طريقة عمل مهلبية المانجو بالمكسرات 

 

 بسم الله الرحمن الرحيم

المقادير

1/2 كوب كريمة مخفوقة للتزين 
1/2 كوب ماء فاتر 
1 لتر ماء 
1 علبة حليب مكثف محلى 
2 ملعقة كبيرة ماء زهر 
4 كوب عصير مانجو 

5 ملعقة كبيرة نشا 

طريقة التحضير:

فى حلة على النار هنغلى عصير المانجة مع التقليب المستمر.
هندوب نصف كمية النشا فى كوب من الماء وهنضيفهم لعصير المانجة مع التقليب المستمر لحد ما الخليط يبقى قوامه كثيف.
هنضيف الخليط فى بولة ونغطيها ويدخل الثلاجة لحد ما يبرد ويتماسك.
فى حلة على النار هنضيف الحليب المركز والماء وماء الزهر ونقلب كويس لحد ما الخليط يغلى.
هنقلب باقى كمية النشا فى نصف كوب ماء فاتر ونضيفها للحليب المركز ونستمر فى التقليب لحد ما قوام الخليط يتقل, وهنرفعه من على النار ونسيبه يبرد حوالى 10 دقائق.
هنضيف خليط الحليب لخليط المانجو بالتدريج مع التقليب الخفيف ونسيبهم فى درجة حرارة الغرفة شوية وبعدين ندخل البولة الثلاجة تانى لحد ما تبرد.
هنزين المهلبية بالمكسرات والكريمة وتقدم.. بالهنا والشفا.