الجزء التاسع
فى قصر جاسر الجارحى
جاسر : حبيبتى انا خارج عاوزه حاجه
نور : اه طبعا خودنى معاك
جاسر : اكيد لا طبعا
نور : اى دا عاوزنى اسيبك لوحدك مع ست سردين دى
جاسر : ليه بقى ي اختى هى هتاكلنى
نور : مليش فيه هاجى معاك هيه بس كده
جاسر : مفيش مجى معايا و هتفضلى قاعده هنا اقعدى فى الجنينه اتفرجى على التليفزيون اى حاجه بس المهم متخروجيش
نور : بقى كده ي جاسر
جاسر : ايوا كده سلام بقى علشان مش فاضى
نور بعد أن أتت لها فكره : ماشى ي جسوره سلام
جاسر : مع انى مش مرتاحلك بس تمام ماشى
و بعدها ذهب جاسر إلى شركته و قامت نور سريعا و ارتدت ملابسها و قالت : ماشى ي جاسر ي ابن ام جاسر أما وريتك
و خرجت نور مع اصدقائها و استمتعت كثيرا ثم ذهبت إلى منزل والديها
نور : مامى حبيبتى وحشتنى
الام : و انت كمان ي روح ماما جاسر مجاش معاكى ليه
نور : ها اصل يعنى جاسر فى الشركه و كده انت عارفه مش هينفع يسيبها كتير
الام : ااه بس كان على الأقل وصلك ي حبيبتى
نور : اى ي حاجه هو مين بنتك بالظبط انا و لا هو
الام : مش قصدى ي حبيبتى بس كان وصلك احسن علشان متجيش لوحدك انا خايفه عليكى
نور : عادى بقى ي سوسو ( الام ) مش حوار يعنى
الام : ماشى ي لمضه صحيح ولاد خالتك جايين انهارده خليكى شويه دانتو بقالكوا كتير متقابلتوش
نور : اه الجزم دول اللى محضروش فرحى لما يجوا بس و الله وحشونى
الام : اهم كلهم جايين انهارده خليكى معاهم براحتك
*******************************
بعد فتره من الزمن
يدخل امراه فى الخمسين من عمرها و معاها بنتين و ولد
نور : وحشتونى ي كلاب كل دا مسافرين و سايبنى ي جزم طبعا الكلام دا مش ليكى ي خالتو
فتحيه ( خاله نور ) : انت لسه زى مانت ي بت ي نور بالسانك اللى موديكى فى داهيه دا
نور : مشوفتيش اللى حصل ي اوختشى و الله اهئ اهئ تعالى احكيلك اختك المفتريه دى عملت فيا اى هى و جوزها
الام : جوزها 😒 دا ابوكى ي بنت الهبله
نور : متركزيش بقى ي سوسو هو مش هنا
فتحيه : عملت فيكى اى بس قوليلى
نور : جوزتنى ي اختى يرضيكى كده حد يرمى بنته ضناه كده دى و لا اكنها لاقيانى على باب جامع
فتحيه : اه اه عرفت انك اجوزتى جاسر مبروك ي حبيبتى
نور : حتى انت ي خالتو دا بدل ما تقولى لأختك انها غلطانه و تقعدونى معاكوا و الله لاسيبك و اروح اسلم على عيالك هيه بس كده
نور : وحشتونى و الله كل دا غياب
ريم و ريما ( توام ) : و انت كمان و الله ي نورى وحشتينا اوى و كنا عاوزين نحضر فرحك بس لقينا كل حاجه جت بسرعه و ملحقناش نيجى و احنا اهو نزلنا بسرعه علشان نبارك ليكى و كنا هنجيلك فى بيتك صحيح ي بت انت اى جابك هنا
نور : متفكرنيش ي اختشى و الله كروتونى و ملحقتش فاجأه كدهو فرحك الخميس اللى جاى و انا كل اللى بأن عليا رياكشن صدمتونى و بالنسبه لجيت هنا ليه ثوانى و تذكرت شئ ما فقالت :ي لهوى هى الساعه كام
الام : الساعه تمانيه ي حبيبتى جاسر هيجى ياخدك من هنا صح
نور : ي لهوتى ي خراااابى كنتى طيبه و الله ي نور و غلبانه و اديكى خلاص هتروحى بلاش ي عينى عليكى ي نور دانت هتتنفخى
الام : اى ي نور فى اى ي حبيبتى
نور : ها و لا حاجه ي سوسو انا بس عاوزه انام انهارده مع ريم و ريما و توحه ( فتحيه خالتها) علشان واحشنى جامد و لو جاسر عرف مش هيرضى
نور فى سرها : ي لهوى زمانه روح البيت و ملاقنيش طب اروح حالا و لا اعمل اى و لو روحت و لقيته هناك هينفوخنى بس لو فضلت هنا برضو هيجى ينفوخنى عااااااااااااا
و فاجأه اخذت حقيبتها يلا ي جماعه سلام ي سوسو سلام ي توحه و طلعت تجرى و حدث ما لم يكن بالحسبان فاصتدمت بشخص أمامها
نور : ااه ي دماغى اى الحيطه اللى انا لبست فيها دى
احمد ( ابن فتحيه) : بت ي نور و الله وحشتنى بقالى كتير مشوفتكيش آخر مره شوفتك كنتى لسه زقرده صغننه
نور : زقرده اى بس ي عم روح
احمد : و الله لو كنت شوفتك قبل جاسر كنت طلبت ايدك انا
نور : بطل هزار يلا
احمد : و الله مش بهزر
نور : بس ياض و الله و ليك واحشه ي ابو حميد
فأتاه صوت غاضب من على الباب : وحش لما يبقى يلهفك ي روحى
نور : هههههههه ولا ي احمد انت صوتك اتحول لجاسر كده ليه لا ارجع و النبى تانى علشان احبك😂
جاسر : حبك برص ي عين امك
نور و قد دب الرعب فى قلبها : هى دى مش تهيوقات و لا اى هو هنا بجد و لا اى و نظرت للجميع ليمؤا لها بنعم لتجرى نور بسرعه للداخل و تقول : ي بااباا الحقونى و جريت و استخبت خلف امها
نور : بص ياسطا هفهمك دانا كنت بهزر و الله
جاسر : تمام حسابنا فى البيت
ليدب الرعب فى قلب نور و تكتشف ان هذا هدوء ما قبل العاصفه
نور ببراءه : هو انا مقولتلكش
جاسر : لا ي اختى مقولتليش
نور : مش انا هبات مع ريم و ريما انهارده
جاسر : دا فى شرع مين دا ي حيلتها
نور : جسوره حبيبى و الله من ايام الجيزه ي راجل
جاسر : برضو مفيش نوم هنا و هتروحى معايا
نور : لا ي عم روح انت انا مش متحركه من هنا
جاسر و قد بدا فى الاقتراب : تمام اوى و ابقى افتكرى كلامك دا بعدين و هنشوف كلام مين اللى هيمشى
نور : اى دا انت بتقرب ليه و تمسك فى والدتها بشده
جاسر و قد أصبح امامها : ماشى ي نور الكلب
و حملها جاسر و ذهب اللى سيارته وسط صراخ نور
و ركب سيارته و قال : ......
****************
بقلمي سلمى احمد
********************
الجزء العاشر
جاسر بغضب : نور مسمعش صوتك غير لما نروح
نور : بس انا عايزه افضل هنا معاهم
جاسر و قد وصل لأقصى مراحل الغصب : نور انت فكره ان اللى عملتيه دا هيعدى على خير اقسم بالله ي نور لاخليكى تشوفى وشى التانى علشان انا شكلى كده دلعتك زياده بعد كده هخليكى تفكرى الف مره قبل تعصى اوامرى ي حرم جاسر الجارحى
نور و قد بدا الخوف الشديد عليها : طب أهدى طيب اسفه و الله مش هعمل كده تانى
جاسر : انا قولتك اخرسى ي نور و لما نروح هنتفاهم
لترتجف نور و تقول : حاضر
و بعدها ذهبوا للقصر
جاسر : اتفضلى ي هانم قوليلى السبب المقنع اللى خلاكى تخرجى من ورايا و تعصى اوامرى لا و كمان ارجع الاقيكى بتتكلمى مع راجل حتى لو قريبك و واقفه تهزرى و لا اكنك متجوزه ي هانم
لتنظر نور للارض بخوف فهى لا تمتلك جواب له
جاسر : ممكن اعرف بقى انت ساكته ليه مكان من شويه ابو حميد و وحشتنى و مش عارف اى و لا حالا بقى القط اكل لسانك ي حلوه
نور : لا بقى كده كتير ي اخينا انت لا و كمان بتشك فيا على فكره انا مش مضطره ابررلك حاجه فاهم و لو مش عاجبك احنا لسه فيها طلقنى
جاسر و قد ألقى عليها صفعه قويه فسقطت أرضا : انا هعلمك ازاى تسمعى كلامى ي نور غلطانه و كمان بتتكلمى انا هربيكى من اول و جديد و القى عليها صفعه أخرى انا هعلمك الادب ي نور و من انهارده هوريكى جاسر تانى خالص علشان شكل الزوق مش نافع معاكى ي بنت الجارحى و اخذها جاسر وسط بكاؤها الشديد و صعد بها إلى غرفتها و قال : هتتعاقبى ي نور علشان تانى مره تفكرى الف مره قبل ما تعملى حاجه من ورايا من انهارده مفيش خروج و مفيش زيارات و مفيش تليفون كمان لحد ما تتربى ي نور و تركها و ذهب و اغلق الغرفه بالمفتاح
**********************
فى مكان آخر
اسلام ( صديق جاسر ) : اى ي ابنى مالك جاى مش طايق حد ليه اى اللى حصل ي صاحبى
جاسر : غيبه و هتفضل غبيه بحاول على قد ما اقدر متعصبش عليها بس هى لا ازاى لازم تعصبنى و تخرجنى عن شعورى
اسلام : أهدى بس ي صاحبى كل حاجه هتتحل باذن الله بس مش بالعصبيه عاقبها شويه بس راضيها و اهتم بيها متنساش برضو أن جوازكوا جه فاجأه كده و هى لسه ماخدتش عليك
جاسر : بلا فاجأه بلا مش فاجأه انا مبقتش عارف اتصرف معاها كل ما اتقدم خطوه بترجعنى هى عشرين انا بحبها و عاوزاها بس عاوزها هى كمان بتحبنى مش مجبوره علياا و دا الشئ اللى هى مش عاوزه تفهمه
اسلام : بص تعالى هنا كده هجبلك احلى عصير ليمون هدى اعصابك و روق كده مفيش حاجه مستهله و الله و انت عملت اللى انت عاوزه و ضربتها و زعقتلها مع ان انت لو اتكلمت معاها بهدوء كل حاجه هتتحل بس اعمل فيك اى عصبيتك سابقه حنيتك دائما يلا فهمها غلطها براحه و هى ساعتها هتعمل اللى انت عاوزه مش تحسسها أنها مجبره تعمل كده
جاسر : حاضر ي سيدى خلاص
*********************************
فى قصر جاسر الجارحى
نور ببكاء شديد : اى دا بس ي ربى انا اى وقعنى كده ربنا يسامحك ي حاجه انت و الحاج مالى كنت قاعدى فى بيتى بكرامتى مع البيتزا بتاعتى لازم اتجوز يعنى و اشوف هولاكو دا
و بعدما اتى جاسر
جاسر : نور خلاص بطلى عياط و تعالى علشان تاكلى
نور ببكاء : لا و الله يقتل القتيل و يمشى فى جنازته
و بعدين ملكش دعوه بيا
جاسر : مين العسل اللى عاملك اللوحه اللى على وشك دى
نور : اووف بارد
جاسر : خلاص ي ستى متزعليش على اللوحه دى ي بت دانت احلوتى و الله و بقيتى قمر و غمز لها
نور : فاكرنى هبله و هصدقك بقولك اى ملكش دعوه بيا
جاسر : نور انا ماسك نفسى عنك بالعافيه و عمال اقول انى غلطان انى دايقتك و كل حاجه بس تفضلى على شغل العيال بتاعك دا لا و الله انا منستش اللى عملتيه و لو اتكرر تانى ي نور اقسم بالله هكسر عضمك
نور : انت بتصالحنى و لا بتهزقنى ي جدع انت
جاسر : بت ي نور انت الفاظك دى بتجبيها منين
نور : من عند بتاع الميلامين ي خفه
جاسر : بقى كده طب قومى ي جزمه من هنا كنت جايبلك بيتزا و شيكولاته و ببس بس طلعتى متستهليش
نور : احلف لا استنى ي جاسر و النبى طب نتفاهم
جاسر : لا قومى ي جزمه و مش هديكى حاجه اصلا
نور : قلبك ابيض بقى خلاص
جاسر : انت بتصالحينى علشان البيتزا ي جزمه
نور : لا ي ابنى بكلمك علشان البيتزا طبعا اه اه قصدى عشانك طبعا ي جسوره
جاسر : ههههه ماديه حقيره
نور : مش مهم هات بقى علشان فى حد هنا كان منكد عليا و معرفتش اكل منه
جاسر : طيب خودى ي اختى
نور : هات ي عم و بهمس اهو اللى يجى منه احسن منه 😕
جاسر و قد اخذها من هدومها : بتقولى اى ي بنت الهبله انت
نور : و لا حاجه ي عم دانا بدعيلك ربنا يكرمك
جاسر : طيب طيب كلى علشان عايزك
نور و بدأت تخاف : اى نعم فى اى
جاسر : خرجتى روحتى فين ي نور
نور : .....
******************************
ياترى راحت فين
توقعاتكم💖💖💖
يتبع💖💖💖💖
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق