الكل اتلم في البيت علي صوتها وجريو عليهم …زين شافهم جري بسرعة
-اي في اي مالها مروة اي اللي حصل
- مش عارفة مش عارفة كانت كويسة فجاه شربت الع…
وكأنها افتكرت قامت من مكانها بعصبية لمريم اللي واقفه بخوف
- العصير انتي حاطة فيه اي انطقي
حسن بصلها وقرب منها
- عصير اي يبنتي فهمينا احنا مش فاهمين حاجة
- يعمي مريم جات جيبالي كوباية عصير وقالت انها بتصالحني بس انا مشربتوش عندي حساسية مروة مكملتش بوق منه ووقعت علي الأرض
قرب منها زين بعصبية وفضلت مريم ترجع لورا بخوف
- والله ماأنا والله خالتي خالتي هي اللي ادتهولي وقالتلي اعمل كدا والله مااعرف أنا …
ساعتها جت صفاء من برا علي الصوت وقبل متتكلم وتتخانق شافت مروة علي الارض
وكوبايه العصير جمبها دخلت الاوضه
وقعدت جمبها وفضلت تضرب علي وشها
- يامري يامري …يالهوي شربتيه انتي لييييه ليييه مكنتيش انتي المجصودة يانور عيني ..لا مكنش السم دا ليكي يبنتي لا
الكل سمع اخر كلمة منها بصدمة وساعتها قامت من علي الأرض بعصبية وراحت ناحية غنوة مسكتها من رقبتها بغل
- انتي مبتموتيش لييييه .. وجعتك من علي السلالم وحطتلك السم بيدي ولساتك عايشة ليه ..جتلتي بنتي يافاجرة ياجادرة هجتلك
هجتلك بيدي
غنوة كانت مش قادرة تتنفس وحاسة إنها خلاص هتموت في إيديها تحت صدمة من
الكل جري علي وحسن عليها شدو صفاء بعنف
وخلصو غنوة من ايديها بالعافية …قعدت غنوة علي الارض تاخد نفسها بصعوبة وعلي وليلي حضنينها بخوف.
- سيبوني أجتلها كيف مجتلت بنتي سيبوني
فجاه ضربها حسن قلم قوي علي وشها وقعها علي الارض
- محدش جتل بنتك غيرك من عمايلك السودة .. والله متستاهلي تعيشي دجيجة واحدة في الدنيا
رجعت صفاء لورا بخوف في الوقت اللي اتكلمت فيه مروة بضعف وهي بين ايد زين والكل اتلفتلها
- بطني ياخوي بطني بتتجطع
جريت غنوة عليها بسرعه ومسكت ايديها تقيسلها النبض
- متخافيش يامروة احنا معاكي متخافيش
بصت لعمها بسرعة وهي بتسال
- الوقت من هنا للمستشفي قد اي
- نص ساعة ونكون هناك
ردت غنوة بعصبية
_ نبضها بدأ يضعف مش هتستحمل
زين بص لمروة بخوف والدموغ اتملت في عنيه
– متخافيش يجلب أخوكي مش هسيبك هتبجي زينه دلوج صدجيني
بصتله مروة بدموع وهي بتتكلم بضعف
** حميتلك مرتك ياخوي حميتهالك كيف مطلبت ..أنا مش زعلانة واصل أنا بس كان نفسي اشوفك عريس ..
قامت غنوة بسرعة وبدأت تدي كل واحد فيهم أوامر ينفذها وهي مش عارفة حتي
جابت القوة دي منين بس مش هتسمح لمروة
يحصلها حاجة بسببها مهما حصل
_ مروة مروة فوقي احنا معاكي ومش هيحصلك حاجة …زين خليك معاها متخليهاش
تغيب عن الوعي علي قد ماتقدر … نغم اطلعي
بسرعة هاتي عباية نحطها عليها ….عمي بسرعة جهز العربية قدام الباب ..بسرعة
قالت اخر كلمه بصوت عالي خلاهم كلهم ينفذو اللي طلبتو من غير تفكير وساعتها
جريت هي تدور علي شنطتها بتوتر وهي بتدعي
جواها تلاقي اللي بتدور عليه ..لحد مالاقت ازازة صغيرة في اخر شنطتها بصتلها بفرحة
_ الحمد لله الحمد لله لاقيتها
جريت بسرعة علي مروة وهي علي الارض قومتها بهدوء
_ اشربي يامروة يحبيبتي من دا متخافيش هتبقي كويسة
قرب عليها علي بتوتر وخوف
* غنوة مينفعش انتي مجربتيش ادويتك متعرفيش اثارها يبنتي متجازفيش استني لما …
ردت غنوة بسرعة ولهفه
_ متخافش يابابا دا مش دوا كيميائي ده دوا كنت عملاه من مواد طبيعية مش هيضرها متخافش أنا بس همنع انتشار السم في جسمها …
*****************************************
– أنا واثج في غنوة ياعمي أرجوك سيبها
ومسك زين الدوا من ايدها وساعدها وشربوه لمروة … وحسن جيه بسرعة بعد ماجاب
العربية … زين شالها وجري بيها وغنوة
شدت العباية من أختها وجريت علي برا معاه …..
صفاء كانت بتراقب كل حاجة وهي قاعدة بخوف ومش مستوعبة انها اذت بنتها وغنوة
اللي بتساعدها … في الوقت اللي كله خارج
من الأوضة عشان يحصلوهم علي المستشفي زحفت بسرعة ومسكت في رجل حسن
- بنتي بنتي ياحسن خدني معاك ياحسن بنتي
زقها حسن برجليه وبصلها بغضب خوفها وخلاها ترجع لورا بخوف… راحلها وشدها من شعرها بغضب
- متستاهليش تبجي أم ولا تستاهلي تبجي أي حاجة في الدنيا دي حسابك معايا بعدين أما أطمن علي بنتيي
خده علي يخرجه لبرا بعد ماخاف يعملها حاجة ….
بصلها حسن بصة أخيرة وهو خارج
- انتي طالج طالج فاهمة
أنهي جملته وهو بيتف عليها وخرج مع أخوه وجريو كلهم علي المستشفي ……
الكل كان في حالة توتر وقلق وقاعدين علي أعصابهم ومستنيين أي حد يطمنهم … لحد ماخرج الدكتور وكلهم جريو عليه وزين سأله بلهفة
- أختي كويسة جرااها حاجة ؟
- متجلجش ياأستاذ زين أختك كويسة جدا الحمد لله عملنا اللازم والحجيجة إن الإسعافات الأولية اللي اتعملتلها ساعدتنا كتير
اتنهد الكل بارتياح وحسن قعد علي أقرب كرسي وهو بيحمد ربنا ..غنوة مسحت دموعها وسالت الدكتور بفرحة
- ينفع أشوفها ؟
- أه طبعا شويه بس علي متتنجل أوضتها بس هي هتفضل معانا أسبوع تحت الملاحظة عشان نطمن عليها من أي مضاعفات … عن اذنكو
زين قرب من غنوة وحضنها فجأة وسط صدمتها
- شكرا شكرا اوي ياغنوة انتي انقذتيها لولاكي مش عارف كان هيحصل اي
طبطبت غنوة علي كتفه بحب
- متشكرنيش يازين مروة دي أختي لولاها كان زمانكو بتقرو عليا الفاتحة دلو…
مسمحلهاش تكمل كلامها وقاطعها بسرعة
- بعد الشر عليكي دا انا كنت اروح فيها
قرب علي منهم وبعد غنوة عن زين باابتسامة
- نحن هنا يازين بيه ولا اي
ابتسم زين بحرج وبعد عن غنوة وفضل محاوطها بايده
- احم لامؤاخذة يعمي يعني بس دي مرتي
خدها علي منه وحضنها بايديه
- ودي بنتي يحبيبي
ابتسمو لبعض بحب ودخلو بعد شوية لمروة يطمنو عليها
جري عليها حسن وباس راسها بحب
- حمد الله علي سلامتك يبنتي وجعتي جلبي
- الله يسلمك ياأبوي … سلامة جلبك
قربت منها غنوة والدموع اتملت في عنيها
- أنا أسفة يامروة أنا اللي كنت مقصودة حقك عليا انا والله مكنتش أعرف انه..
- ششش أنا كويسة متخافيش عاد كفاية انك لحجتيني وانكتبلي عمر جديد علي يدك … وحجك عليا انا أمي يعني…
قالتها ومقدرتش تكمل بصت للارض باحراج وبصت لزين اللي مكنش اقل منها احراج
من الوضع اللي حطتهم فيه امهم …. نغم
ساعتها حست بتوتر الجو وحاولت تغير الموضوع قربت علي مروة حضنتها بايديها
- بس بقولك اي يامروة يحبيبتي مش شايفة ان فيه ناس هنا فقر شوية وفرحهم عامل مشاكل
ابتسمتلها مروة وكملت بخبث
- اه والله يانغم عندج حج أنا بجول نلغي الفرح اللي هيجيب أجلنا دا
بصلهم زين وهو بيشد غنوة جمبه
- نعم يختي انتي وهي والله اخدها واعملها فرح من غيركو ..وانتي يامروة قومي كدا يحبيبتي بلاش غلبه دا شوية سم ميعملوش حاجة
الكل ضحك بصوت عالي وصوت ضحكهم ملا المكان وغنوة بصت لنغم بامتنان انها خرجتهم من احراجهم .
*********************************
رجعو كلهم البيت بعد ماوداد بلغتهم ان صفاء مش في حالة طبيعية وبتضحك
بهستيرية …وعرضوها علي دكتور اللي قال انها
اتعرضت لصدمة اثرت علي قواها العقلية واضطرو ينقلوها لمستشفي امراض نفسية وعقلية …. وفهمو من مريم حقيقة انها حطت
نقط زيت علي السلم باوامر من خالتها عشان توقع غنوة …. وزين حكم إن مريم متدخلش بيتهم تاني .. وعدي الأسبوع اللي مروة
قضتو في المستشفي وخرجت بعد ما اتحسنت والكل كان بيجهز للفرح اللي زين صمم إنه مش هيتأجل تاني …..
***********************************
- زين دي أمك مهما حصل وصدقني انا مسمحاها لاجل عيونك ..ارجوك حاول تسامحها عشان تقدر تعيش حياتك
ميل زين علي كتفها وهو بيتكلم بحزن
- صدقيني ياغنوة بحاول بس مش قادر اللي عملته امي مش سهل عليا ابدا كفاية
انها خلتنا مكسوفين منها بالشكل دا انا كل مرة
ازورها بتصعب عليا بس فيه حاجة جوايا بتقولي ان دا عقاب ربنا ليها بس هي في الاول والاخر امي وانا مش هسيبها ومسير الايام تنسي
طبطبت غنوة عليه بحب واتنهدت بارتياح
- مكنتش متخيلة اني هيتعملي حنه كبيرة اوي كدا
- فاكرة نفسك جليلة عاد
ابتسمت غنوة
- لا ياولد عمي دا انت اللي كتير عليا عاد
- كبرنا وبقينا نتكلم صعيدي من غير عقد اهو
_ الله مش مرت العمدة بجي ولازم اليج بيك
- انتي تليقي بيا في أي وقت وأي مكان .. وبعدين خلاص بقي مبقاش فيها عمدة
.. أنا كلمت جدي وهتنازل عن العمودية لمروان وبعد الفرح هنروح نعيش في
القاهرة
- زين صدقني أنا معنديش مشكله اننا نعيش هنا لو حابب فانا …
- صدقيني كدا هكون مبسوط اكتر انا اصلا شغلي هناك وجيت هنا بس عشان خاطر
جدي بس خلاص بقي انا اتفقت معاه علي كل
حاجة وبعدين احنا هنيجي هنا كتير مش هنسيب ناسنا يعني ولا اي ؟
ابتسمت غنوة بحب وميلت علي كتفه في هدوء
- تعرفي ليلي مراد ياغنوة ؟
بصتلى غنوه باستغراب
- اكيد يعني مالها
- عارفة قالت عنك اي
- عني انا ؟ يعني اي
ابتسم زين وهو بيغنيلها
- الحب ده غنوه كلها احلام
انغامها الحلوة احلى انغام ..
ابتسمت غنوة بحب من قلبها و اتكسفت وقامت من مكانها
- طيب يلا بقي علي أوضتك عشان انا عروسة وبكرا فرحي ولازم انام وارتاح
بصلها زين بغيظ وخبث وقرب منها
- طب ما انا عريس برده ..والعروسة للعريس ولا اي
اتوترت غنوة من بصاته وزقته بخفة لحد ماخرجته من الاوضه وقفلت بالمفتاح
بص زين للاوضة بغيظ
- ماشي هتروحي مني فين كلها بكرا ياجميل
سابها زين وراح لاوضته وابتسمت غنوة بحب واتنهدت بارتياح وقررت تنام عشان تستعد لاهم يوم في حياتها …..
تاني يوم البيت كله كان زغاريط وفرحة ملت البيت الكل كان بيستعد ويجهز نفسه
… وغنوة لبست فستانها اللي اختارته بكل حب
وجهزت وزين طلع عشان ياخدها بصلها بانبهار ومش مصدق قد اي كانت جميلة وان اخيرا فرحهم جيه …
بصوله نغم ومروة بحب وقررو ينسحبو بهدوء وسابوهم لوحدهم
- اي الحلاوة دي
- بجد شكلي حلو ؟
-شكلك قمر
_ وانت شكلك حلو اوي يازين بجد مكنتش اعرف ان البدلة هتحليك اوي كدا
قرب زين منها وباسها من راسها بحب
- مش احلي منك ياقلب زين
قدم ايده بورق كان في ايديه وبصتله غنوة باستغراب
-اي دا ؟
- دي هدية جوازنا
فتحت غنوة الورق وهي مش مصدقة وعينيها اتملت بالدموع
- زين انت … انت عملت كدا عشاني
- اه خلاص كل اسهمي في شركة الادوية اتكتبت باسمك يعني من انهاردة بقيتي
شريكة في اكبر شركة ادوية في مصر وتقدري تعملي كل اللي نفسك فيه وتبقي احسن
دكتورة في الدنيا
نطت غنوة وحضنت زين بحب وهي مش متخيلة ان كل الحاجات الحلوة دي بتحصلها هي …خرجت من حضنه وبصتله بكل الحب اللي جواها
- زين
- اممم
- بحبك
وصوت ام كلثوم كان في الخلفية بتقول
و قابلتك انت
لقيتك بتغير كل حياتي
ما أعرفش إزاي انا حبيتك
ما أعرفش إزاي ياحياتي
من همسة حب لقيتني بأحب
لقيتني بأحب و أدوب فى الحب
و صبح و ليل على بابه
تمت💖💖💖😉😉
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق