مليكه بتنهاار وبتصرخ بصوت عالى وبتضرب الطبق بتعهاا وبترمية على الارض
مليكه / بكرهك بكرهك عوزة امشى عوزة اروح من هنااا
فهد بيكمل اكلو بهدوء
فهد / نضفى الى عملتية
مليكه / لااا
فهد بيقف وبيمسكهاا من شعرهاا و مليكه بتصرخ
فهد / الفهد مفيش حد يقولو لااا انتى فاهمة
مليكه / حاضر ااة سبنى
فهد بيسبها و مليكه بتلم بقاياا الاكل الى على الارض وهي بتعيط و فهد بيدخل على اوضة المكتب و ريان بيقرب منها بسرعة
ريان / اهدى متخفيش
مليكه بتخاف منه
مليكه / انتو عوزين منى اية
ريان بيلم هو الطبق الى اتكسر
ريان /انتى اية بس الى وقعك فى طريق الفهد
مليكه بتقاعد على الارض وبتعيط وانجى بتروح عليهم وبتشوف مليكه بتعيط وبتبتسم اوى و مليكه بترفع
عيونها لانجى باستغراب
انجى / انتى لسة بتعيطي يا نونو
ريان / انجى انتى اية الى جابك هناا
انجى / الفهد طلبنى انت عارف مبيقدرش يستغناا عنى ابدا
وبتروح فى اتجاة اوضة المكتب بتاعة الفهد وبتخبط وبتدخل
ريان/ انسة مليكه يلاا تعالى معاياا اوصلك لاوضتك
مليكه بتمسح دموعهاا وبتروح مع ريان بيوصلها قدم اوضتها
ريان / ارتاحى شوية هخلى اولفت تجبلك اكل
مليكه بتهز رسهاا بلاا
ريان / لو والدك شافك بالحالة الى انتى فيهاا دى ممكن يتعب وانتى عرفة انو عنده الضغط والسكر كمان
مليكه بتبص لريان بصدمة
مليكه /ا ا ا انت عرفت ازاى ا ااا ان بابا
ريان / احنا عرفين كل حاجة عنك متخفيش احنا مش هنازيكى ابدا بس لازم انتى كمان تهدى ومتعنديش مع الفهد لان غضبه صعب والى شفتية منو النهاردة دة ولا حاجة ودة الى مستغربله لان اى وحدة فى مكانك وعملت كدة معاة كان قطع رقبتها وحطة فى طبق الاكل ولا كان فرق معاة خالص
مليكه بتبصله بخوف وبتمسح على رقبتهاا
ريان / ههههة ادخلى ارتاحى دلوقتى
مليكه / شكرا
ريان بيهز راسه بامتنان وبيمشى وبتدخل تقاعد على السرير
وبتعيط
**********************************
فى شقة البنات
جمال بيدخل اوضة مليكه وبيتامل السرير الى كانت بتنام علية بحزن وبيروح على هدومها وبيمسكهاا وبيحضنها اوى
جمال / انتى فين يا قلب ابوكى
وبتدخل رشا وبتروح على جمال
رشا/ عمو جمال انت كويس
جمال / لو سمحتى يا بنتى سبينى شوية
رشا بتخرج وبتسيبو لوحدو وبتخرج
نسمة / فين بابا
رشا / حابب يفضل لوحدو شوية مع حاجات مليكه
و نسمة بتعيط
نسمة / مليكه وحشتنى اوى اا اناخايفة يكون حصلهاا حاجة
رشا / انا متاكدة ان مليكه هترجع يا نسمة هترجع صدقينى
وكمان هى الى هتديكى الحاجات الى جبتهالك
نسمة بتبص لرشا
رشا / من اول يوم نزلناا هناا امريكاا ونزلت جابتلك كل طلباتك وكانت نوية تبعتهملك دى حتى خلصت كل الفلوس الى معاها على الحاجات الى جبتهالك
نسمة بتصرخ / انا مش عوزة حااجة مش عوزة حاجة انا عوزة اختى انا عوزة مليكه
وبيخرج جمال من الاوضة و نسمة بتجرى علية
نسمة / باباا انا عوزة مليكه انا عوزة مليكه
جمال بيضمها اوى لحضنو و نسمة منهارة من العياط
**********************************
فى قصر الفهد
فهد واقف قدم اوضة مليكه وسامع صوت شهقتهاا وبيتعصب اوى وبيدخل عليهاا الاوضة بقوة و مليكه بتكون قاعدة على السرير وبتتخض لما بتشوفه داخل عليهاا وبتضم جسمهاا لصدرهاا بخوف
فهد / مسمعش صوتك يطلع انتى فاهمة
مليكه / عوزة اروح من هناا ارجوك
فهد بيروح عليهاا وبيمسكهاا من درعهاا بقوة و مليكه بتصرخ
وبيخرجهاا برة الاوضة والكل بيخرج من الاوض بتعته على صوت صرخات مليكه وبيشوفو الفهد ساحبها من درعهاا
و مليكه بتصرخ بقوة
مليكه / ااة سبنى حرام عليك ااة سبنى
فهد بيخرج بيهاا الجنينة وبيروح لحد باب القصر وبيدفعهاا
فى اتجاة الباب الحديدى
فهد / امشى
مليكه بتمسك درعهاا بالم وبتبصلو بخوف
فهد / مش عوزة تمشى يلاا امشى
مليكه بتبص للباب الحديدى قدمها ولسة هتتحرك
فهد / خلال خمس ساعات من دلوقتى تكونى فى بلدك ومترجعيش هنا تانى انتى فاهمة
مليكه بتهز رسهاا بنعم
فهد /فى عربية هتوصلك
مليكه / لاا انا هروح
فهد / كلمة تانية هرجعك للاوضة تانى انتى فاهمة
مليكه بتهز رسهاا بنعم وبتخاف تتكلم احسن يرجعهاا تانى
وبتركب العربية مع اتنين من الحرس وبتبص على الفهد لحد ما بتخرج العربية من باب القصر
فهد اول ما بتخرج بيطلع سلاحو وبيضرب رصاص على العربية التانية الى وقفة عن باب القصر بتعتو بغضب والحرس كلهم بيخاافو اوى منه
كنان / مدام مش عوزها تمشى لية سبتهاا
فهد بيضرب كنان بالرصاص فى كتفو و كنان بيكتم الصرخة وبيبتسم لفهد
فهد / متدخلش فى اى حاجة متخصكش انت فاهم
كنان بيبتسم لفهد بينزل بجسمو بانحناء للتحية وبيمشى
**********************************
بعد ساعتين مليكه بتوصل قدم العمارة الى سكنة فيهاا
وبتجرى بسرعة زى المجنونة على الشقة وبتخبط بقوة
و رشا بتفتح الباب وبتشوف مليكه قدمها
رشا بصرخة / مليكه
مليكه بتترمى فى حضن رشا وبتعيط وبتسمع نداء من وري ضهر رشا
جمال / بنتى
مليكه بتفتح عيونها وبتشوف جمال قدمها وبتجرى علية وبتستخبي فى حضنو وبتنهار من العياط
جمال / مليكه بنتى انتى كويسة فيكى حااجة مليكه بنتى
وبيحس بجس مليكه بيتقل فى حضنه و مليكه بيغما عليهاا
جمال / مليكه
وبيشلها بسرعة و نسمة بتجرى على مليكه بخوف
نسمة / مليكه اختى حببتى مليكه ردى عليااا
جمال / رشا هاتى كوبية مياة بسرعة
وبعد دقايق مليكه بتفتح عنيهاا وبتمسك فى هدوم ابوهاا بقوة
مليكه / بابااا باباا متسبنيش بابااا
مليكه بتفتكر كلام الفهد انها لازم ترجع على بلدهاا
مليكه / احنا لازم نرجع دلوقتى لازم نسافر احنا لازم نروح من هناا بسرعة
جمال / اهدى يا روحى
مليكه بتمسك فى جمال بقوة
مليكه / باباا ابوس ايدك خليناا نروح من هناا بسرعة
جمال بيضم مليكه لحضنه بقوة وبيطلع الموبيل بتاعه وبيحجز على اول طيارة لمصر
**********************************
فى الليل بيدخل ريان اوضة مكتب الفهد
ريان / وصلت
وبيدخل كنان المكتب ودراعه مربوط بشاش طبى وعارى الصدر و ريان بيبصله باستغراب
ريان / اية الى عمل فيك كدة
كنان / واحد مفترى منه لله
فهد بيضغط على اسنانو بغضب
فهد / كنان
كنان/ دة راجل طيب والله دة حتة سكرة
فهد / عرفت مكان فرانكو ولا لاا
كنان / دة انا جيلك وسبت الدكتور فى المستشفى ومشيت زى ما اناا
فهد / اخلص
كنان / فى مزرعته الى فى اقصى الجنوب
فهد / ريان جهز الرجالة ريحيين نرحب بفرانكو
ريان / تمام
فهد بيقف وبيحط سلاحه وري ضهرو وبيظبط هدومه
وبيتحرك وبيروح على كنان
فهد / لسانك دة هقطعهولك وهاكلهولك
كنان / اهون عليك
فهد / انت عارف انى مليش عزيز ولا غالى
فهد بيخرج من المكتب و كنان واقف مكانو وبيبتسم
كنان / بس فى حبيبة يا فهد هههههه
فهد بيقف قبل ما يخرج من باب القصر وبيبص لكنان الى واقف مكانو فى اوضة المكتب والباب مفتوح و كنان بيبصله
كنان / انت سمعتنى ولا اية
فهد بيبصله بغضب علشان يتحرك و كنان بيتحرك وره بسرعة
و بعد دقايق بيتحرك اسطول من العربيات الضخمة من قصر الفهد
**********************************
فى مصر
بيخرج الدكتورة من اوضة مليكه
جمال / دكتورة طمنينى
الدكتورة / هى كويسة بس اعصبهاا تعبانة شوية انا ادتهاا حقنة مهدئ علشان ترتاح متقلقش هتنام للصبح
جمال / شكرا يا دكتورة الف شكر واسف انى جبتك فى وقت متاخر كدة
الدكتورة / متقولش كدة يا استاذ جمال احنا جيران و مليكه زى اختى الصغيرة لو فى اى حاجة انا موجودة كلمنى فى اى وقت
جمال بيوصلهاا للباب وبيرجع اوضة مليكه وبيشوف نسمة نايمة فى حضن مليكه وبتعيط و جمال بيقرب من نسمة
جمال/ حببتى خليهاا ترتاح هى هتنام للصبح
نسمة / بابا خلينى جمبهاا
جمال بيبسها من جبنهاا وبيقرب من مليكه وبيبوس جبنها بوسة طويلة وبيتنهد اوى وبيملس على شعرها بحنية وبيخرج وبيسبهم لوحدهم فى الاوضة وبيروح على
صورة هدي مراتو
جمال / هتكون بخير يا هدي مش هسبهاا تبعد عنى ابدا
بس مش عارف قلبى مقبوض لية حاسس ان فى ايام جاية
صعبة اوى عليناا
و جمال دموعو بتنزل وبيروح اوضته
**********************************
فى بيت رشا
منى/ ياحببتى زمنها بترتاح ارتاحى انتى كمان وبكرة الصبح نروح نطمن عليهاا
رشا بعياط / يا ماما مليكه كانت حالتهاا صعبة اوى انا اانا خايفة مرعوبة عليهاا
منى / الحمد لله انكو رجعتو بالسلامة بكرة تروحى الجامعة
وتبلغيهم انك مش هتسفرى تانى انا مش مستغنية عنك
وجرز الباب بيرن ومنى بتروح تفتح الباب وبيكون تامر
منى / تعالة يا حبيبى ادخل
تامر / رشا كويسة
منى / من وقت ما رجعت وهى بتعيط فى اوضتها ادخلهاا يا حبيبى لحد معملك حاجة تشربهاا
تامر بيروح على اوضة رشا وبيخبط علي الباب وبيدخل
و رشا بترفع عيونها لتامر وبتنفجر من العياط وبتجرى على تامر وبتترمى فى حضنو
رشا / تامر مليكه مليكه كانت هاتروح مننا اناا
تامر / هشش اهدى انا لسة جاى من عندها وعمى جمال طمنى عليها وهى كويسة دلوقتى
وبتدخل منى عليهم وبتشوف رشا فى حضن تامر
منى / احم احم
رشا بتبعد عن تامر بتوتر وبتمسح دموعهاا
تامر / اا المهم انك بخير همشى اناا بقي الوقت متاخر
منى / لية خليك حضنهاا شوية يا حبيب خالتك
تامر بيبتسم لخالتو وبيروح عليهاا بيبوس جبنهاا
تامر / هحضن برحتى بعدين متقلقيش انتى
منى بتضرب تامر و تامر بيضحك وبيخرج وبيمشى
ورشا بتهرب من عيون والدتهاا من خجلهاا
**********************************
فى امريكا
كنان بيدخل بعربيتو فى الحاجز الحديدى و كنان بيتالم من كتفو و ريان بيضحك علية
ريان / معلش خليك انت هناا وهروح اخلص اناا كل حاجة وارجعلك
كنان / يبقي بتحلم
كنان بيطلع سلاحو وبيتحرك بسرعة قبل ريان و فهد بينزل وبتبدا حرب قوية وبيدخل حارس بيت المزرعة لفرانكو
الحارس / الفهد هناا
اندرو بيتخض وبيطلع سلاحو
فرانكو / هههههههة مستعجل اوى طول عمرو مستعجل
اندرو / انت بتضحك
فرانكو / اهرب انت علشان لو شافك هيخلص عليك
اندرو بيهرب ومعاة اتنين من الحرس وفرانكو بيقاعد مكانو بهدوء
فرانكو / خليهم يدخلو متقوموش معاهم
والحارس بيهز راسو بنعم وبيخرج بسرعة وفرانكو بيقاعد وبيولع السيجاار بتاعو وبيحط رجل على رجل وعلى وشو ابتسامة سخيفة وبيدخل فهد وره ريان و كنان
الفهد بابتساامة مخيفة / فرانكو صديقى
وبيقاعد قدم فرانكو و ريان و كنان وقفين وره
فهد / لعبتك معايا هتكلفك كتير
فرانكو / انت عارف انى طول عمرى بحب العب معاك يا فهد
فهد / مش هيكفينى موتك هخليك تتمنى الموت
فرانكو / تق تق تق قول كلام انت قدو يا فهد
فهد / ابعد عن طريقى افضل ليك
فرانكو بيرفع ايدو باستسلام
فرانكو / انا معرفش انت بتتكلم عن اية اصلاا
فهد بيضرب رصاصتين جمب عيون فراكو على الكرسى
وفرانكو بيضحك
فهد / متخلنيش اندم انى سبتك تعيش لحد دلوقتى
فرانكو / زيارة سعيدة
فهد بيقف وبيشاور للرجالة بتوعو انهم يتحركو وبيخرجو من المزرعة
**********************************
مصر
فى الصباح مليكه بتتفزع من النوم وبتبص حوليهاا بخوف بتشوف نسمة نايمة فى حضنها وبتبتسم وبتشوف والدها نايم على الكرسى جمب السرير
مليكه / باابا
جمال بيتفزع عليهاا وبيقاعد جمبها على السرير وبيخدها فى حضنو
جمال / حببتى انتى كويسة
و مليكه بتهز رسهاا بنعم فى حضنو
جمال / هروح احضرلك الفطار
مليكه/ لا خليك جمبى انا مش جعانة
جمال / ممنوع الاعتراض هتاكلى كويس وصحى الهانم الكسولة دى لحد ما اجهز الفطار
جمال بيروح علي المطبخ و مليكه بتبص لنسمة وهى نايمة
مليكه / يلاا اصحى
نسمة / امممم
مليكه / نسمة يوسف رجع من السفر
نسمة بتتفزع من النوم
نسمة / يوسف يوسف هو فين
مليكه بتضحك اوى عليهاا و نسمة بتفهم انو مقلب وبتمسح عيونها بكسل
نسمة/ لو مكنتيش تعبانة بس
مليكه / لا تقدرى تعملى حااجة
نسمة / يعنى بتتحدينى
مليكه / جدا
نسمة بترفع المخدة و مليكه بتصرخ وبتمسك هى كمان المخدة بتعتهاا وبتبدا حرب المخدات و نسمة بتحدف مليكه بالمخدة وبتيجى فى دماغ مليكه و مليكه بتحس بدوخة
نسمة / مليكه مليكه
مليكه / اا مفيش بس دخت شوية
نسمة بتخليهاا تقاعد بسرعة
نسمة / اسفة يا مليكه مكنش اقصد اضربك بيها جامد والله
مليكه بتضحك على خوف اختهاا
مليكه / ههههههة استنى علياا بس افطر والطاقة ترجعلى وهكسر عضامك وحدة وحدة
نسمة بتحضن مليكه اوى
نسمة / ربنا يخليكى لياا مليكه وميحرمنيش منك ابدا
جمال / يلاا يا حبيابى الفطار جاهز
جمال / حببتى انتى كويسة
مليكه / اة يا بابا مدام انا معاكو اكيد هكون كويسة
جمال بيخدهاا وبيروحو يفطرو مع بعض
مليكه / شبعت
جمال/ شبعتى اية يا بنتى انتى ماكلتيش حاجة على الاقل اشربى اللبن
مليكه / بابا انت عارف ان انا واللبن مش اصحاب ابدا
جمال / حببتى انتى ضعيفة اوى لازم تتغذى شوية اعتبرى
كوبية اللبن دى الدواء يعنى لازم تخدية غصب عنك
مليكه / علشان خاطرى مش هقدر وحياتى
جمال / يبقي هروح اعملك طبق فااكهة تاكلية بعد الادوية بتعك
نسمة/ انا هروح اجيب الادوية يا باباا
مليكه / لا انا الاهتمام دة كلو كتير علياا كدة هاخد على الدلع
جمال / ادلعى برحتك يا حببتى
مليكه / ربنا يخليك لياا يا بابا
وجرز الباب بيرن
نسمة / انا هفتح
نسمة بتروح تفتح الباب وبتكون رشا و تامر
جمال / مين يا نسمة
نسمة / دى رشا و تامر يا باباا
وبتدخل رشا ومعاها و تامر و مليكه بتبتسم اوى ليهم
تامر / مليكه
مليكه/ تامر
تامر بيبوس ايد مليكه
تامر / الف سلامة عليكى يا قمر ازااى بس يخطفوكى انتى مقلتلهمش ان اناا وانتى اصحاب ولا اية
رشا / كويس انها متكلمتش وجابت سرتك كانو قتلوهاا
مليكه / ممكن منتكلمش فى الموضوع دة
رشا / حاضر يا حببتى هاا طمنينى عملة اية دلوقتى
مليكه / انا كويسة الحمد لله
تامر / اهم حاجة تتحسنى بسرعة علشان تتممى اجراءات النقل
مليكه / نقل اية
رشا / الورق بتعناا اكيد مش هنرجع تانى
مليكه سرحت بافكرهاا
نسمة / مليكه حببتى تامر و رشا بيكلموكى
مليكه / هاا
تامر / لا دة انتى مش معانا خالص
مليكه / لا بس كنت بفكر فى حاجة بس
رشا / بقولك اننا مش هنرجع تانى هنكمل هناا عوزين نلحق نخلص الاجرات بسرعة علشان منتاخرش والسنة تضيع
علينا ودى اخر سنة ولازم تقدير
جمال بيقرب منهم ومعاة العصير
رشا / لية بتتعب حضرتك بس يا عمى
جمال / ولا تعب ولا حاجة يا حبيبى ما انا لو عندى بنت شاطرة كدة وتعرف تعمل حاجة للضيوف
نسمة / بعرف على فكرة تنكر انى عملتلك عصير برتقال من اسبوعين
جمال / اة خلصتى ٢ كيلو برتقال علشان تعمليلى كوبية عصير وحدة
نسمة / ما هى عصارة العصير الى مش بتعصر اوى وايدى وجعتنى
جمال / للة الامر من قبل ومن بعد
رشا / يا بنتى انتى هتكونى عروسة كمان كام يوم ازاى بس
نسمة / لاا متقلقيش انا قولت ليوسف هيجبلى عصارة برتقال بالكهرباء من دبى وهو جااى
والكل بيضحك اوى
تامر / ربنا يكون فى عونك يا يوسف يا صحبى هتشوف ايام
نسمة / هيشوف ايام اية يا استاذ تامر
تامر / هاا ايام عسل طبعا
والكل بيضحك الا مليكه فى عالم تانى خالص وسرحانة وبتحاول تبتسم اول ما بتشفهم بيضحكو هى كمان بتحاول تضحك زيهم
**********************************
فى شركات الفهد فى امريكا
كنان بيدخل لفهد المكتب وبيكون معاة ريان
كنان/ هى ماريانا راحت فين مش على مكتبهاا لية
فهد بيرفع عيونو لكنان بغضب
كنان / اية اكلتهاا ولا اية
ريان / طلعت جسوسة لفرانكو
فهد /لو حضرتك كنت شايف شغلك كويس مكنتش وحدة زى دى وصلت لهناا
كنان / مين قالك انى مكنتش عارف بس قلت يعنى امتع نفسى بها قبل ما احسبها
ريان / كتك القرف
كنان بيضحك وبيخبط ريان على دماغو
فهد / ممكن تبطلو الى بتعملوة دة بدل ما افجرلكو دماغكو دلوقتى
كنان و ريان بيقاعدو بهدوء
فهد / عاوز اعرف كل خطوة لفرانكو قبل حتى ما يفكر يخطيها
كنان / كل تحركاتو عندى
ريان / اندرو خلال ساعات هقدر احدد مكانو
فهد / مفيش حد فيكو يخطى خطوة من غير ما اعرف
كنان / تمام
ريان / تمام
**********************************
امريكاا
داخل مزرعة فرانكو متعصب اوى وبيكسر فى كل حاجة حولية
فرانكو / يعنى هتكون راحت فين
الحارس / ياا سيدى مش موجودة فى قصر الفهد ولا فى اى مكان
فرانكو بيهجم على الحارس وبيضربو بقوة
فرانكو / اتبع الفهد ووقتهاا بس سوف اجد جوهرتى الثمينة
والحراس بيهزو رسهم بالطاعة وبيخرجو بسرعة من قدمه
فرانكو / اين انتى ياجوهرتى الثمينة
*******************************
بقلم…وردة
ايه رايكم الاحداث يارب تكون عجبتكم وهستنى رايكم وتفاعلكم عليها
توقعاتكم 😉
يتبع💖💖
لقراءة البارت 6 كامل من رواية مليكة و الشيطان كاملة
الرواية كاملة متوفرة على موقعنا بشكل حصري اضغط هنا
مرحبا، أسمي نانا أحمد وهذه مدونتي أسعى دائما لأقدم لكم أفضل المواضيع المنوعة فى الصحة والحياة الأسرية والتكولوجياوالطبخ والفنون والموضة 
ليست هناك تعليقات:
إرسال تعليق