فهد / امسحولى الكرة الارضية عوزو عايش يا كنان انت فااهم
كنان / تحت امرك
فهد بيتحرك وبيروح يقف قدم ازاز العناية الى فيها مليكه
وبيبصلها اوى بقلب محروق
فهد / ملاك زيك مكنش لازم يقرب من شيطان زى ابدا
كان لازم تبعدى يا ملاكى لازم تبعدى
وبتنزل دمعة من عيونو وبيسند بجبينو على الازاز قدمه
**********************************
بعد تلات ايام
فى اوضة مليكه اكتر من خمس دكاترة متوجدين فى اوضة
بيرقبو حالتهاا و فهد واقف قدمها وعيونو عليهاا و دكتور بيقرب من فهد بخوف
الدكتور / سيدى المؤشرات بتقول ان حالتها فى تحسن وهنشيل الاجهزة
فهد بيبص لمليكه اوى بحزن من لحظة انها تفتح عيونها وتوجهو و فهد بيهز راسو بنعم وبيبعدو الاجهزة عنهاا
الدكتور / هى هتفوق حالا سيدى لكن ممنوع تتحرك
فهد بيشاورلو انو يبعد والدكاترة كلهم بيخرجو من الاوضة بسرعة وبيهربو منو
كنان بيخبط على باب الاوضة و فهد بيبصلو بغضب
كنان / سيدى مراد رجع لوعيو تانى وطالب يشوفك
فهد بيبص لمليكه وبيخرج من الاوضة و بيبص للحرس الى واقف قدم الاوضة
فهد / متتحركوش من هنا نهائى مفهووم
الحرس / امرك سيدى
**********************************
فهد بيروح على اخر الممر وبيدخل اوضة الى فيهاا مراد وبتكون اسيل موجودة مع مراد فى الاوضة
أسيل / مراتك حالتهاا اية
فهد مبيردش عليها وبيقرب من مراد ومراد بيفتح عيونو شوية بكسل وباين علية التعب
مراد / ااا ا ا. اتاخرت
فهد بيغمض عيونو بتعب واسيل بتقرب من فهد وبتحط اديها على كتفو
اسيل / انت كويس
فهد بيهز راسو بلاا
اسيل / هيتحاسب على كل الى عملو بس انت لازم ترتاح شوية
فهد بيقرب من مراد اكتر
فهد / عاوز اعرف كل حاجة
مراد بيحاول يقاعد و كنان بيساعدو انو يقاعد
مراد / كانت بتنادى باسمك طول الوقت بس مكنتش تعرف انك شيطان ومش هتقدر تطير بجناحات وتنقذهاا
فهد بيتعصب اوى وبيضرب الاجهزة الى جمب مراد بايدو بغضب
مراد بصرخة / فتحو بطنهاا قدم عيووونى ساامع فتحو بطنهااا بكل وحشية قدمي وكان بيضحك ومبسووط والدم مغرق المكان
وبيدخل حارس الاوضة بسرعة
الحارس / سيدى
فهد بيبص للحارس بغضب وبيخرج من الاوضة بسرعة و وره كنان ومراد بيعيط اوى ومنهاار
**********************************
فهد بيروح على الاوضة الى فيهاا مليكه وبيتفاجا قدم الاوضة بنقط دم وبيدخل الاوضة بسرعة وبيتفاجا ان مليكه مش موجوودة و كنان بيطلع سلاحو بسرعة و فهد بيدفعهم من قدمه وبيخرج من الاوضة و الحرس بيشاور لفهد على اخر الممر
فهد بيمشى فى طريق نقط الدم الى على الارض وبيشوف مليكه ماشية بشويش وسندة على الحيط ومسكة بطنهاا وبتتالم وفى دم نزل بين رجليهاا والحرس عامل دايرة حوليها
وبيحولو يكلموهاا انها لازم ترجع على اوضتها وخايفين يقربو
منها او حد يلمسهاا و مليكه مش بتسمع لحد وبتسند على الحيط بتعب شديد وبتمشى خطوة خطوة ومسكة بطنها بالم
و فهد بيقرب منهاا
فهد / مليكه
مليكه بتقف اول ما بتسمع صوتو وبتلف بجسمها بتعب فى اتجاهة و فهد بيبصلها اوى قد اية هى ضعيفة ووشها اصفر اوى والهالات السودة حولين عيونها
مليكه / اا ا
فهد بيجرى عليها بسرعة وبيشلها فى حضنو و مليكه بتصرخ
مليكه / لااااا ابنى اااابنى لااااا لااا ابنى ااااة ااااة لاااسيبو ابنى لاا سبونى
مليكه بتصرخ بانهياار وبتحاول تبعد عن فهد
فهد / مليكه مليكه اهدى مليكه
مليكه بتصرخ وبتدفع فهد بعيد عنها
مليكه / اااااة اااة سبونى لااا ابنى
فهد بيضمها لحضنو اكتر
مليكه / يا امييييييييى يا اميييييي ااااة اااة
وبيغمي عليها وفهد بيرجعها على الاوضة بسرعة وبيصرخ على الدكاترة وبيتحرك مجموعة كبيرة من الدكاترة على الاوضة
**********************************
بعد اسبوع
فى القصر فهد بيدخل الاوضة وبتكون مليكه نايمة على السرير وعيونها على سقف الاوضة ومبتتكلمش ومش حاسة باى حاجة حوليها ابدا و فهد بيقرب منها وبيملس على شعرها بحنية
فهد / مليكه
ومبتردش علية وبيحس بقبضة اديهاا على مفرش السرير
و فهد بيغمض عيونو بتعب وبيبعد خصلات شعرو عن جبينو
والباب بيخبط
فهد / ادخل
وبتدخل لارا ومعاها نسمة
فهد بيهز راسو انهم يروحو على مليكه بعد ما شاف نظرة عيونهم ليها و نسمة بتروح على مليكه وبتملس على خدها
نسمة / مليكه حببتى عاملة اية دلوقتى
مليكه مبتردش عليهم
نسمة / يعنى مش عوزة تردى علياا
نسمة بتعيط اوى
لارا / احنا هنخدها نغيرلها هدومها
فهد / لا
ولارا و نسمة بيبصو لفهد باستغراب
فهد / انا هتصرف روحو انتو
نسمة / لا انا مش هسيب اختى كفاية الى حصلها بسببك
فهد بصرخة قوية / من اليوم الى اسمها اتكتب جمب اسمى اختك دى ملكى اناا ومفيش حد يقرب منها غير بازنى اناا مفهووم
نسمة بتتفزع من صوتو
لارا / سيد فهد ارجووك اهدى شوية علشان مليكه بس
وبيبصو على مليكه وبيشوفو الدموع خرجة من عيونهاا
و نسمة بتبص لفهد بحزن
نسمة / اسفة انا مقصدش انى اا
فهد / لو كنتى تقصدى مكنتيش عايشة ووقفة قدمي دلوقتى
لارا بتروح على نسمة
لارا / نسمة تعالى معاياا يلا تعالى
ولارا بتاخد نسمة برة الاوضة بعيد عن غضب الفهد و فهد بيقرب من مليكه وبيمسحلهاا دموعها
فهد / عارف انك زعلانة علشان اختك بس لازم الكل يعرف انك ملكى انا وبس
مليكه بتغمض عيونهاا و فهد بينام جمبهاا وبيضمها اوى لحضنو
فهد / هدفعو تمن الى عملو فيكى انتى وابنى يا مليكه مش هرحمو ابدا هيدفع التمن غالى اوى
**********************************
فى جنينة القصر
نسمة بتعيط اوى ولارا بتحاول تهديهاا و انين بتروح على نسمة وبتمد اديها لنسمة بشوكولاتة و نسمة بتمسح دموعهاا وبتبوس ايد انين
انين / انتي كمان زعلانة من بابا علشان مش عاوز يوديكى الملاهى
نسمة / بابا
لارا / انين يلا روحى شوفى جاك فين يلاا اجرى
وانين بتجرى بعيد و نسمة بتنهار من العياط
لارا / نسمة اهدى الله يخليكى
ريان بيروح عليهم بسرعة بعد ما بيسمع عياط نسمة
ريان / نسمة انتى كويسة حصل حاجة
نسمة / يعنى هيحصل اية اكتر من الى حصلى هااا هاا قولى هيحصل اية اكتر من كدة ولادى ماتو قبل حتى ما يشوفو نور الدنياا حتى جوزى طلع زبالة وواطى جوزى الى فضلت ١٢ سنة احبة وكان ليا كل الدنياا دى طلع طلع
ريان / نسمة اهدى شوية
نسمة / انا مش عرفة الحق ازعل على اية ولا اية ابوياا الى مات فى بلد غريبة وادفن هناك
لارا / نسمة الله يخليكى اهدى بلاش مليكه تسمعك مش لازم تعرف بوفات والدكو ارجووكى
نسمة بتمسك دمغهاا وبتصرخ وبتدفع لارا و ريان بيلحق لارا قبل ما تقع
ريان / انتى كويسة
لارا بتحط اديهاا على بطنها المنفوخ وبتهز رسها بنعم
نسمة بعياط / اسفة اناا اناا
ريان بيروح على نسمة وبيحضنها اوى و نسمة بتتمسك فية بقوة
نسمة / انا مليش غير اختى هى كمان مش هتسبنى ريان
انا مليش غيرهاا
ريان بيضمها لحضنو بقوة
لارا / ريان خليها تروح ترتاح شوية
ريان بياخد نسمة على اوضتها وبتقاعد على طرف السرير بتعب
نسمة / مليكه مش عوزة ترد علياا ولا حتى تبصلى هى كمان
هتسبنى زيهم
ريان بيقاعد على ركبو قدمها
ريان / مليكه مش هتسيبك ابدا وكمان انا معاكى ومش هسيبك
نسمة / مش هتسبنى بجد
ريان / اكيد
سكينة / عوزة انام اناا تعبانة ممكن تفضل جمبى شوية
ريان بيمسحلهاا دموعهاا وبيبسها من جبنها و بيساعدها تنام وبيقاعد جمبهاا وبيملس على شعرها بحنية
**********************************
فى اوضة مراد
أسيل وقفة وفى ممرضة بتعمل لمراد جلسة علاج طبيعى
بسبب تعذيب صهيب لة اتسبب فى شلل فى دراعو الشمال وبسبب الارتجاج الى كان عدو اتسبب بفقدان جزء من الذاكرة مؤقت
اسيل / انت كويس
مراد/ مفيش فايدة من الى بتعملوة دة انا خلاص هعيش طول حياتى عاجز علشان الشيطان يكون مبسووط اهو يبقي عندو ابن عاجز والتانى مات قبل ما يتوالد
أسيل بتشاور للممرضة تخرج من الاوضة والممرضة بتنفذ بسرعة الاوامر وبتخرج و أسيل بتقرب من مراد و الغضب مالى عيونهاا وبتضغط على سننها بغضب.
أسيل / مراد حاسب على كلامك عن ابوك مفهوم
مراد / انتى فكرة ان الكلام دة هياثر فية دة شيطاان شيطان
ياريت كان هو الى مات
أسيل بتضرب مراد بالقلم.
**********************************
فى اوضة مليكه فهد بيتفزع من النوم على صرخة مليكه
مليكه / ااا ابنى لااا لاا ابنى ابعدو عنى لااا سبونى
فهد بيمسك اديها
فهد / مليكه مليكه
مليكه بتسمع صوتو بتهدى وصدرهاا بيعلا وبينزل بسرعة ومش قادرة تاخد نفسهاا و فهد بيملس على جبنها وبيمسحلهاا العرق من على جبنهاا
فهد / مليكه
مليكه مبتردش علية و فهد بيحط جبينو على جبنهاا وبيتنهد بتعب وبيقاعد قدمها يتامل فى ملامحهاا الهادية وبيشوف انقباضة كف اديها على الغطاء واديها بتترعش وبيقرب منها وبيبوس كف اديهاا
وبيسمع خبط على باب الاوضة وبيفتح الباب وبيتفاجا كنان واقف قدمه وباين من شكلو انو كان فى معركة قوية
كنان / فى الاوضة تحت
فهد / فى اى حد لمسو
كنان / لا
فهد بيشاور لكنان يروح هو وبيدخل الاوضة لمليكه وبيقرب منها وبيملس على شعرهاا
فهد / دلوقتى هحاسب الى عمل فيكى انتى وابنى كدة هحسبو على كل دمعة نزلت من عيونك يا مليكه هو تحت ايدى دلوقتى
مليكه بتنكمش على نفسها بخوف و فهد بيخرج من الاوضة بسرعة و مليكه بتترعش من الخوف
مليكه / لاا ابنى سبولى ابنى لاا
مليكه بتصرخ وبتترعش بخوف
**********************************
فهد بينزل القبو لاوضة التعذيب بيشوف صهيب متعلق من ايدو بسلاسل حديدية فى السقف و صهيب اول ما بيشوف فهد بيضحك اوى و فهد بيقرب منو
صهيب / وصلنى تقرير بحالة مراتك بيقولو انها اتجننت ههههة
فهد بيضربو بالبكس بقوة بيخلى جسمه يرجع وره و بيخبط فى الحيط وبيترد للامام تانى بقوة
صهيب / ههههههه.
**********************************
فى اوضة مليكه
نسمة و اسيل بيحولو يسيطرو على مليكه
مليكه / لاا ابنى لاااااا لاا
نسمة / مليكه الله يخليكى اهدى شوية
مليكه / فهد فهد
أسيل / اولفت فين فهد
اولفت / سيدى فى الجنينة الخلفية وممنوع حد يدخل
ومراد واقف على الباب وبيشوف الحالة الى مليكه فيهاا
و مليكه منهارة من العياط و بيقرب منهاا و مليكه بتشوف مراد بتخااف منو وبتحط اديها على بطنهاا بخوف
مليكه / ابعد عنى لاا سيب ابنى
أسيل / مليكه متخفيش دة مراد
مليكه بتبص لمراد اوى وبتفتكر لما كان معاهاا وكانو بيضربوة بصاعق الكهرباء وكان بيتالم و مليكه بتدفن
عيونها بين رجليهاا وبتعيط و مراد بيقرب منها
مراد / انا سمعتو بيعيط
مليكه بترفع عيونهاا لمراد بفزع و مراد بيحط ايدو على دماغو و بيتالم
مراد / انا مش فاكر كويس بس انا متاكد سمعت صوت طفل
كان عايش ووو اا اناا سمعتو بيعيط حتى واحد من الحرس كان مستغرب بعد ما خرجوة من بطنك بطريقة بشعة وهمجية فضل عايش وكان بيعيط بقوة
مليكه / ابنى
أسيل / مراد انت
مراد / ايوة يا أسيل انا متاكد انا سمعت صوتو بيعيط
مليكه بتدفع أسيل و نسمة عنهاا ولسة هتنزل من السرير
وبتقع على الارض ورجليهاا مش قادرة تشيل جسمهاا من الضعف الجسمى والنفسى و نسمة بتصرخ وبتروح عليهاا وبتساعدهاا تقف
نسمة بعياط / مليكه
مليكه / ابنى ابنى عايش يا نسمة ابنى عايش
مليكه بتروح على مراد وبتمسكو من هدومه بقوة
مليكه / ابنى فيين ااا ابنى
مليكه بتفتكر الكلام الى فهد قالو قبل ما يخرج من الاوضة
ان هو هيحاسب الى عمل فيهاا كدة هى وابنو
مليكه / اا فهد
مليكه بتخرج من الباب وبتقع على الارض و نسمة بتساعدهاا و تقف وهى بتعيط اوى على حالة اختها
مليكه / فهد
نسمة / مليكه ارجووكى خلينى ارجعك الاوضة وانا انا هروح
لفهد وهخلية يجى لحد عندك
مليكه / ابعدى عنى فهد هو هو هيقتلو هو الى عارف طريق ابنى ابعدو عنى انا عوزة ابنى
مليكه بتنزل من السلم بمساعدة نسمة وبتخرج الجنينة وبتروح على الجنينة الا فيها اوضة التعذيب وبيكون فى حرس وقفين على الباب وبيمنعو حد يدخل
مليكه / ابعدو عنى لازم الحقو ابعد عنى
الحرس / سيدتى ممنوع حد يدخل
مليكه / ابعد عنى
مليكه بتدفع الحارس من قدمها وبتتكعبل وبتقع على الارض
و نسمة بتساعدهاا و بسرعة نسمة منهارة من العياط
نسمة / مليكه ارجووكى كفااية مش قادرة ورحمة بابا كفاية انا تعبت
نسمة بتحط اديها على شفايفهاا بفزع
مليكه / باباا
نسمة بتضم مليكه اوى لحضنهاا
نسمة / بابا مات يا مليكه وسبناا انا وانتى احنا ملناش غير بعض دلوقتى بابا ادفن فى اطهر ارض ادفن فى الارض الى ادفن فيها رسول الله
مليكه بتحط اديهاا على قلبهاا وبتغمض عيونهاا بتعب
وبتبعد نسمة عنهاا وبتدخل اوضة التعذيب وبتشم ريحة الدماء وبتحط اديهاا على صدرهاا وبتحاول تتنفس ومش قادرة وبتسمع صرخة من اخر الممر وبتروح فى اتجاة الصرخة وبتشوف فهد ماسك سكين
وبيقرب من شخص متعلق من ايدو فى السقف من اثار الدم
على ملامحو مش قادرة تحدد مين هو وبتقرب اكتر وبتمسك فى الباب وبتستمد منو القوة علشان تقدر تقف على رجليها المرتعشة
مليكه بصوت ضعيف / اا فهد.
فهد و كنان و ريان وبيبصو ورهم وبيتفاجا بمليكه وقفة قدمها بجسمها الضعيف وملامحهاا الى اتغيرت جدا
و فهد بيجرى على مليكه وبيضمها لصدرو
فهد / مليكه انتى انتى جيتى هناا ازاى
مليكه بتبعد فهد عنهاا وبتقرب من الشخص دة
فهد / مليكه لاا
مليكه بتبعد ايد فهد عنهاا وبتقرب من الشخص دة وبتدقق فى ملامحو وصهيب بيرفع عيونو فى عيونهاا و مليكه بتتفزع لما بتشوف عيونو وبتصرخ وبترجع بضهره وكانت هتقع على ضهرها لكن فهد بيسندها بصدرو بسرعة
مليكه / اا فهد ابنى عايش اابنى
فهد / ريان خدها على القصر
مليكه بتصرخ وبتدفع فهد عنهاا
مليكه / لااا
مليكه بتروح على صهيب وبتمسكو من هدومه
مليكه / فيين ابنى ارجووك ابنى فيين هو عايش ارجووك قولى ابنى فين
صهيب / انا قتلتو و مش هتشوفية طول حياتك
فهد بيقرب من مليكه
مليكه / لااا اااا
صهيب / ابنك مات اناا قتلتو بايدى ورميت جسمو الصغير للحيونات فى الغابة
مليكه بتصرخ وبتنزل على ركبتهاا قدم صهيب وبتمسك رجلو
مليكه /ارجووك ابوس رجلك قولى فين ابنى
فهد بيروح على مليكه و مليكه بتدفع ايدو عنهاا وصهيب بيضحك اوى ومبسوط
صهيب / هقولك على مكانو لكن بشرط
مليكه بفرحة بتقف قدمه بسرعة
صهيب / نقضى يوم انا وانتى مع بعض هبسطك صدقينى وممكن تحملى كمان وتجيبى طفل تانى
فهد مبيتحملش وبيمسك السكين وبيغرزو فى قلب صهيب
و مليكه بتصرخ
مليكه / لااا لاااااا انت انت عملت اية هو هيقولى ابنى فيين
لا ارجوووك متمتش
مليكه بتحاول توقف النزيف باديهاا بطريقة هستيرياا
مليكه / لا اااااا لاااااا
*****************************
بقلم…وردة
ايه رايكم الاحداث يارب تكون عجبتكم وهستنى رايكم وتفاعلكم عليها
توقعاتكم 😉
يتبع💖💖
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة
ليست هناك تعليقات:
إرسال تعليق