سلطه القرنبيط ( الزهره )المشوي بالحمص
بمناسبة موسم القرنبيط و لمحبى القرنبيط ( الزهره ) وصفه مختلفه ولذيذه جدا ادمان بصراحه
سلطه القرنبيط المشوي بالحمصقرنبيط
حمص مسلوق
تتبيله الشوى :
ملح ، فلفل
توم ، بصل بودر
ببريكا
كمون
زيت زيتون
وحسب الرغبه ممكن نزود جبنه بارميزان مبشوره
او معلقه دبس رمان او خل بلسمك او معلقه عسل او نكتفى بالبهارات فقط
اضافات الخضار اختيارى حسب الرغبه نوع منها او نعمل الميكس إلى نحبه او كفايه القرنبيط والحمص فقط
فلفل احمر حلو
شرائح بصل
مكعبات من البطاطا الحلوه
خس
جرجير
بيبي سبانخ او كيل
افوكادو
للتزين بقدونس او نعناع فرش
الصوص :
طحينه
زبادى
عصير ليمون
ملح ، فلفل
كمون
توم فرش او بودر
زيت زيتون
ولو مش بنحب صوص الطحينه ممكن نبدله بصوص الرانش
- بنقطع القرنبيط زهرات صغيره او بنمسك ثمره القرنبيط كامله ونقطعها شرائح رفيعه وده الآفضل عشان تستوى كويس وممكن إلى حابب يسلق القرنبيط ل٣ دقائق فى ماء ساخن ونصفيه كويس من الميه ( بس أنا عن نفسى بشويه على طول مش بسلق )
- بنخلط مكونات التتبيله وندهن بيها القرنبيط والحمص ولو هنضيف الفلفل الاحمر او البصل او البطاطا بندهنهم من نفس التتبيله وندخلهم الفرن الساخن على حراره ١٨٠ او فى الاير فراير ونقلبهم كل شويه عشان ياخدو لون من كل الجهات
- بنخلط مكونات الصوص ونظبط الطعم
- فى طبق التقديم نضع اولا الجرجير والخس لو بنضيفهم وعليهم الخضار المشوى وعليهم اى اضافات تانيه جبنة فيتا مثلا واخيرا نضع الصوص والنعناع اوبقدونس وممكن بصل اخضر وتقدم......
