طريقة سهلة لتخليل الزيتون الأخضر على الطريقة السورية...بالصور

طريقة سهلة لتخليل الزيتون الأخضر على الطريقة السورية...بالصور

بسم الله الرحمن الرحيم

نقدم لكم اليوم طريقة سهلة لتخليل الزيتون الأخضر من مطبخ السورى على طريقة اختى أم عباد 

المقادير :
- 10 كيلو زيتون اخضر نوعه اسمه عزيزي أو عجيزي عشان متماسك اكتر مش بيطرى ولا بيتهرى . (ممكن تعملي نص المقدار ).
- 3 كيلو ليمون.
- كيلو فلفل اخضر حار.
- ملح خشن .
- اعشاب عطريه طازه (كسبره أو زعتر اخضر أو روز ماري ) انا هنا استخدمت الكسبره الخضراء .
- كيلو ونص جزر مبروش.
- زيت دوار شمس.

الطريقة:

 
1-هنا انا غسلت الزيتون وشقيته شق واحد بالسكينه ونقعته بالماء لمدة 3 أيام وبغير الماء في خلال ال3 أيام الصبح وبليل وماتخافيش مش هايسود ولا حاجه بالعكس هايشيل كل المراره أو الطعم المر اللي في الزيتون.

 

2- وديه شكل الزيتون بعد ال3 أيام وتغيير الماء.

3- هنا انا جهزت محلول الملح اللي هاخلل بيه الزيتون والمقدار لكل ليتر ماء =5 معالق أو 4 أكل ملح خشن
انا استخدمت 5 معالق .
وطبعا هنا عشان الملح يذوب في الماء لازم يكون في ماء سخن عشان يذوب بسررعه واسيبه لحد مايبرد واستعمله علطول.

 وديه صوره توضح شكل الملح الخشن وهو حبيباته كبيره بلوريه.

4-  هنا انا جهزت حاجة المخلل الكسبره الخضراء والليمون غسلته وقطعته حلقات والفلفل الحار شقيته شق واحد بالسكينه وبشرت الجزر وعندنا طبعا الزيتون.

5- أول حاجه هانضرب حلقات الليمون في الخلاط وهاضيف عليه من محلول الملح اللي عملناه عشان يسهل علينا الخلط في الخلاط وبخلي شوية حلقات عشان احطهم على سطح الزيتون في البرطمان

 وهنا صفينا العصير الليمون من قشر الليمون.

6-هنا حضرنا البرطمانات ورصينا فيها الزيتون على شكل طبقات طبقة زيتون وطبقة فلفل وطبقة جزر مبروش وطبقة كسبره خضرا وهكذا لحد ما البرطمان يبقى مليان وفي الآخر بحط حلقات الليمون اللي قطعناه وبعدين بوزع عصير الليمون في البرطمانات بالتساوي.

  وبعدين بكمله بمحلول الملح لحد مايتملى بس مش للآخر عشان بنغطي الزيتون بالزيت طبقة حلوه

7-  هنا شكل البرطمانات لما حطينا فيها المحلول وسيبنا مكان فاضي في السطح فوق زي مانتو شايفين عشان هانغطيه بطبقة زيت دوار شمس عشان المخلل ما يعملش ريم ويدخل الهواء للمخلل.

8- طبعا لما بنخلص بنقفل البرطمانات بنغطي البرطمان بكيس وبعدين بقفله بالغطاء عشان يكون محكوم ومقفول كويس وبسبب الزيتون يتخلل من 3 أسابيع إلى أربع أسابيع وبعدين بتفتحي عليه وتاكلي أجمل زيتون.

9- وده الشكل النهائي. وبالف هنـــــــــــــا