مليكه اول ما بتنهى الاغنية بتفتح عنيهاا والكل حوليهاا مبسوط وبيسقف باعجااب شديد وبتبص فى اتجاة الفهد بتشوفو واقف و حاطط سلاحه
فى دماغ بنت قدمه على الارض
مليكه المايك بيقع من اديهاا وعيونهاا علية وفجاة بتصرخ من الرصااصة الى بتفجر دمااغ البنت والكل الى فى المكان بيهرب مع صوت الرصاصة و جاسر بياخد رشا و لبني
وبيروحو على مليكه الى وقفة زي التمثال على المسرح وعيونهاا فى عيونو وجاسر بيسحب مليكه من اديهاا وبيخدهم وبيخرجهم من الباب الخلفى بسرعة
**********************************
بعد يومين فى سكن البنات
جني بتخرج من اوضة مليكه وبتمسح عيونها بتعب
رشا بتدخل من الباب / اية الاخبار مليكه عملة اية
جني / احسن اخيرا الحرارة نزلت
رشا / فضلت وري الدكتور الى بيشرف علينا لحد ما اختلها يومين اجازة كمان
لبني وقفة بعيد بحزن
جني / انا هدخل انام ساعة خليكى انتى بقي معاهاا
رشا / تعبناكى معايا يا جني معلش
لبني / انا السبب
جني / لبني كفاية بلاش نتكلم فى الموضوع دة تانى
رشا / هروح اطمن عليها
جني / لا سبيها دلوقتى هى اخيرا نامت
وفجاة بيشوفو مليكه خرجة من الاوضة بتعتهاا وفى استعداد الخروح من الشقة وبيجرو عليهاا بسرعة
جني / انتى ريحة فين
رشا / مليكه استنى انتى تعبانة مينفعش تخرجى
مليكه / انا ريحة بلغ البوليس
رشا / بوليس اية انتى اتجننتى واحنا ملنا احنا مشفناش حاجة
مليكه / لا انا شفت اناا شفتو وعيونى جت فى عنية
جني / وعلشان كدة لازم تسكتى علشان هو كمان شافك لازم تسكتى
مليكه / لا ضميرى مش هيسمحلى ابدا البنت الى ماتت دى حقها لازم يرجعلها والى قتلها لازم يتحاسب
مليكه بتبعدهم عنها وبتخرج و رشا بتروح وره بسرعة
**********************************
مليكه بتروح على البوليس بتدلى بكل اقولهاا وبتديهم مواصفات فهد كاملة بكل التفاصيل وبيتم رسم فهد عن طريق رسام للشرطة والظابط بيبص للصورة وبيرفع عيونو لمليكه
الظابط / انتى متاكدة.
مليكه / اة متاكدة
الظابط. /خلاص انتى هتروحى دلوقتى ولو فى اى حاجة هنبلغك
مليكه بتاخد رشا وبيخرجو و مليكه بتروح تقاعد فى ساحة كبيرة
رشا /مليكه انتى شكلك تعبان خلينا نروح ترتاحى
مليكه بتهز رسهاا بلاا
مليكه / خلينى هناا شوية انا كويسة حاسة انى مخنوقة عوزة اشم هوى شوية
رشا بتبص حوليهاا بتشوف كافية صغير
رشا / هروح اجبلك حاجة سخنة تدفيكى الجو برد عليكى
رشا بتمشى و مليكه بترفع عيونها وبتشوفو واقف بعيد وبيبصلهاا بغضب و مليكه بتتفزع وبتبص حوليهاا على رشا وبترجع تبص علية وبيكون اختفى و مليكه ضربات قلبهاا بتزيد من الخوف
رشا / مليكه خدى اشربى
مليكه بتبصلهاا اوى
رشا / مليكه مالك انتى كويسة
مليكه / ر ر رشا ه ه هو هو هنا اا انا اا انا شفته
رشا بتبص حوليهاا
رشا /شفتى مين
مليكه / المجرم الى قتل البنت هو هناا
رشا / هنا فين بس
مليكه بتمسك رسهاا بتعب
رشا / يلاا خليناا نمشى من هناا يمكن من التعب دى خيالات
مليكه بتبص على نفس المكان الى كان واقف فية وبيكون اختفى نهائى و رشا بتاخد مليكه وبيروحو
**********************************
بعد يومين
حالة مليكه بتستقر وبتبدا تنزل تتابع محاضرتهاا فى الجامعة زى الاول بنشاط وبتروح تقاعد فى مكتبة
الجامعة و رشا بتروح عليهاا
رشا / اااة تعبت مش قدرة شوفى المرجع دة ممكن يفيدك جدا
مليكه / اة انا سمعت عنو بس الفيروس دة نادر جدا ان حد يتصاب بية
رشا / فعلاا بس فيروس مدمر وصعب جدا اقدر اجمع المعلومات علية شوفى لو حبة انتى
مليكه / اوكى خلية معاياا
رشا / طب مش كفاية كدة انا تعبت خليناا نروح نرتاح
مليكه / انا عندى مشوار ومش هتاخر
رشا / نعم مشوار اية دة
مليكه / هروح اشوف القضية وصلت لاية
رشا / انتى اكيد مجنونة واحنا ملناا مليكه انتى عملتى الى عليكى وزيادة وبلغتى يبقي خلاص
مليكه / ازاى يعنى مليش دعوة
رشا / مليكه احناا مش فى بلدناا هم هناا مختلفين عننا خالص هنا الاجرام بيمشى فى دمهم
مليكه / رشا روحى انتى وانا مش هتاخر سلام
رشا / ماشى يا مليكه
و مليكه بتمشى
**********************************
فى مجموعة شركات الفهد
فهد بيخرج من الاجتماع و وره ريان و كنان وبيروح على مكتبه
ريان / هنتحرك كمان عشر دقايق
فهد / زود الرجالة تانى
كنان / انت لية متاكد ان مايكل هيظهر هنااك
فهد / علشان دماغه عندى اناا عارف كل تفصيلة هو بيفكر فيها هو دلوقتى مدبوح ملوش اى حااجة خالص يعنى بيلف حولين نفسه عاوز يعمل اى حاجة قبل ما يموت
ريان / غبى مع انو عارف انو هيموت
كنان / دى حلاوة روح يا اخ
ريان بيبصلو برفع حاجب وموبيل ريان بيرن و ريان بيرد على الموبيل
ريان / كل شئ جاهز حتى مايكل فى اتجاهه للمكان زى ما انت اتوقعت بالظبط
فهد / يلاا بينا علشان نحتفل بية مع بعض
وبيخرج الفهد و وره كنان و ريان وبيروحو فى اتجاة العربيات وبيركب ريان و كنان وري عربية الفهد والفهد فى عربية لوحدو هو بيقدر يحمى نفسه كويس مش محتاج
الى يحمية وبينطلقو فى الطريق بعد نص ساعة فى الطريق
كنان بيتصل بفهد
كنان / مايكل ورنا
فهد بيضحك
فهد / مستعجل على الموت اوى يعنى معنديش مانع ابدا
خلوناا نلعب معاة الاول علشان نستمتع مش عاوز حد من الرجالة بتوعه يهرب الكل لازم يكون تحت التراب النهاردة
كنان / دة من دواعى سرورى يا باشاا
كنان بيقفل التلفون وبيبص لريان
كنان / الكل تحت التراب يا ريان دى اوامر
ريان بيطلع سلاحو وبيجهزو
ريان / كان يوم اسود لما قبلتك انت وهو كانت معرفة سودة
زى وشكو
كنان بيضحك اوى و ريان بيسحب شنطة من وره وبيفتحهاا وبيطلع منهاا قنبلة يدوية
كنان / حلوتك لما تتدلع دلعهم ياكبيير
ريان / كتك دهية فى شكلك نفسى احطلك وحدة علشان اخلص منك
كنان / وتقهر الحريم بتوعى يا مفترى
ريان / اخرس بقي خليناا ننجز
ريان بيطلع من شباك العربية بنص جسمه وبيحدف على اول عربية قنبلة يدوية و العربية بتنفجر بقوة بكل الى فيهاا
ريان / شفت برمية وحدة طيرتلك خمسة
وبيسمعو الرصاص بينزل على دمغهم زى الرز
كنان / اتفرج بقي وحياتك عندى لاخد روح نصهم
كنان بيفتح باب العربية وبينزل بجسمه والعربية بتمشى بقوة
وبيضرب نار على العربية وبيطير عربيتين على جمب الطريق
الفهد بيلف بالعربية بتعته والكل بيقف وبتبدا حرب قوية بين الاتجاهين وبيقع ضحايا كتير من الطرفين و فهد بيلمح مايكل بين رجالتو و فهد بطلقة قناص بيضرب مايكل من بين الرجالة بتوعو بس الرصاصة بتيجى فى كتفو و فهد بيبتسم اوى
فهد / اكيد مش هتموت بالسهوولة دى
وبتفضل الحرب بين الطرفيين مدة طويلة لحد ما بيفضل مايكل لوحدو ومن غير سلاح و الفهد بيقرب بخطوات غاضبة من مايكل الى سايح فى دمو على الارض
مايكل / مرحبا الفهد كيف حالك
فهد / بخير
ريان و كنان بيقربو منهم وبيبصو لمايكل
مايكل / اذهبو الى الجحيم
كنان / روح انت واحنا هنحصلك بعدين سلاام
فهد بيضربو رصااصة فى نص دماغو لدرجة ان دماغو بتنفجر لنصين و فهد بيبص حولية على الرجالة الى مقتولين
فهد / ريان نضف المكان
ريان / حاضر
ريان بيتحرك
فهد / كنان انقل الرجالة الى متصابين على المستشفى والى حالتو خطيرة ومفيش امل ريحو خالص من الالام مفهوم
كنان / اعتبرو حصل يا باشاا
كنان بيتحرك بعيد و بيشوف الرجالة بتوعو وحالتهم و فهد بيتحرك بالعربية بتعته وبيروح قدم الشقة بتاعت البنات
وبيقف قدم العمارة وبيشوف مليكه خرجة من العمارة ومعاها
رشا و جني و لبني وبيودعو لبني
مليكه / هتوحشينى
لبني / وانتى كمان يا ام قلب ابيض
مليكه بتضحك وبتمسح دموعهاا
جني / والله كنت مفكرة انى هكون مبسوطة لما تروحى وهيكون فى هدوء فى الشقة وهقدر ازاكر كويس بس مش عرفة الظاهر كدة انا حبيتك
لبني والكل بيضحك اوى و لبني بتحضن جنبي
لبني. / هتوحشينى يا جني اوى خلى بالك من العيال الهبلة دى
رشا / هبلة فى عينك
وبيشوفو جاسر جاى عليهم ومعاة بوكية ورد احمر
لبني / جاسر كنت خايفة مشفكش قبل ما امشى
جاسر/ هوصلك للمطاار
وجاسر بيقدملهاا الورد وفجاة بينزل على ركبو قدمها وبيقدملها خاتم والكل بيصرخ من الفرحة
لبني / جاسر
جاسر / تقبلى تكملى حياتك معاياا
لبني / اا اناا
جاسر / تتجوزينى
لبني بتحضن جاسر اوى و مليكه فرحاانة اوى وبتنط على الارض كانها هى الى هترتبط مع لبني وجاسر بيلبس لبني الخاتم
جاسر / قدمي شهر واحد وهكون عند الحاج هنداوى واطلب ايدك
لبني / هستناك
وجاسر بيبسهاا من جبنهاا والبنات بيبركلهم اوى ومبسوطين
و جاسر بيخدهاا وبيركبو التاكسى وبيوصلهاا للمطار والبنات وقفين قدم العمارة بيبصو على التاكسى وهو ماشى بفرحة
فهد بيطلع سلاحو وبيوجهو فى اتجاة مليكه لحد ما مليكه بتدخل العمارة و فهد بيسحب سلاحو تانى وبيتحرك بالعربية وبيمشى
**********************************
بعد اسبوع فى مصر
نسمة /يابابا يعنى فيهاا اية لو كتبنا الكتاب دلوقتى ولما مليكه ترجع نعمل الفرح
جمال / انا قلت ليوسف ان مفيش اى حاجة هتحصل غير
لما مليكه ترجع
نسمة بتعيط وبتروح اوضتها و موبيل جمال بيرن وبتكون مليكه
مليكه / باباا حبيبى وحشتنى اوى
جمال / وانتى اكتر يا قلب ابوكى عملة اية يا مليكه بتكلى كويس
مليكه / يا حبيبى انا كويسة جدا متقلقش علياا انت و نسمة عملين اية
جمال / احناا بخير يا روحى مدام انتى بخير
مليكه / بابا حبيبى لو لياا خاطر عندك متزعلش نسمة
و يوسف
جمال / يا مليكه
مليكه /الدكتور منعين الاجازات طول للسنة دى ويعنى حرام يستنو سنة علشان خاطرى يوسف كلمنى ومدايق جدا
جمال / ماشى يا مليكه
مليكه / بحبك يا بابا
جمال / واناا كمان يا نور عيونو
جمال بيقفل التلفون وبيدخل لاوضة نسمة وبيشفهاا بتعيط
جمال / قولى ليوسف ان كتب الكتاب والفرح كمان اسبوعين
نسمة بتصرخ من الفرحة وبتجرى على جمال وبتحضنو اوى
جمال / مستعجلة اوى علشان تسيبى ابوكى
نسمة / انا هجيلك كل يوم
جمال / اة هتيجى من اكتوبر للدقى كل يوم
نسمة / علشان خاطرك انت هاجى وغصب عن يوسف ما يعنى انا مش هقدر ابعد عنك ابدا
جمال بيحضنهاا اوى
جمال / ربنا يسعدكو يا حببتى
نسمة مبسوطة اوى وبتحضن والدهاا اوى
**********************************
فى امريكاا
مليكه رجعة من الجامعة باليل لوحدهاا والموبيل بتعهاا بيرن
مليكه / ايوة يا رشا خلاص لا انا تحت العمارة وطلعة
وفجاة مليكه بتحس بايد قوية بتكتم انفسهاا بمدة مخدرة
وبتقاوم بكل قوتهاا برجليهاا واديهاا لحد ما قوتهاا بتضعف
وبيشلها شخص على كتفو وبيركبهاا العربية وبينطلق بعيد
**********************************
فى قصر الفهد
فهد بيدفع انجى عن جسمه العارى
فهد / يلاا روحى
انجى / خلينى جمبك لو احتجت حاجة تانى
فهد بيبصلهاا بغضب وانجى بتلم هدومه بسرعة وبتلبسهم
وبتخرج من الاوضة و ريان بيشوف انجى خرجة من اوضة فهد
انجى / هو مالو متعصب لية كدة دة كان هيموتنى
ريان / خليكى فى حالك
انجى / هو مفيش حد يقدر يتكلم معاك كلمتين اووف
ريان / وياريت متتكلميش خالص دة فى مصلحتك
انجى / انا سمعت ان مايكل مات دة حقيقى
ريان / لو حبة تتاكدى اناا ممكن انادى للفهد وتسالية بنفسك
انجى بتبص ريان بغضب وبتمشى و كنان بيقرب من ريان
كنان /متيجى معاياا
ريان / رايح فين
كنان / عندى مطش ملاكمة
ريان/ ماشى انا مخنوق وحابب اغير جو
كنان و ريان بيخرجو مع بعض وبيروحو على مكان مهجوور
وبيدخلو ساحة كبيرة حوليهاا ناس كتير جداا حولين الساحة
وفى اتنين بيضربو بعض بقوة فى نص الساحة والناس بتصرخ بفرحة وفى شخص واقف بيجمع فلوس
كنان / مش هتراهن علياا يا روورو
ريان / بطل تقولى يا رورو دى انت فاهم
كنان بيضحك وبيقلع الجاكيد الجلد الى هو لبسه وبيدية لريان وبينزل الساحة والكل بيصرخ لما بيشوفو كنان نزل الساحة و ريان بيضحك بسخرية
والناس بتبدا تراهن على كنان والشخص الى قدمه وبتبدا المصارعة الى بيقولو عليها ملاكمة وفى خلال دقيقتين بيكون المنافس لكنان على الارض والدم بينزل من مناخيرو
و كنان بيبص لريان
و ريان بيضحك بسخرية علية والناس بتصرخ من الفرحة
وبيدا شخص تانى بينزل لكنان وفجاة بيضرب كنان بالبوكس بقوة و كنان بيهز راسو يمين وشمال بيستوعب الضربة
و ريان بيضحك بقوة وبيشجع المنافس الى قدم كنان
كنان / ماشى يا ريان
ريان / اوووووو برااافو
وبيبدا كنان يهجم على المنافس بقوة وخلال خمس دقايق من الضرب المبرح بيقع المنافس قدم كنان و كنان بيمسك رقبة المنافس وبيحركهاا ودى حركة موت وبيقع المنافس على الارض
ريان / الله يخرب بيتك
كنان بيضحك اوى وبيروح على ريان
ريان / كان لازم تموتو يعنى
كنان / مزاجى كدة
ريان / الله يحرقك يا شيخ
كنان / طب يلاا امشى عزمك على العشاء
ريان و كنان بيروحو فى اتجاة العربية وبيشوفو ظرف ابيض على عربية كنان
ريان / اية دة
كنان / دة اكيد وحدة معجبة
كنان بيفتح الظرف وبيكون فى صورة
ريان / مين دى
كنان / مش عارف
وبيقلب الصورة بيكون مكتوب عليهاا بالقلم الاحمر بلون الدم للفهد
كنان / دى رسالة للفهد خليناا نروح
كنان و ريان بيركبو العربية وبيتحركو
**********************************
فهد فى الصالة ومعاة الاب توب بتاعه وبيباشر اعماله من خلاله وبيدخل حرس من الباب
الحرس / فهد بية البنت مش موجودة نهائى
فهد بيرفع عيونو للحارس والحارس بيحس بالخوف والرعب
فهد / يعنى اية مش موجودة
الحارس / اا اايابية هى هى اختفت حتى اصحبهاا قدمو بلاغ فى الشرطة بسبب اختفاهاا
اولفت بتروح على فهد ومعاها فنجان قهوة ولسة هتقرب بتشوف الحارس بيقع قدمها وسايح فى دمه واولفت القهوة بتقع من اديهاا على الارض برعب وبترفع اديها بخوف باستسلام
فهد / انتو يا بهاااايم
وبيدخل القصر مجموعة كبيرة من الحراس و فهد بيبصلهم بغضب وبيدخل كنان و ريان القصر وبيبصو على الحارس المقتول على الارض وبيبصو لغضب الفهد الى مبيبشرش بالخيير و كنان بيقرب منه
كنان / فى رسالة ليك وصلت
فهد بياخد من كنان الصورة وبيشوف مليكه نايمة على الارض ومربوطة اديهاا ورجليهاا وباين عليهاا الخوف
فهد / قبل الصبح ما يطلع تكونو عرفتو مكنهاا
كنان و ريان بيهزو رسهم بنعم .......
************************************
بقلم…وردة
ايه رايكم الاحداث يارب تكون عجبتكم وهستنى رايكم وتفاعلكم عليها
توقعاتكم 😉يتبع💖💖
لقراءة البارت 4 كامل من رواية مليكة و الشيطان كاملة
الرواية كاملة متوفرة على موقعنا بشكل حصري اضغط هنا
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق