طريقة عمل كيكه قدره قادر

طريقة عمل كيكه قدره قادر

بسم الله الرحمن الرحيم

المقادير:

[ للكراميل]
كوبايه سكر
معلقتين مايه
[ للكريم كراميل ]
4 بيضه
2 كوب لبن
كوب سكر
فانيليا
[للكيكه]
2 كوب دقيق
باكو بيكنج بودر
ربع كوب كاكاو
نص كوب زبده
3 بيضه
نص كوبايه لبن
رشه ملح
كوب الا ربع سكر

الطريقه:

1- هنولع الفرن علي 180 درجه.
2- اول حاجه هنجيب صينيه مقاس 24 او 22 وننزل فيها كوبايه السكر ومعلقتين المايه ونحطها علي النار ونسيب السكر يتحول كراميل.
3- هنجيب الخلاط ونحط فيه كل مكونات الكريم كراميل ونخلطهم كويس لمده سبع دقايق.
4- اول ما نلاقي السكر اخد لون الكراميل هنشيل الصينيه من علي النار ونسيبه يبرد شويه.
5- اول ما نلاقي الكراميل برد واتجمد هننزل عليه بالخليط الموجود في الخلاط.
6- بعدها هنجيب بوله ونحط فيها كوبيتين الدقيق ورشه الملح وباكو البيكنج بودر ونقلبهم مع بعض.
7- وفي نفس الخلاط هنحط باقي مكونات الكيكه ونضربهم مع بعض.
8- هننزل بالخليط ده في البوله ونقلبهم مع بعض كويس
9- بعدها هننزل بخليط الكيكه فوق الكرام كراميل بس اوعوا تخلطوهم مع بعض.
10- اخر حاجه هنجيب صينيه مقاس اكبر من اللي فيها الكيكه ونحط فيها مايه سخنه لحد مثلا ربعها وبعدها هنحط فيها صينيه الكيكه وندخلها الفرن يعني طريقه تسويتها زي الكريم كراميل وبتقعد في الفرن لمده ساعه او ساعه وربع..

 وبالهنــــــــــــــا