلمه تفوهت بها فابتسم و قال : مالك يا ندوش بتبرطمي ليه حد زعلك ...دلفت شقتها و اغلقت الباب ثم قالت : حبيبي الي مسالش فيه من ساعت ما نزل هو الي مزعلني
حسن : بصي عشان محورش عليكي انا اتلبخت فالشغل من اول ما نزلت ...

و كمان الصراحه مش متعود علي حكايه التليفونات دي ..اممممم يعني الحريم مش بيتصلو بيا غير لو محتاجين حاجه و انا بالتالي مش بييجي فبالي ارن علي حد
ندي : طب اتعود بقي ان فيه قلب بيحيك و بتوحشو و بيتمني يسمع صوتك كل ثانيه
ابتسم و قال : يخليلي القلب و صاحبه القلب ....انتي فين سامع قفلت باب من اول ما كلمتيني
ندي : خلصت الاكل معاهم و قولت اطلع اخد دش و اغير انت عارف مش بعرف اقعد بهدوم مقفوله و العبايه الي لبساها من الصبح دي خنقتني
حسن بغيره : امال عايزه تقعدي بهدومك الي من غير قماش دي يا جلابه المصايب عشان اقطع رقبتك و ارتاح
ضحكت بمرح و قالت : هدي اعضائك يا وحش هو انا اقدر بردو البسها لغيرك
لم يستطع الرد عليها فهو ما زال يخطو اولي خطواته في عالمها الجديد و لكنه سيترك العنان لساقيه كي تجري به و تستكشف جميع خباياه ....غير مجري الحديث و قال : تمام هتعوزي حاجه اجبهالك و انا جاي
ندي بحب : عايزاك طيب يابو علي يلا اسيبك عشان معطلكش انا قولت اطمن عليك سلام يا حبيبي
اغلقت معه بعد ان بادلها التحيه و تنهدت بحب ثم قامت بالاتصال علي اختها و حينما جائها الرد قالت بمزاح : مونه الي وحشتني
مني : بس يا واطيه وحشتك ايه خلاص راحت عليا بعد ما اتلميتي علي حبيب القلب
ضحكت بصخب و قالت : انت الاصل يا جميل
مني : المهم طمنيني عليكي عامله ايه مع العقارب الي عندك انا بقالي يومين حساكي متغيره بس قولت اصبر لما جوزك ينزل الشغل عشان تتكلمي براحتك
قصت عليها ما فعلته عزه مع طفلها و ما حدث بعدها الي الان ثم قالت : بس يا ستي ده كل الي حصل و انا كنت قاعده بغلي و هما بيقسمو الايام بس مردتش ابين عشان مركبش نفسي غلط ....لو تشوفيهم يا مونه بيبصولي ازاي طول اليوم تقولي هيقتلوني ..ده حتي العبايه الي لبساها الحربايه عزه تقولي انتي متعوده عالبيجامات يا ندي اقعدي براحتك و لو حد من الرجاله رجع ابقي البسي العبايه ...بتحبني اوي و خايفه عليه قال
مني بحكمه : بت اوعي تعملي كده دي عايزه توقعك فالغلط الله يحرقها ...صمتت لحظه و قالت بجديه : اسمعيني يا قلب اختك عشان تحافظي علي بيتك و متجبيش مشاكل لنفسك ...الحيتين دول مش هيهدالهم بال غير لما يطلقوكي من جوزك
ندي بزعر : يا لهووووي طب اعمل ايه
مني : تشغلي عقلك و تفكري الف مره قبل ما تعملي اي حاجه و تاخدي بالك من لبسك و تصرفاتك انتي عايشه وسط عيله يا ندي يعني في اي وقت ممكن تلاقي واحد من الرجاله راجع البيت لاي سبب لو حتي كنتي في شقتك و قاعده براحتك لو بابك خبط متفتحيش الباب غير و انتي لابسه الاسدال حتي لو كان الي جايلك عيل من العيال عشان يا حببتي متضمنيش في اللحظه الي هتفتحي فيها يكون مين طالع عالسلم زي ما حصل مع الزفت وليد فهمتي ...لازم تعملي حساب الصغيره قبل الكبيره عشان متديش فرصه لحد يوقعك في غلط
ندي : يا لهوي يا مني دانا كده هعيش عيني في وسط راسي
مني : لازم يا قلب اختك انتي معاكي اتنين اجارك الله منهم اذا كان عزه عملت كده في ضناها و هان عليها يبقي تتوقعي تعمل فيكي ايه ....انا مش بخوفك انا بنبهك بس عارفه ان لسانك طويل و مش هتسكتي لحد يمسك بكلمه ...بس يا حببتي يا ريت الحكايه تيجي علي قد الكلام و بس اكيد هيحفرولك بير عشان يغرقوكي عشان كده بوعيكي من اولها
ندي : مني انتي عارفه حاجه و مخبياها عليا بالله عليكي قولي لو بيبو قالك حاجه
مني : و الله ابدا بس انتي عرفاني بحب افكر كتير و احط كل الاحتمالات قدامي عشان لو حصلت حاجه متفاجئش و بيبو مقليش حاجه غير انه مش مرتاح لوليد بعد ما شاف بصاته ليكي يوم سبوع جوازك بس محبش يتكلم مع حسن عشان عارفه هيخرب الدنيا ..و قالي انا هتابعو من بعيد و هحط عيني عليه لو شكي طلع في محله يبقي هقول لحسن عشان مش واحد زي ده يغفل صاحبي و يبص لاهل بيته
ندي بقلق : ربنا يستر يلا انا هقفل معاكي عشان اتاخرت عليهم كده هكلمك تاني سلام

سمع صوت تنبيه رساله علي هاتفه فابتسم اعتقادا انها منها و لكنه زوي بين حاجبيه حينما وجدها من رقم غير مسجل ....جحظت عيناه و نفرت عروقه حينما قرأ تلك الكارثه و التي كانت فحواها
( حسن ....انا بكلمك عشان متعشم انك راجل و دمك حامي و مش هتقبل تعيش مع واحده قلبها مع واحد غيرك
انا و ندي بنحب بعض من ايام الجامعه بس ظروفي مكنتش تسمح اتقدملها و هي كانت بترفض كل الي بيتقدملها عشان كانت مستنياني ارجع من السفر الي اضطريت اسافره لما لقيت فرصه شغل كويسه
انهارده اول يوم اكلمها و حكتلي علي كل الي حصل معاها و ازاي اتجوزتو و انها بعتتلي كتير رسايل بس تليفوني كان مقفول بسبب ظروف حصلتلي ما عليك منها
هي قالتلي انها اضطرت تعاملك كويس لحد ما تعرف توصلي و لحسن حظي انك اول يوم تنزل الشغل فيه اكون انا بتصل بيها.....

حتي بالاماره كمان انت حطيت جدول لحريمك يا حاج متولي
انا حكتلك كل حاجه بما يرضي الله عشان تعرف انها مش ليك يا ريت تسيبها ترجع لحببها الي من سنها و بيموت فيها و هيبقي ملكها لوحدها)
حقااااا.......

لا يري امامه الان الا تلك الرساله و حروفها تتراقص امام عينه كلما اعاد قرائتها لعله يجد اي خطئا بها يدل علي كذب مرسلها.....

و لكنه لم يجد ...كانت ترفض كل من يتقدم لها.....

تعامله بحب.....صعدت شقتها منذ قليل.....

و الاكيد انني بالفعل قسمت الايام علي نسائي منذ عده ساعات ...داخل بيتي حدث هذا ...من اين علمه ان لم تكن........

هي من اخبرته .......

نظر امامه بعيون حمراء و اصبح قلبه جمرا مشتعل ....عقله يحلل الحديث ...و قلبه ينهره لمجرد التفكير في ذلك ....عشقها واضح لك يا حسن ....لا تصدق احدااا....ثق بها ....

ستندم ان ظلمتها ....

هكذا اخبره قلبه فزفر بغضب و قال : استغفر الله العظيم ...ندي عمرها ما تعمل كده ايوه يا حسن ندي مش خاينه انت مربيها علي ايدك ....

انت شوفت عشقها ليك جوه عنيها و فكلامها حتي لمستك ليها لما دابت بين اديك ...كل ده بيثبت حبها ليك
نظر للامام بتصميم و قال : و رحمه ابوووويا لاعرف مين ابن الكلب الي عايز يخرب علينا و هقطعه بسناني .....


مر اليوم بسلام و لم يظهر حسن شيئا من صراعه الداخلي و لم يخبرها امر تلك الرساله ...و لكن بما انها عاشقه له حتي الثماله فقد شعر قلبها ان حبيبه به شيئا ما مهما حاول مدارات ذلك الا ان حدسها ينبئها انه ليس بخير
وقفت في شرفتها ليلا لتراه حينما ينهي عمله لتستطيع التحدث معه بعد ان اغلق علي اتصالها عده مرات و ارسل لها رساله قال فيها باختصار : مشغول يا ندي مش هعرف اكلمك.....

صبرت كثيرا حتي وجدته انهي عمله اخيرا و ها هو يتجه نحو البنايه فضغطت علي اسمه سريعا .....

و حينما سمع هاتفه يصدح نظر الي الاعلي و علم انها هي
رد عليها بنبره تقطر حيره : ايوه يا ندي
ندي : مالك يا قلب ندي فيك ايه طمني
نظر لها و قال بشرود : انتي حاسه بيه و لا عارفه ان في حاجه حصلت ديقتني
قطبت جبينها باستغراب و قالت : لا معرفش بس حسيت بيك من وقت الغدا ...

برغم انك كنت بتتعامل عادي بس قلبي قالي انك فيك حاجه.....

طمني عليك يا حسن كفايه اني هتحرم من حضنك يومين متزودش عذابي بقلقي عليك
اخذ نفسا عميقا و قال بصوت يغلفه التمني : بتحبيني يا ندي
دون ذره تفكير ردت قائلا بنبره تقطر عشقا : بمووووت فالتراب الي بتمشي عليه يا حسن ....

و لو هقضي عمري الي جاي كله احبك مش هوفيك حقك ....

انت كل حياتي يا حسن من ساعه ما وعيت عالدنيا لحد اللحظه الي اخدتني فيها فحضنك ....انا  عريت قلبي ليك و بقيت انت الغطا الي بيدفيه من برد الدنيا ....يا حسن

*******************
ماذا سيحدث يا تري

انتظروووووووني

بقلمى فريدة

يتبع...💖💖💖