الجزء الحادى عشر
جاسر : نور انت خرجتى روحتى فين
نور : اقولك فين و متزعلش
جاسر : مش بهزر ي اوزعه انت قولى
نور : بس هقولك انت لما مرضتش تاخدنى معاك رحت قومت و لبست و خرجت مع أصحابى و بعد كده رحت عند ماما و انت بقى الله يسامحك جيت قفشتنى
جاسر : مهو هيسامحنى علشان متجوزك و قال بغضب نوعا ما انت اتهبلتى ي نور تخرجى من غير ما تستاذنى و كمان مع اصحابك فى أماكن منعرفهاش
نور و بدأت تستعد للجرى خارج الغرفه : ما خلاص بقى ي عم الخنيق انت دانت قفيل صحيح و دقه قديمه و ظلت تجرى و هو خلفها
نور و قد التفتت له لكى تغيظه و اخرت له لسانها و قالت : و خرجت و خرجت هييه و مش هتعرف تمسكنى و ظلت تجرى ناحيه جنينه القصر و هو خلفها ليصلوا لمكان و وقفت نور من الصدمه و قالت : الله بجد حلو اوى المكان دا
جاسر : دا كوخ الياسمين فى ورد ياسمين و ورد جوري احمر بس المكان دا بيفرحنى كل مره باجى فيه و ريحه الورد تجنن
نور : اه فعلا عندك حق اخيرا ي جدع لقيت حاجه عدله عندك
جاسر: بت هو انا مشغلك و بعذبك و لا اى
نور : لا ي عم دانت ملاك 😒 احنا اللى بناكل و ننكر
جاسر : اه بحسب طيب تعالى يلا نطلع فوق و مسكتها من ملابسها و قال : بقى انت ي طفله انت بتطلعيلى لسانك و تغظينى
نور باستهبال : انا ي ابنى
جاسر : ايوه اعملى فيها ملاك برئ بقى و كده
نور : تكونش شوفت عيفريت و لا حاجه فى بيت الرعب دا تعالى ي ابنى اقعد اقعد هدى اعصابك لحسن اعصابك باظت اليومين دول و عمال تتتهريق حجات غريبه كده
جاسر و قد رفع إحدى حاجبيه : دانا برضو 🤨
نور : امال امك
جاسر : نننعممم
نور : أهدى ي اسطا قصدى مامتك لا مامتك اى طنط حكمت لا طنط حكمت اى بص انا اللى اعصابى تعبانه و استاهل ضرب الجزمه كمان
جاسر بضحك : طيب ي ستى خلاص
نور ؛ لا لا عيدها تانى و النبى و النبى ي شيخ
جاسر : اعيد اى ي بنت الهبله انت
نور : اضحك تانى و النبى دا نادرا لو سمعتك بتتضحك اصلا
جاسر : مش بعرف اضحك بجد غير و انا معاكى
نور : ليه ي ابنى واخده توكيل سامسونج للضحك العالمى
جاسر : لا ماعلينا مش هتفهينى
نور : بالله كيف عرفت هو باين عليا الغباء للدرجه دى ي وكستااه
جاسر بضحك : ايوه طبعا باين ي روحى شويه و هيكتلوا عليكى غباء للبيع ههههه
نور : ظرافه بايخ.على فكره
جاسر : مطلبتش رأى سعتك
نور : طايييب و ذهبت و أحضرت خرطوم للمياه و ظلت ترشه به
جاسر : اه ي بنت المجنونه طاييب استنى عليا ي زفته الطين و احضر خرطوم للمياه هو الآخر و اخذ يرش عليها و ظلوا يضحكوا بشده إلى أن تعبوا و جلسوا على الورود
جاسر: تصدقى معاكى بحس انى واحد تانى بحس بطفولتى و كل حاجه على عكس اى حد تانى ربنا يخليكى ليا ي روحى و تفضلى نورى اللى منور حياتى و طريقى و دنتيتى
نور: ولا ي جاسر انت شغال مع رسائل ال others اخر النهار و لا اى
جاسر. بعدم فهم : رسائل اى و شغال مش فاهم
نور : قصدى ي ابنى رسائل الولاد دى اللى بتيجى على الفيس بوك و يفضل يقولك بحبك وحشتيني و الجو دا
جاسر و قد بدا يغضب فمجرد فكره ان احد ما يغازلها غيره و أو يبعث لها مجرد رساله تجله يشعل نار فقال بصوت غاضب : نعم ياماااا مين دا اللى بيبعتلك رسائل زى دى و يبعتلك رسائل بتاع اى اصلا
نور : أهدى بس ي عم مالك هبيت فيا زى البوتجاز كده ليه و بعدين مين دا اللى بتبعتله حاجه دانا لما كنت افتح و الاقى رساله اقول هييح اخيرا حد عبرنى و فاجأه يظهر حد من التلفون يقولك : إذا لم ترسلها ل ٢٥ شخص سيبصيبك اللعنه تسع سنوات
مش عارفه انا الواحد حيلته كام ٢٥ شخص عنده علشان يبعلهم
جاسر و قد هدا قليلا و لكنه مازال غضبان فقال: طيب ي نور بس لو لمحت انك بتكلمى اى بنى ادم غيرى مش هيحصل طيب فاهمه
نوم : فاهمه ياسطا و الله من غير ما تزعق حاولت نور تهداته لكنه كان غاضب فقالت : اقولك نكته
قال جاسر : لا
فقالت نور : اشطا هقولك بيقولك
جاسر : هو مين دا اللى بيقولى و هو يعرفنى منين اساسا
نور : ي عم استنى و اصبر على رزقك
جاسر : طيب اتفضلى
نور : بيقولك مره ريتشارد قلب الاسد كان فى حرب فعطس و قال شت راح الجنود قاله شت الحبايب ي حبيبه و باظت ام الحرب ههههه
جاسر : قومى ي روحى نامى
نور : طب استنى طيب هقولك واحده تانيه واحده بس و النبى و النبى ي جسوره
جاسر : طيب ي زفته سمعينا
نور : بيقولك مره مدرس عربى اتجوز فبيسال مراته تعرفى اى عن النحو و الصرف قالتله اخد مرتبك و اصرفه على النحو الذي يعجبنى هههه
جاسر : قومى ي نور بدل ما ارتكب جنايه ي روحى
نور : نينينيننيني رخم
جاسر : طيب قومى نغير هدومنا علشان هنتعب لو فضلنا كده
نور : ييه بقى ي جاسر عاوزه افضل هنا شويه
جاسر : يلا ي نور بلاش دلع و بعدها صعدوا لغرفتهم و قاموا بتبديل ثيابهم فقالت نور : اهو غيرت هدومى يلا ننزل بقى
جاسر : ننزل فين ي روحى الجو برد يلا ننام
نور : لا انت قولت هنغير و ننزل
جاسر : مش هينفع ي نور الحوار دا مفيهوش نقاش يلا تعالى علشان ننام عندنا حجات كتير بكره
نور : اوووف ظالم
جاسر : ايوه انا الظالم المفترى فى روايه أحدهم و لا اقولك فى رواتى انا كمان يلا بقى ننام و بدون نقاش
*********************
فى اليوم التالى
جاسر : اصحى ي نور عاوزك فى موضوع مهم
نور : جاسر انزل انت بقى عاوزه اتخمد
جاسر : لا مش هتنامى علشان هتنزلى معايا و من هنا و رايح مفيش قعاد ليكى فى البيت دا قومى ي نور جهزى شنطتك
لتصدم نور بشده و تقول : اجهز اى هو انا نايمه ولا اى
جاسر : لا مش نايمه و اتفضلى قومى بقى عماله تعطلينى
نور : اشطات يعنى مسافرين
جاسر : لا طبعا و انجزى بقى ي نور انا مش فاضيلك
نور : طب احنا هنروح فين ي جاسر
جاسر : عارف انك اتغصبتى عليا و مازلتى لحد حالا مش عاوزانى فأنا بقولك اهو جهزى الشنط و مش هتقعدى هنا تانى عارف انك مش بتحبى حاجه هنا يلا ي نور
نور و هى على وشك البكاء : ......
*******************
بقلمي سلمى احمد😍😍😍
************************
الجزء الثانى عشر
نور و هى على وشك البكاء : يعنى انت عاوز تطلقنى ي جاسر خلاص مبقتش بتحبنى و بقيت تقدر تستغنى عنى بسهوله
جاسر : انا مقدرش استنى عنك طول منا عايش انت حياتى كلها من غيرك انا ابقى مجرد جسم بس من غير روح انت اللى بتدينى الحياه و اكيد مش هيبقى عندى حياتين
نور بضحك : كرستال عملتلك سمنتين
جاسر : الله يحرقك ي شيخه بتبوظى اى لحظه رومانسيه بنا هو انا مش هعرف اتكلم معاكى جد ابدا كدا
نور : جد اى الجد دا النمره غلط ي عماد
جاسر: تصدقى ي بت خساره فيكى المفاجاه اللى انا عاملها علشانك
نور : اى دا بجد عامل مفاجاه علشانى
جاسر : ايوا ي قلبى قومى بقى حضرى الشنظ و اجهزى
نور : طب مانت قلت مش هنسافر
جاسر : قومى ي نور بقولك مفاجاه
نور : شكلك فى الاخر هتجبلى ورقه و تقولى مفاجاه ي فوزى و افتح الاقى فيها حظ اوفر فى المره القادمه
جاسر: انا غلطان أنى بعبرك اساسا ي جزمه
نور : لا و على اى ي عم انا هقوم
جاسر : شطوره ي روحى
نور: نينينيننيني فاكرنى طفله و طلعت تجرى
جاسر: هبله و الله بس بحبها
بعدما اتنهت نور من ارتداء ملابسها و اخذ حقائبهم ذهبوا اللى السياره
نور : جاسر قولى بقى فى اى تكونشى هترمينى فى دار مسنين
جاسر : بمنظرك دا و دار مسنين ي شيخه قولى ملجأ للاطفال و اخرج شريطه من اللون الاحمر و وضعها على عيونها
جاسر : مسمعش صوتك طول الطريق و الا هحطلك واحده زى دى على بوقك
نور : شيلها بقى و الله رخمه و انت رابطها جامد
جاسر : نور اسكتى
نور : اوف حاضر
*********************
بعد فتره من الزمن تقف السياره امام فله شديده الجمال بألوانها التى تبعث الحياه فى قلوب الكثير
جاسر : يلا انزلى ي حبيبتى
نور : طب شيل البتاع دى و النبى
جاسر : تعالى بس معايا كده و هشيلها حاضر و بعدما ذهب الى داخل الفله قام بازاله الشريط من على عيون نور لتشهق بصدمه و تقول : الله بجد روعه جداااااا و ألوانه تحفه اوى و تنظر أمامها تجد ورود كثيره حمراء اللون و هناك أسهم لتشردها لطريق ما تبعت الاسهم و عند كل سهم تجد رساله من جاسر اول رساله ؛ حبيت افرحك و لو باى حاجه ي فرحت حياتى و بهجتى
تانى رساله : كل سنه و انت معايا عارف ان انهارده يوم ميلادك و انا حاولت أن انهارده يبقى بدايه جديده لينا و ننسى اللى فات و نعيش مع بعض
تالت رساله : بحبك ي من ملكت قلبي انت الوحيده اللى قدرت احبها حتى من مجرد صوره
اخر رساله و السهم يشير إلى عرفه ما : مينفعش يوم ميلادك يعدى كده لازم اشوف الفرحه بعيونك مع إللى بتحبيهم دى لوحدها عندى بالدنيا و ما فيها
لتفرح نور كثيرا لدرجه بدأت عيونها بالدموع كانت تتمنى أن تجرى عليه و تقول انها تحبه و لكن لم تستطع فذهبت اللى الغرفه و فتحتها وجدت كثير من الورد يتساقط عليها و الغرفه مظلمه لتضئ الشموع فقط و فاجأه يفتح النور ليظهر اهلها جميعا فكانت حقا فى منتهى السعاده احتضنت اهلها بسعاده بالغه و جلست معهم و هى تنظر له بفرح و شكر و امتنان فقد جعل يومها هذا يوم لا يمحى من ذاكرتها
الام : نور ي روحى انت مبسوطه
نور : اوى اوى ي ماما بجد مبسوطه اوى
الام : جاسر هو اللى حضر لكل دا
نور : بجد فرحت اوى ربنا يخليه ليا
الام : يعنى بعد كده مش هتدعى علينا أننا جوزناكى غصب عنك
نور : ادعى على مين ي سوسو بس انت بتصدقى الجو دا و بعدين دى الحسنه الوحيده اللى عملتيها حلوه فى حياتك
الام بغضب مصطنع: بقى كده ي بنت الجزمه طاييب جاسر تعالى لم مراتك علشان خنقتنى
جاسر : لا ي ستى انتو ضحكتوا عليا انا هرجعهالك خلاص
الام : لا ي ابنى البضاعه المباعه لا ترد و لا تستبدل
جاسر : يعنى انا كده ادبست لتنظر له نور بغضب شديد
جاسر : احلى تدبيسه فى الدنيا
اسلام : ايوا كده جيب ورا
جاسر : عيب عليك ي عم
اسلام : ههههه ماشى ماشى هعديها
ليقوم جاسر و يقول : طيب ي سيدى يلا علشان متتاخرش
نور : تتاخروا على اى انتو هتفضلوا معايا
جاسر : حبيبتى كل اهلك و اصحابك هنا اهو هروح انا بقى الشغل علشان بقالى فتره ماهمل فيه
اسلام : على يدى و الله
جاسر : يلا سلام ي روحى
نور: لا دا عيد ميلادى و انت هتفضل هنا
جاسر : ي حبيبتى وجودى مش مهم اساسا انت مع اللى بتحبيهم اهو و كمان اطلعى فوق هتلاقى فى اوضتنا هدايا عيد ميلادك
نور : هدايا ؟!
جاسر : اه جبتلك ١٩ هديه على كل عيد ميلاد قضتيه و انا مش معاكى
نور : مليش دعوه مش عاوزه غيرك
جاسر ؛ و دا ليه بقى
نور : اووف مليش دعوه
جاسر: انت عايزاني ليه
نور بارتباك : ها مفيش خلاص اعمل اللى يريحك
جاسر : مكان من الاول يلا ي اسلام
*********************
فى السياره
اسلام : ليه كسرت بخاطرها مكنت خليك معاها فى يوم زى دا
جاسر : انا تعبت ي اسلام من الحوار دا انى عايش معاها و بحبها فى نفس الوقت هى مش بتحبنى حتى لو احيانا بحس أن فيه فى قلبها مشاعر ليا بس برجع اقول لا هى مش بتحبنى اساسا انا تعبت معاها
اسلام : انا متاكد انها بتحبك دى كانت ماسكه فيك كانك باباها
جاسر : عاوزها تعترف ي اسلام
اسلام : عندك حق
جاسر : بفكر ابعد شويه يعنى علشان تعرف تحدد مشاعيرها ناحيتى
اسلام : و هتقدر تبعد عنها ي جاسر
جاسر : انا زات نفسى مش عارف
اسلام : ربنا يصلح الاحوال ي صاحبى
جاسر: باذن الله
*****************
عند نور بعدما ذهب جاسر احست بانها فقدت جزء كبير منها احست بالضياع فى وسط عائلتها لتقول لنفسها : عادى عادى يمكن اكون بس اتعودت على وجوده جمبى و ظلت جالسه معاهم و لكن عقلها و قلبها فى مكان آخر و هو قد انهمك فى العمل حتى يشغل نفسه عن التفكير بها
******************
ياترى ايه الى هيحصل
توقعاتكم💖💖💖💖
يتبع💖💖💖💖
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق