الجزء الخامس
نور بعدما ذهب جاسر قامت بتقليده و هو يقول : هتكونى فى بيتى ي حرم جاسر الجارحى ي شيخ اتنيل كده كتك الارف فى حلوتك و انت شبه توم كروز بس لما بتتحول بتبقى هولاكو اه منك ي ابن الجارحى انا كان مالى بس ي ربى منا كنت غلبانه و فى حالى لازم اقع فى ابو بوز خشب دا كته نيله
الام : فى اى ي بنت الهبله انت بتكلمى نفسك
نور : اسكتى انت بس ي حاجه انت مش فاهمه حاجه
الام : طب نامى علشان ترتاحى
نور : مش عاوزه حاجه ي اختى
الام : تمام اكلم جاسر بقى اقوله
نور : عااااااااااااا تكلمى مين ي حاجه بس دانا بهزر معاكى
الام : خلاص اتخمدى بقى
نور : كته نيله و هو شبه البعبع اللى بيخوفوا بيه العيال دا
الام : بتقولى حاجه ي حبيبتى
نور : بدعيلك ي ست الكل انت و الحاج الوالد انا راحه اتخمد دا اى دا بس ي ربى اللى وقعنى فى البيت دا
*****************************
فى عصر اليوم التانى استيقظت نور بكسل و هى تفرك عينها و سمعت صوت طرق على الباب
نور : ادخل
الداده : بتقولك الهانم انت جهزتى نفسك ي بنتى
نور : اى دا و اجهز نفسى ليه هنطفش من البلد و لا اى و بعدها استوعبت ما يحدث لتقوم تركض فى الاوضه و تقوله : اه يانا دا هينفوخنى ياماااااا هيعمل منى بطاطس محمره لا بطاطس اى دا شويه و هكون فى خبر كان ربنا يسامحك ي طنط حكمت لازم تجبيلنا البلوه دى يعنى ماكنت مرتاحه عاااااا
جاسر من خلفها : خلصتى ؟!
نور و هى تكاد تختفى : بص ي باشا انا كنت هجهز بدرى و الله و احضر شنطتى بقى و كل حاجه بس اعمل اى جت من عند ربنا كده قضاء و قدر اى هتعترض كمان خلينا بقى بكره ي باشا
جاسر : قومى ي جزمه من هنا الداده هتجهز كل حاجه على السريع هناخد المهم بس و ليكى هدوم هناك اصلا و انت البسى بس و تعالى
نور : نعم ياما لا مينفعش كده انا اللى احضر حاجتى ي اخويا اه انا بقول اهو
جاسر : أما و اخويا فى اى ي بت انت اى الألفاظ دى انت متاكده انك بنت عمى مش متلخبطين فيكى
نور : بلا واكسه ي شيخ روح اتنيل
جاسر : نعمم ي اختى
نور : جاسر عيب اى الألفاظ دى ي بيبى مش كده
جاسر : بت انت هتروحى معايا انهارده يعنى هتروحى أن شاء الله حتى اخدك بالبجامه و الله مش عندى اعتراض فانجزى احسنلك بقى
نور : اى دا ي عينى عليا ي مفيش مفر منك يلا
جاسر : قومى ي نور بدل ما اديكى قلم يظبطك
نور : حاضر ي عم بس متزوقش كده
جاسر : الصبر ي رب
نور : خده ي رب
و طلعت تجرى من قدامه خوفا على نفسها ليقتلها و لا حاجه دا مش مضمون برضو 😂😂
جاسر : ماشى ي نور الكلب و الله لعلمك الادب و اربيكى من اول و جديد
***********************************
حان وقت الذهاب ظلت نور تبكى بشده فحقا لم تكن ترغب بالمغادره
فى السياره
جاسر : خلاص ي بنتى فى اى كل دا عياط احنا مش مهاجرين
نور : اهئ اهئ ملكش دعوه بيا ي ابن الجزمه انت السبب اصلا
ليوقف جاسر السياره لتخاف نور بشده و قالت انت وقفت هنا ليه لتكون هتحدفنى من هنا و تخلص منى ي عم انا زى مراتك برضو
جاسر : انا كام مره قولتلك تلمى لسانك
نور : مش فاكره و الله ي ابنى العتب على الذاكره بقى معلش
جاسر : و المفروض اصرفها منين معلش دى
نور : قلبك ابيض بقى ياسطا
جاسر : اسطا بت انت كنتى بتزوغى من المدرسه و تسوقى توكتوك بليل
نور و قد يجذب انتباها شئ آخر من الخارج فتقول: جاسر جاسر شالله يخليلك عيالك ي عم هاتلى غزل بنات من دا بقى باليز باليز
جاسر : متجوز طفله
نور : ملكش دعوه هات بس و بعدين نتفاهم
جاسر : حاضر أما اشوف اخرتها معاكى ي اوزعه
نور : كل خير بس هات من دا بس
و ظلت طول الطريق تاكل بفرح طفولى و ضحك جديد عليه
*******************************
و بعد فتره قصيره وصلوا القصر الضخم
لتشهق نور فهو كان أكبر من قصرهم بمراحل و لكن تدخل و تكون الصدمه من حليفها فقالت و الصدمه باديه عليها اى دا ي ابنى اى كميه الاسود دى دا لو ورنيش جزم مش هيكون اللون كده يعنى حرام عليك و الله
جاسر : ماله يعنى مهو حلو اهو
نور : فين الحلو دا قول زفت طين هباب كده أوضح
جاسر : دا بيتى عاوزه اى حضرتك بقى
نور : اولا كده ي اخ جاسر عاوزه فيلا صغيره و انا اللى هعملها و مش عاوزه اقعد فى القصر المرعب دا تانى
جاسر : تمام هبعتلك كل حاجه و انت اعمليها على زوقك ها عاوزه حاجه تانيه
نور : اندومى
جاسر : نعم ي اختى
نور : فى اى ي حاج انا كنت حاسه و الله هتطلع بخيل و تجوعنى طب هات اتنين جنيه و نص بس و انا هروح اجيب
جاسر و قد بدا صبره ينفذ : مفيش زفت اطلعى غيرى هدومك و انا هقول للدادا تحضر العشا
نور ببكاء مصطنع: عمال يزعق فيا ياما اهئ اهئ ماشى ي ابن حكمت
جاسر : تعالى هنا ي بت بتقولى اى
نور و بدأت تجرى : و لا حاجه ي باشا دانا بقول الطيب احسن برضو سلامات ي عسل انت
**************************
الجزء السادس
فى المساء فى قصر جاسر الجارحى كانت نور قد غيرت ملابسها إلى أخرى مريحه فكانت ترتدى منامه طفوليه و عليها رسومات كرتون و تلم شعرها فى كعكتين فكانت حقا تشبه الاطفال و ذهبت لكى تتناول عشائها مع جاسر
على طاوله الطعام
جاسر : طب و ربنا انا قولت من الاول ضحكوا عيال و جوزونى عيله بس محدش صدقنى
نور : عيله اى ي بابا دانا عندى ١٩ سنه حضرتك
جاسر : برضو طفله اتفضلى كلى بقى
نور : حاضر هاكل بس لمواخذه فى سؤال لامواخذه اى لمواخذه فى سؤال
جاسر : ها انجزى عاوزه اى
نور : هو فين الاكل
جاسر : سلامت عينك ي حبيبتى مهو قدامك اهو
نور : اى دا هو انت بتسمى اكل العيانين دا اكل انا عايزه بيتزا و شورما و مكرونه بالبشاميل
جاسر : فى اى ي بنتى انت طالعه مطلع
نور : ملكش فيه و بعدين كمان عاوزه ايس كريم و فشار
جاسر : كلى ي زفته اللى قدامك و بعدين ابقى اشوف الحوار دا اى و بعد ما تخلصى اشربى كبايه اللبن دى
نور : عااااااااااااا لبن اى ي جدع انا هشرب القهوه بتاعتك خلاص
جاسر : نور انا مش بهزر انت اكلك كله اصلا مش صحى اتفضلى كلى و هتشربى غصب عنك
نور : دا عند امك
جاسر : طيب حيث كده بقى ليكى كبايه الصبح و بليل و دا عقاب لحد ما تعرفى ازاى تلمى لسانك دا
نور بصوت هادى : ربنا ياخدك ي شيخ و انت شبه الهكسوس كده
جاسر و قد سمع ما قالت : نور اتفزتى كلى و انت ساكته بدل ما ايدى تعلم عليكى و انت مش أدى اصلا ي اوزعه
نور بنوع من السخريه : خاف ي عيد = يامى يامى يامى المفروض بعد كده اخاف يعنى ها انت بوق على الفاضى اصلا
جاسر و قد بدا الغضب يظهر عليه و اخذ يقترب منها
نور و قد بدأت تخاف من ملامحه و ظلت تركض خلاص ي جدع و الله ما اقصد هو انت الواحد مش هيعرف يهزر معاك كده ابدا دا هزار ي جدع و الله و ظلت تركض لحتى ذهبت إلى الغرفه و أغلقت الباب بالمفتاح
جاسر من خلف الباب : افتحى ي زفته انت حالا
نور و هى تغنى : لا و الف لا لكل أعداء الحياه مش فاتحه ي عم و خليك بره كدهو الواحد برضو يعرف يذلك شويه و بعينك بقى مش فاتحه و أدى قاعده
جاسر و كان معه نسخه اخرى من المفاتيح فيفتح الباب و يدخل لتشهق نور بصدمه : عااااااااااااا انت دخلت ازاى أهدى ي وحش كده دانا طيوبه و الله مش قصدى ي جدع ا حياه عيالك ي شيخ انا لسه صغيره
جاسر : بقى انت ي جزمه تقفلى الباب و قال اى هتذيلنى و مش راضيه تفتحى
نور : مين الحماره اللى قالت كده قطع لسان اللى يقول كده عليك ي سيد الرجاله ي عسل انت بس صلى على النبى كده و متحوطش فى نفسيتك لحسن يطقلك عرق و لا حاجه و انا خايفه عليك و الله ي ابو العيال
جاسر : ابو العيال 😏 ماشى ي جزمه قديمه انا جبتلك اللبن اهو اشربيه علشان نتخمد 😠
نور : طب بص هقولك ي كابتن انا عندى فكره عظيمه و الله
جاسر : اى ي زفته
نور : انت اشرب اللبن و اتخمد قصدى نام و استغطى كويس و انا هنزل العب فى الجنينه اللى تحت و النبى شويه
جاسر : تعرفى متفكريش تانى خالص و اتفضلى اتزفتى خلينا نخلص
نور : اووف بقى مش بحبه و الله
جاسر : محدش طلب منه تحبيه
نور و هى تطلع لسانها له : برضو مش هشربه ي ابن طنط حكمت هيه
جاسر : طيب ي نور الكلب انت اللى جبتيه لنفسك و بدأ فى تشريبها رغما عنها
نور : عااااااااااااا خلاص ي جدع الله يقرفك 😖
جاسر : طيب ي زفته يلا اتخمدى و عدى يومك على خير
نور : طيب ي اسطا يلا اطلع بره بقى
جاسر : اطلع بره فين ي بنت الهبله دى اوضتى حضرتك
نور : ها و لما هى اوضتك يلا جايبنى هنا ليه و هدومى هنا
جاسر : دى اوضتنا ي روحى و هتنامى معايا و انجزى بقى علشان صدعتينى
نور بهمس : الله يحرقك ي شيخ ربنا على الظالم
جاسر : اتخمدى ي نور
نور : حاضر حاضر اتخمدت اهو
*****************************
فى صباح اليوم التالى
جاسر : نور اصحى ي حبيبتى يلا
نور : يووه بقى ي ماما عاوزه انام ي وليه سبينى شويه صغننبن بقى
جاسر : يووه و ماما و وليه هى البت دى فقدت الذاكره على الصبح و لا اى قومى ي زفته الطيب
لم يتلقى منها جواب فهى ذهبت فى سابع نومه
جاسر : ماشى ي نور الكلب و بدأ يسكب عليها ماء بثلج
لتصرخ نور بغضب : عااااااااااااا بغرق بغرق لتبدأ فى فتح عيونها و تراه يقف أمامها
نور : ي لهوى اى دا كابوس يما انت طالعلى حتى فى كوابيسى ي جدع
جاسر : لا دا مش كابوس ي اختى دى الحقيقه اصحى بقى و خودى شاور علشان نفطر
نور : احلف انك حقيقى مش كابوس هو انا فين عااااااااااااا انت خطفتنى يلا
جاسر : بت انت فقدتى الذاكره و لا اى ي نيله انت فوقى كده معايا
نور : اااه ااه صح لامواخذه ي كابتشين
جاسر : لامواخذتك معاكى ي اختى و يلا بقى علشان عندى شغل مش فاضى انا للعب العيال دا
نور : اى دا ي جدع انت ناوى تسيبنى فى بيت الرعب دا لوحدى
جاسر : دا لو فى عفريت هيخاف منك ي روحى
نور :لا ي عم وديني عند امى اهئ اهئ
جاسر : امك اى ي نيله انت مفيش خروج غير معايا مفهوم
نور : هتشتغل مأمور سجن عليا الطلاج منا قاعده هنا و هاجى معاك هيه بس كده
جاسر : تيجى معايا فين ي عين امك كده
نور : اجى معاك الشغل ي جسوره ي عسل انت و اوعدك مش هعمل صوت
جاسر : صبرنى ي رب قومى ي زفته هاخدك معايا و ربنا يستر
*************************
توقعاتكم💖💖💖
بقلمي سلمى احمد
يتبع💖💖💖
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة
ليست هناك تعليقات:
إرسال تعليق