عدى ٦ سنين
مليكه بتنزل من العربية ومتعصبة جدا و نسمة و ريان واقفين
نسمة بلهفة / مليكه طمنينى كريم كويس
وبينزل من العربية والد ٧ سنين بشعر اسود طويل واصل لحد كتفو
مليكه / يعنى هيكون حصلو اية كل يوم والتانى مشكلة فى المدرسة بسبب الباشا انا خلاص زهقت
مليكه متعصبة اوى وبتدخل البيت و ريان بيبص لكريم بغضب
ريان / ينفع كدة يعنى لازم كل يوم مصيبة طب خليها
كل اسبوع مرة
كريم / هحاول
نسمة بتدخل وري مليكه وبتروح على مليكه بنت صغيرة بعيون عسلى وشعر بنى فاتح قصير عندها خمس سنين وبتشبة مليكه
البنت / مامى
مليكه بتحضنها اوى وبتبسها من خدهاا
مليكه / حبيبت ماما
وكريم بيدخل وبيروح على اختو وبيبسها من خدهاا وبيروح يقاعد قدم البلاستيشن بكل هدوء و مليكه بتبصلو بزهول
مليكه / انت بتعمل اية
كريم / بلعب
مليكه / انت عاوز تشلنى يعنى
كريم / متقوليش كدة على نفسك يا ماما بعد الشر عنك انتى بس الى معصبة نفسك شوية
مليكه بتبص لنسمة و ريان و ريان بيقرب من مليكه وبيطبطب على كتفهاا
ريان / ممكن تهدى وتقوليلى عمل اية بس
وفجاة كريم بينط بين مليكه و ريان وبيبعد ريان عن مليكه وبيضرب ايدو بقوة
ريان / ااة يا ابن ال
كريم / متلمسش امى تانى احسنلك
مليكه بتحاول تكتم الضحكة و كريم بيطبطب هو على كتف مليكه
كريم / اسف ماما
مليكه / يا حبيبى اكتر من مرة افهمك ان مش كل مشكلة تتعامل معاها بدراعك ابدا فكر بعقلك والمشكلة هتتحل
كريم / يعنى عوزة واحد زى دة يقولى ان اختى حلوة واسكتلو
مليكه / ياحبيبى دة بيكون مدح فى اختك مش اكتر
كريم / لا اى حد يقرب منك انتى او ياسمين انا هقتلو وخلاص
ياسمين بتخاف وبتلف درعها حولين رقبة مليكه وبتخبى عيونها فى حضنها و مليكه بتبص لعيون كريم نفس عيون فهد وهو غضبان ودة بيرعب مليكه جدا
ريان / كريم يلا روح على اوضتك
وكريم بيطلع على اوضته
ريان / طالع لابوة
مليكه بتبص لريان
ريان / خلاص اهدى انا هتكلم معاة شوية
مليكه / يا ريان الوالد بقي عنيف جدا انا روحت للوالد الى ضربو المستشفى وشفت حالتو بعينى صعب علياا جدا دة كسرلو دراعو دة غير الخدوش الى فى جسمو
نسمة / طب ممكن تهدى شوية بلاش العصبية دى
مليكه بتمسك رسها بتعب و ياسمين بنتها بتقرب من مليكه وبتبسها من خدها
ياسمين / مامى زعلانة
مليكه / لا ياروحى مامى كويسة
ياسمين / انا هخاصم كريم علشان زعلك ومش هبوسو
مليكه بتضمها اوى لحضنها
نسمة / ياسمين يلاا روحى العبى فى اوضتك
ياسمين / حاضر
ياسمين بتطلع على اوضتك
نسمة / مليكه فى اية مالك حاسة ان فى حاجة تانى شغلاكى
مليكه / خايفة يا نسمة
نسمة / خايفة من اية بس
مليكه / خايفة على كريم اوى كل حاجة بتشبهو كل حاجة حتى تصرفاتو وغضبو حتى غيرتو علياا انا واختو وعيونو يا نسمة نفس نظرة عيون
مليكه مبتقدرش تقول اسمو وبتغمض عيونها بتعب
نسمة / حببتى هو مجرد طفل بكرة يكبر وكل حاجة تتغير
مليكه بتهز رسها بياس
نسمة / يلاا روحى غيري هدومك علشان نتغدا مع بعض كلناا
مليكه / هتغدا وهروح على المستشفى وممكن اتاخر النهاردة
مليكه بتطلع على اوضتها وبيدخل طفلين تؤم من الباب
سيف / مامااا انا جيييت انا جعااااااان
فريد / ياسمين ياسمين انا جيت
نسمة / بس انت وهو اية دخلين بفرح
سيف / اة فرح وهعزمك فية يا موزة
نسمة بتبصلو بفزع
نسمة / اية الى انت بتقولو دة انت عندك كام سنة
سيف / بطلت اعد
وبتنزل ياسمين على السلم بسرعة ومبسوطة اوى
ياسمين / فريد فريد
ياسمين كانت هتقع على السلم و فريد بيلحقهاا بسرعة
نسمة / حبيبتي مش قولتلك اكتر من مرة متجريش على السلم كدة
ياسمين / اسفة خالتو
نسمة بتبسها من خدهاا وبتملس على شعرها بحنية
فريد / ياسمين تعالى معاياا نلعب مع بعض
ياسمين / حاضر
نسمة وقفة بتتفرج عليهم ومبتسمة اوى وفجاة بتتفزع
سيف / جعاااااان
نسمة / لا انت مش ابنى ابدا ابدا انت ابن ابوك
ريان بينزل على السلم / مالو ابوة بس عملك اية ما انا فى حالى اهو
سيف / ازيك يا كبير
ريان / تمام يابرنس
نسمة / ريان ابوس ايدك ارحمنى بقي من الالفاظ بتعتكو دى
ريان / مش انتى الى طول النهار تقولى عوزة اخلى ولادى يتكلمو مصرى وخلتينى اجبلهم افلام مصرى اهو دى النتيجة
نسمة / ما حضرتك رحت جبتلهم كل افلام اللمبى
ريان / اصلو بيضحكنى
نسمة / انت وابنك هتجيبو اجلى قريب
سيف / اخرة الحوار دة اية يا موزة هناكل ولا اية بالظبط
نسمة / انت قولتلى عندك كام سنة
سيف / قولتلك مبعدش يا عسل
وسيف بيهرب على اوضته بسرعة و نسمة بتبصلو بفزع من طريقة كلامو
ريان / اادا احم احم انا هروح الفندق هتغدا هناك سلام
نسمة / ريان ريان
ريان بيهرب منهاا بسرعة وبيخرج
**********************************
في الصباح
فى اوضة مليكه
مليكه العرق نازل من جبنها وهى نايمة ودموعها نزلة و بترجع بالذاكرة ليوم خيانة فهد ليهاا ولما دخلت شفتو مع فيفيان وبتفتكر عصبية فهد عنفو معاها و مليكه جسمها بيترعش ودموعها بتنزل بقوة
و الباب بيخبط و مليكه بتتفزع من النوم وبتحاول تنظم انفسهاا و بتمسح دموعهاا
مليكه بصوت مرتعش / اا اا اد خل
ياسمين بتدخل الاوضة و مليكه بتبتسم اوى وبتفتحلهاا درعها الاتنين و ياسمين بتجرى عليها وبتحضنها
مليكه / حبيبت ماما لية زعلانة
ياسمين / مامى عوزة اروح المدرسة مع فريد وسيف وعوزة اجيب شنطة عليها باربي وكمان قلم كبير زى بتاع فريد
مليكه بتمسح على شعرها بحنية
مليكه / حببتى مش انا بعلمك هنا فى البيت
ياسمين /لا عوزة اروح المدرسة
مليكه / حببتى انتى لسة صغيرة
ياسمين / لا يا مامى انا كبيرة حتى شوفى انا كبيرة
ياسمين بتقف على السرير وبترفع اديها الاتنين لفوق و مليكه بتضحك
مليكه / طب اية رايك نروح ناكل ايس كريم انا وانتى لوحدناا
ياسمين بتهز اكتفها بلاا بحزن
مليكه/ يعنى انتى مش عوزة تخرجى مع ماما
ياسمين بتبص للارض ومبتردش على مليكه و مليكه بتمثل انها زعلانة و ياسمين بتقرب من مليكه وبتبسها من خدها
ياسمين / مامى خلاص متزعليش هروح معاكى ناكل ايس كريم
مليكه بتضم ياسمين لحضنها اوى
**********************************
فى قصر الفهد
كنان بيخبط على باب اوضة المكتب وبيدخل وبيكون فهد
قاعد على المكتب و قدمه اوراق كتير
كنان / فهد
فهد بيرفع عيونو لكنان
كنان / اخدنا الصفقة والبضاعة هتكون جاهزة بعد يومين
وهسافر استلمهاا بنفسى
فهد بيشاور لكنان انو يمشى و كنان بيخرج
**********************************
كنان بيبص وره بيشوف لارا وقفة وحطة ادبها فى خصرها
كنان / اا احم
كنان / والله برافو عليك قدرت تعرف طريق القصر بعد المدة دى كلها
كنان / لارا مش كل مرة هسمع الكلمتين دول
لارا / يارتنى كنت اخت ولادى وهربت منك زى ما مليكه عملت وقتها كنت عرفت قيمتى
كنان بيبصلها بغضب
كنان / احمدى ربنا ان فهد مسمعش الكلمتين دول كان فجر راسك
لارا بتبلع ريقها بخوف
كنان / حطى عقلك فى رسك بقي
كنان بيمشى وبيسبهاا ولارا بتبص على المكتب بتاع فهد بخوف وبتجرى بسرعة و بتدخل الاوضة و كنان بيغير هدومه
لارا / هو مخرجش من المكتب بقالو يومين
كنان مبيردش عليها
لارا / كنان الولاد حتى بيخافو يخرجو من اوضهم نظرة عيونو بترعب خلينا نروح اى مكان حتى ناخد شقة صغيرة
كنان بيتجاهل كلمهاا وبيروح على السرير وبيتغطاا وبينام
و لارا بتبص لكنان بحزن وبتروح تنام جمبو و كنان بيسحبهاا فى حضنو
لارا / انا بخاف طول ما انت مش معايا
كنان / انا جمبك على طول متخفيش
ولارا بتنام على صدرو و كنان بيضمها لحضنو اوى
**********************************
فى اوضة مكتب الفهد
فهد بيفكر فى مليكه وبيبان على وشو الغضب وبيضغط على قبضة ايدو بقوة
فهد / هوصلك يا مليكه ووقتهاا مفيش حد هياخد روحك غيرى اناا
فهد بيضرب بايدو المكتب بغضب وبيفتح دورج المكتب وبيطلع صورة مليكه لما خرجو من القصر وراحو جنينة وكانت مليكه حامل وكانت مبسوطة اوى وبتضحك و فهد بيملس بايدو على الصورة وبيغمض عيونو و بيفتكر كل اللحظات الى مرت عليهم
وبيفتكر لما رجع القصر و مليكه كانت هربت بيرجع للذاكرة ليوم الهروب
🖤 فهد بيرجع القصر ومعاة كنان وبيطلع على اوضته وبيتفاجا انها مش موجوودة فى الجناح وبيصرخ على الخدم والكل بيجرى على الجناح بسرعة وبخوف
فهد / هى فين
الكل بيسكت ومبيتكلمش واولفت بتقرب خطوة لقدم وبتقول لفهد ان مليكه و ريان و نسمة دخلو المطبخ وخرجو كل الخدم وبعدها اختفو و فهد بيضغط على ايدو بغضب
فهد / مليكه
وبيدخل كنان الاوضة وبيشاور للخدم يخرجو
كنان / هربت
فهد / هقتلهاا بايدى
فهد بيخرج بسرعة من الاوضة وبيطلع سلاحو و كنان بيتصل بريان
كنان / عرف انكو هربتو من القصر وبيدور عليها علشان يقتلها
ريان / تمام
كنان بيلغى المكالمة وبيخرج ولسة هيتحرك بيشوف اسيل قدمه و كنان بيرتبك اوى من نظرة عيونها
اسيل / خليك معاه متسبهوش لحظة فاهم
كنان / تمام
كنان بيتحرك و اسيل بتبص على كنان وهو ماشى 🖤
و فهد بيرجع لذاكرتو تانى و بيرفع ايدو وبيمسح دموعو الى نزلت من عيونو
**********************************
بعد يومين
فى المالديف جوة مستشفى
مليكه بتمر على المرضى وبترجع على اوضتها بتعب وبتكون فى الاوضة صديقة مليكه اتعرفت عليهاا من سنتين ماريا
هى من اصل لبنانى
مليكه / حضرتك هنا مرتاحة وانا طالع عيني من الصبح
ماريا / انتى الى تعبة نفسك ارتاحى شوية طول النهار بين المرضي وغير العمليات
مليكه / دة شغلى وواجب علياا
ماريا بتقلب فى التلفزيون الصغير الى فى الاوضة
ماريا / واااو
مليكه مش منتبها لية و قاعدة بتقرا ملف مريض عندها
ماريا / يا سلام لو تجيلى الفرصة واقابلو
مليكه / بتقولى حاجة
ماريا / شوفى مين الى وصل هناا الجزيرة
مليكه وعيونها على الملف / اكيد عارض ازياء ولا ممثل عالمى انا مش فاهمة انتى دكتورة ازاى بس
ماريا / هو علشان دكتورة لازم اعمل زيك كدة
وماريا بترجع عيونها للتلفزيون وبتشوف طيارة خاصة بتنزل
ماريا / ادفع نص عمرى واركب الطيارة دى انتى عرفة انو اغنا اغنياء العالم اااة
مليكه بتضحك عليهاا وبتبص للتلفزيون و بتتصدم وبتصرخ
ماريا بتتفزع/ مليكه فى اية انتى بخير
مليكه عيونها على التلفزيون وبتشوف فهد نازل من الطيارة و وره كنان وحولية حراس كتير و مليكه جسمها بيترعش
ماريا / مليكه اهدى شوية
مليكه بتبعد مارياا عنها وبتخرج من الاوضة بسرعة وبتجرى وبتخبط فى الناس وهى ماشية وبتروح على العربية بتعتها وبتركبها وبتمشى بسرعة
**********************************
مليكه بتروح على البيت وبيكون كريم بينزل من عربية ريان
هو فريد وسيف و مليكه بتجرى على كريم وبتحضنو اوى
كريم / ماامى
ريان / مليكه انتى كويسة
مليكه / لاا ريان هو هناا هو هو هنااا فى الجزيرة
ريان / مليكه اهدى لو سمحتى
ريان بيبص لكريم و فريد وسيف
ريان / ادخلو انتو على جوة يلاا
مليكه مسكة كريم مش عوزة تسيبو وخايفة اوى
ريان / مليكه سيبى الوالد يدخل
مليكه بتسيب كريم
ريان / كريم يلاا روح على جوة
كريم بيبص لمليكه
ريان / حبيبى ادخل يلاا متقلقش ماما بخير
وكريم بيدخل على البيت و ريان بيبعد مليكه عن البيت شوية
ريان / فهمينى فى اية
مليكه / ريان هو هناا فى الجزيرة
ريان بيطلع الموبيل بتاعو وبيعمل مكالمة
ريان / كنان انت فين
كنان / .......
ريان / وازاى متقوليش انت انجننت
كنان / ..........
ريان بيقفل التلفون و مليكه بتبصلو بخوف
ريان / اليومين دول مفيش حد هيخرج من البيت متقلقيش ابدا مفيش حاجة هتحصل
ريان بياخد مليكه وبيدخلو على البيت
نسمة/ حمدالله على السلامة كويس انك جيتى مليكه عوزة اروح اجيب حاجات للبيت
ياسمين بتجرى على مليكه وبتحضنها
ياسمين / مامى انا شربت اللبن خالتو قالتلى ان انا هكبر بسرعة واروح المدرسة مع فريد وسيف
مليكه مبتردش على ياسمين
ريان / مفيش حد هيخرج من هنا اليومين دول
نسمة/ فى اية
ريان / مليكه روحى ارتاحى ومتفكريش مفيش حاجة هتحصل
نسمة بتبص لريان بخوف و مليكه بتاخد ياسمين فى حضنها بتطلع على اوضتها
ريان /نسمة فهد هنا فى الجزيرة
نسمة بتشهق بخووف
ريان / هشش اهدى مفيش حاجة عادى يومين وهيمشو تانى
نسمة / الجزيرة صغيرة وممكن اا
ريان / نسمة بلاش الاولاد يحسو بحاجة خليكى عادية خالص ومفيش مدرسة ولا خروج للشاطئ ولا حتى الفندق ماشى
نسمة بتهز رسهاا بنعم
**********************************
فى الليل
مليكه بتتامل كريم و ياسمين وهم نايمين بخوف وبتروح تقف فى الشباك وبتبص للبحر وبتتخيل فهد واقف قدمها وبيطلع سلاحو وبيقتلها ومليكه بتتفزع وبتقفل الشباك بسرعة وبتروح تحضن ياسمين وكريم وبتنام جمبهم
**********************************
فى الصباح
الكل متجمع على الفطار
كريم / يعنى اية مش هنخرج من هناا
مليكه / كريم اسمع الكلام
كريم بيتعصب وبيسيب الاكل وبيخرج من البيت
مليكه / كريييم رايح فين قولت ممنوع تخرج من البيت مفهووم
كريم / اوكى
وكريم متعصب وبيطلع على اوضته
نسمة / فريد سيف يلا اطلعو خليكو مع كريم
فريد وسيف بيطلعو وره كريم و ياسمين بتبص لريان و نسمة وبترجع بتبص لمليكه
لينا / مامى انا خايفة
مليكه / حببتى لا متخفيش ابدا طول ما انا معاكى مااشى
ياسمين بتهز رسها بنعم
نسمة / ياسمين حببتى يلاا خلصى الطبق بتاعك كلو
ريان / مليكه اهدى شوية
مليكه / مش قادرة يا ريان مش قادرة
والباب بيخبط و مليكه بتتفزع و ريان بيروح يفتح الباب
ريان / اهلا رامى اتفضل تعاالة
رامى / صباح الخير
نسمة / اهلا يا رامى تعالى يلا افطر معانا
رامى / لا انا فطرت من بدرى بس قلقت لما وصلنى رسالة من ريان بتقول انو مش هيجى الفندق
ريان / لا مفيش يعنى عادى قلت افضل يومين مع نسمة والاولاد مديقين يا سيدى علشان بغيب عنهم
رامى بيبص لمليكه وبيلحظ توترهاا و بيقرب من مليكه
رامى / مليكه انتى كويسة
مليكه / هاا اة بخير شكرا يا رامى بعد ازنكو هطلع الله اغير هدومها لياسمين ملابسهاا
مليكه بتشيل ياسمين فى حضنها وبتطلع ورامى عيونو على مليكه
نسمة / تشرب اية
رامى / لا ولا حاجة انا همشى علشان فى وفد اجنبى هيوصل
الفندق كمان عشر دقايق لازم اكون فى استقبلهم
ريان بيودع رامى
( رامى بيكون شريك ريان فى فندق كبير وهو من اصل مصرى )
ريان اتعرف علية وعملو المشروع مع بعض رامى بيحب مليكه و مليكه ملاحظة دة وعلشان كدة بتبعد عنو علشان متجرحهوش
**********************************
فى اوضة مليكه
مليكه بتغير لياسمين هدومها بفستان وردى جميل
ياسمين / ممكن اروح العب مع فريد
مليكه / ممكن طبعا يا حببتى يلاا روحى
ياسمين بتخرج من الاوضة بسعادة وبتجرى على اوضة فريد وسيف وبتشوف كريم بيتسحب وبينزل من على السلم
و ياسمين بتروح علية بسرعة
ياسمين / كريم
كريم / هشششش
ياسمين / انت رايح فين
كريم / هشش وطى صوتك متقوليش لحد انك شفتينى ماشى
ياسمين / مامى هتزعل
كريم / ما انتى لو مقلتلهاش مش هتعرف انا مش هتاخر يلا روحى
وكريم بيبوس ياسمين من خدهاا و ياسمين بتبص على كريم وهو خارج من البيت و مليكه بتخرج من اوضتها وبتشوف ياسمين وقفة على السلم وبتبص على باب البيت
مليكه بتروح عليها بسرعة
مليكه / ياسمين حببتى لية وقفة كدة
ياسمين سكتة ومش بتتكلم وباين عليها زعلانة
مليكه / سيف دايقك تانى اخد منك عروستك
مليكه بتحس بالخوف ان ياسمين بتبصلها ومش بترد عليها
مليكه / ياسمين فى اية
ياسمين / مامى كريم
مليكه / كريم
مليكه بتجرى على اوضة كريم بسرعة ومش موجود و بترجع على ياسمين بسرعة
مليكه / حببتى متخفيش قوليلى كريم فين
ياسمين بتعيط وبتهز اكتفها بمعنى مش عرفة
مليكه / روحى على اوضتك
مليكه بتجرى وبتروح تاخد مفتايح العربية بتعتها وبتخرج بسرعة وبتتفاجا ياسمين بتجرى عليهاا بخوف وبتعيط
مليكه / حببتى روحى انا هجيب كريم وهاجى تانى
ياسمين / لا يا مامى
ياسمين بتتعلق فى رقبة مليكه و مليكه بتطر انها تاخدهاا معاهاا وبتتحرك بالعربية وبتروح على النادى
مليكه /ياسمين خليكى هناا
ياسمين بتهز رسها بنعم و مليكه بتقفل العربية عليها وبتدخل
النادى وبتروح على قاعة الملاكمة الى كريم بيحبها
ومش موجود و بتحط اديها على دمغها بتعب ومش قدرة تفكر وبتتصل بريان
ريان / الو مليكه انتى فين
مليكه / ريان كريم
ريان / كريم رجع البيت انتى فين وفين ياسمين انتى ازاى تخرجى بالطريقة دى ولوحدك انتى و ياسمين
مليكه بترتاح لما بتعرف ان كريم فى البيت
مليكه / متقلقش انا هاجى فى الطريق مش هتاخر
مليكه بتروح على العربية وبتركب وبتبتسم لياسمين اوى
مليكه / كريم فى البيت ياروحى
ياسمين بتسقف باديها الصغيرة ومبسوطة اوى و مليكه بتضحك على عفوية ياسمين وكمية البرائة الى فى قلبها
و مليكه بتتحرك بالعربية و ياسمين بتشوف عربية الايس كريم
ياسمين / مامى ايس كريم بلييز
مليكه / حاضر ياروحى يلاا تعالى
مليكه بتاخد ياسمين وبتروح على عربية الايس كريم وبتجيب ايس كريم ليها و ياسمين مبسوطة اوى وبيرجعو العربية ولسة مليكه هتشيل ياسمين علشان تركبها فى
الكرسى المخصص ليها فى العربية وبتقف عربية سودة وبينزل منها اربع مسلحين و مليكه بتصرخ وبيهجمو عليها وبيخدو ياسمين من حضنهاا و مليكه بتصرخ
مليكه / ياسمين ياسمين لاا لاا بنتى
وفى واحد من المسلحين بيضرب مليكه بالقلم وبتقع على الارض وبتتخبط فى ارض فى دمغهاا
ياسمين بتصرخ / مااامى ماامى
مليكه مش قادرة تتحرك وبتشوفهم وهم بيركبو ياسمين العربية وبيقرب من مليكه واحد منهم
الشخص / قولى للافهد الصفقة تتلغى البنت ترجع غير كدة
هقطعهاا قطع صغيرة
وبيضرب مليكه برجلو بقوة و مليكه بيغم عليها وبيروحو عليها مجموعة من الناس بعد ما بيبلغو الشرطة والاسعاف
وبينقلو مليكه المستشفى بسرعة
**********************************
واول ما بتوصل المستشفى الممرضة بتعرف مليكه بتجرى
على اوضة ماريا وبتبلغهاا وماريا بتروح بسرعة على
الطوارء وبتشوف حالة مليكه و بعد دقايق مليكه بتبدا تفتح عيونها
ماريا / مليكه انتى سمعانى
مليكه / ياسمين
ماريا / مليكه اهدى انتى مش لازم تتحركى لازم نخدك على الاشاعات
مليكه بتبعدهاا عنها بقوة وبتصرخ
مليكه / ياسمين ياسمين
مليكه بتحاول تمشى وبتقع على الارض وبتصرخ وبترجع تقف تانى ومفيش اى حد بيقدر يوقفهاا وماريا بتتصل بنسمة
مليكه بتمشى فى الشارع وبتصرخ بهستيرياا
مليكه / لاا بنتى لا ياسمين ياسمين
مليكه بتمشى فى الشارع وبتصرخ بهستيريا
مليكه / لا بنتى لاا ياسمين ياسمين
ماريا بتوقف مليكه بسرعة
ماريا / مليكه ارجووكى اهدى بس
مليكه بتاخد من ماريا الموبيل الى فى اديها وبتتصل بريان
ريان / الوو ماريا انا فى الطريق مليكه عملة اية
مليكه / هو فين
ريان / مليكه
مليكه / هو فين يا ريان
ريان / مليكه اهدى انا جاى دقايق واكون عندك
مليكه بصرخة / هو فيييييين
ريان / نازل فى الفندق عندى
مليكه بترمى الموبيل من اديها وبتوقف تاكسى و ماريا لسة هتروح وره ومبتلحقهاش و ريان بيلف بالعربية بسرعة وبيروح فى اتجاة الفندق.
**********************************
بقلم…وردة
ايه رايكم الاحداث يارب تكون عجبتكم وهستنى رايكم وتفاعلكم عليها
توقعاتكم 😉
يتبع💖💖
لقراءة البارت 49 كامل من رواية مليكة و الشيطان كاملة
الرواية كاملة متوفرة على موقعنا بشكل حصري اضغط هنا
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق